استفسار ابغى اشري هدية للوالده بس محتار ساعدوني

السلام عليكم ورحمة الله وبركاته اخواني اببغى اشتري هديه للوالده بس مدري وش اشري لها قبل فتره شاري لها ذهب والان مدري وش اشر لها جوال عندها جوال ماتبي غيره ساعدوني ب
الهديه يارحم والدينكم وكل عام وانتم بخير

كل الردود: 14

عرض:
1.
15:15:38 2013.08.07 [مكة]
اشتر ساعه او عطها فلوس تشتري اللي تبي بعدين مو الازم الحين اشتر لها طم مواعين الحريم يموتون في الاواني هذا اللي عندي والله يوفقك ويجزاك
2.
15:22:18 2013.08.07 [مكة]
ماخليت شي في رمضان ماشريته لها من اثاث ومواعين ومن كثر ماعطيتها الفلوس هي الحين تقدر تصرف علي ههههههههه ماشاءالله ابي هديه تفرحها بالعيد
3.
15:24:06 2013.08.07 [مكة]
اشتر لها ساعه
4.
15:30:15 2013.08.07 [مكة]
فيه بعض محلات تغليف الهدايا عندهم دميه مزخرفه ويرتبون الفلوس فيها على شكل مظله او مكان عقد الذهب بشكل حلوو اشوفها افضل هديه
5.
16:06:52 2013.08.07 [مكة]
الله يجزآك بالخير ذكرتنا بالوالدين الله يجعله في ميزان حسناتك شوف الوالدة حقتك لابد انها تحبك حب غير طبيعي موب عشان اعطيتها هدايا او انك تحبها او أي شيء ثاني .. هي تحبك لأنها هي التي ولدتك وانت ما ولدتها وتحبك بغريزة فطرية للام فالهدية ليست بقيمتها بقدر الرمزية التي فيها ومن قال انها بقيمتها فلو كنت تنظر للهدية بقيمتها فانت انسان مادي ونفس الكلام ينطبق على من اهديت فهذه امك ...وصابها الله في القران بالإحسان في اكثر من موضع فأنصحك بحفظ القران لأنه اعظم هدية تقدمها لامك يوم القيامة وتلبسهما تاج الوقار وانصحك بان تكون الهدية من نوع الهدايا التي لا تنتهي بوقت قليل وتكون من الاعمال الصالحه وطويلة المدى مثل كفالة الايتام وصدقة جارية وحفر بئر لوجه الله والمساهمة في بناء المساجد فتكون لها هدية وبر
6.
16:10:47 2013.08.07 [مكة]
الله يجزاك خير وانا اخوك مانزلت موضوعي لجل اذكر وش من عمل خير سويت لوالديني وانا مقصر معاهم لو سويت ماسويت لكن انا اسال عن هديه ملموسه تفرح فيها لكن ماافعله لجلها ولجل والدي رحمة الله عليه مايعلم فيه الا الله سبحانه وزي ماقلت لك مهما قدمنا نبقى مقصرين لكن احتاج هديه لها في العيد
7.
عضو قديم رقم 197788
16:18:22 2013.08.07 [مكة]
يالله ياكريم انك تخليها له علي بالحرام انك رجل ابن رجل يالله انك توفق كل من يهتم بامه ولا يعوقها
8.
16:26:48 2013.08.07 [مكة]
اللهم امين وماعليك زود حق علينا وانا اخوك
9.
عضو قديم رقم 198285
17:03:50 2013.08.07 [مكة]
اشتريتها جوال أي فون تراها زي أمي الله يحفظها ما كانت تبي إلا جوالها ولمه جبنالها أي فون شوية شوية اتعلمت كيف تستخدم الجهاز ودحين مشالله صارت تشارك في الوتساب وتتصل فايبر وتانكو وترا تضيع طفشها في الوتساب والرسائل المفيدة وشكرا
10.
17:28:20 2013.08.07 [مكة]
الله يخليها لكم يارب لو تبي بورش جبته لها لكن امي غير امي ماتهتم الا باالاتصال ولاتعرف كولمي ولا خدمة كملني لاطلعت لازم اكون شاحن لها بمبلغ على شان تدق على كيفها تبيها تششارك ماضني والله لكن بحاول محاوله وشوف
11.
19:31:38 2013.08.07 [مكة]
اشتر لها صوفا من النوع المريح واللي يستخدم كمنام وسرير في نفس الوقت ,, الكبار بالسن احيانا ينعسون وهم جالسين ويستثقلون القيام للسرير
12.
22:22:23 2013.08.07 [مكة]
صدقت والله الله يكتب الي فيه الخير
13.
عضو قديم رقم 334864
23:43:15 2013.08.07 [مكة]
هدية الام انت اقرب شخص لها وانت الى تحدد
14.
01:55:33 2013.08.08 [مكة]
ثلاجة صغيرة جنب السرير
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!