لأصحاب الخبرةوالمجربين رأيكم في سيارة جيب الجديدx7 شركة جيلي

السلام عليكم

يا أخوان

أنا مقدم على شراء سيارة جيب من وكالة جيلي (Geely) اسمه (emgrand X7) موديل 2014 لدى وكيلها بالمملكة شركة الحاج حسين علي رضا

طبعاً السيارة جديدة على السوق و أول موديل ينزل في السعودية

مواصفات السيارة على الرابط التالي (قم بنسخ الرابط وإلصاقه في شريط العنوان بالمتصفح) :

www.geely.com.sa/X7_specs.html

والكاتالوج الخاص بها على الرابط التالي (قم بنسخ الرابط وإلصاقه في شريط العنوان بالمتصفح) :

www.geely.com.sa/pdf/X7-Catalogue.pdf

اذا سمحتوا لي أريد إبداء وجهات نظركم لأتمكن من اتخاذ قرار الشراء من عدمه

طبعا السؤال لأصحاب الخبرة بالسيارات و مالكين هذا الجيب ممن قاموا بشراءه أو اصحاب السيارات الصغيرة من هذا الشركة وهي شركة جيلي

ولكم الشكر جميعاً

كل الردود: 53

عرض:
1.
عضو قديم رقم 304678
08:57:00 2013.08.07 [مكة]
كم سعر ها
2.
12:04:05 2013.08.07 [مكة]
الأمان صفر التكييف سيء
3.
12:20:10 2013.08.07 [مكة]
كم سعرها ؟؟؟؟؟؟؟؟؟؟؟ ياخي انصحك خذ المتعارف عليه انت دافع دافع خذ شي الناس متعارف عليه لو بغيت تبيع بكره شي يعني يجمل يجيب لك سعر طيب
4.
19:18:27 2013.08.07 [مكة]
يعطيكم العافية ولا زال للحديث بقية
5.
عضو قديم رقم 304241
19:49:45 2013.08.07 [مكة]
2. بقلم: رخيصوكويس انت شفت او سمعت عن السيارة حتى تتكلم عنها ! خبري عنها في السنوات السابقة : السيارة نظام الامان فيها من شركة فولفو وهي معروفه بالأمان المكينة من شركة ميتسوبيشي القير بوكس شركة المانية و لكن ما اعرف اسمها وهي الشركة الصينية الاولى يسمح ببيعها في امريكا بسبب انها مطابقة للمواصفات عندهم ولكن يعيبها شي واحد فقط ان الديكورات الداخلية من البلاستك الضعيف وانصحك تشاهد تقرير حسن كتبي في يوتيوب قال معلومات عن الشركة يمكن تفيدك
6.
عضو قديم رقم 257975
20:14:30 2013.08.07 [مكة]
مانصحك ابد الجيب الدايهاتسو اللي يناع عند ابو جميل افضل منه
7.
21:20:55 2013.08.07 [مكة]
ننتظر
8.
عضو قديم رقم 305608
22:32:51 2013.08.07 [مكة]
نقطه ازيدها انه الموديل جديد يكون سعره رخيص لجذب المشتريين وهالشي الكل شافه في الموديلات السابقه
9.
00:57:39 2013.08.08 [مكة]
ان كان استعمالك يالتميمي خفيف وعلى قولتهم حشمه .. ومن البيت للدوام ومشاويرك داخل الرياض بس إن شاء الله انها راح تعيش معك خمس سنوات بدون مشاكل .. أما ان كانك راعي سفر وخطوط وبران ف ما انصحك فيها بصراحه .. وتقدر تأخذ بسعرها سياره مستعمله وتكون نظيفه
10.
02:49:29 2013.08.08 [مكة]
كم سعره يالتميمي
11.
09:58:57 2013.08.08 [مكة]
يا جماعة الخير خلوكم من الصيني والله حرام المبالغ اللي تندفع فيها هذي ألعاب مو سيارات ، اللي بيدفعك ال60 زودها وخذ سيارة زي العالم والناس او بقيمته خذ مستعمل نظيف الصيني عامة حظ ونصيب يا تصيب يا تخيب انا مريت ع قبل فتره عشان امجراند والله يا تشطيبها خايس ومن جوتها انك تعرف انها صيني من دون ماتشوف خارج السياره جرب وقفل الباب بقوة واسمع صح وهز المقعده والدرج التكاية والا أقلك ، اختصر ع نفسك وأوقف عند مدخل صيانتهم ولا تناظر المراجعين شوف اللي يدخل ع السطحات وجدد واحد من الشباب والله شالوها ثالث يوم بسطحة مو راضية تشتغل جدييييييدة انا أنصحك لوجه الله تعالى ، وبصراحة اتعب وانقهر لما أشوف احد يدفع فيها مبلغ وقدرة لانها كم شهر وتفارق
12.
عضو قديم رقم 261669
10:15:48 2013.08.08 [مكة]
قيمة السياره انصحك حطها دفعه لسياره متعارف عليها وقسط وراح يكون القسط بسيط لان الدفعه راح تكون كبيره
13.
13:07:53 2013.08.08 [مكة]
طيب ... إذا كان البديل .. جيب هونداي توكسان الشكل الجديد 2013 او 2014 ؟؟ وش رأيكم فيه ؟؟
14.
13:47:50 2013.08.08 [مكة]
توسكان افضل بالتاكيد من هل الخرده الصينيه لا الحلو ان الاخ الكريم صاحب الرد رقم 5 مع خالص احترامي له يصدق كلام البياعين
15.
14:42:34 2013.08.08 [مكة]
انت وش فيك يالتميمي الشباب ينصحونك ابعد عن الوكلات الجديده الي ماتدري عنها احتمال بكرا يشيل اغراضه ويمشي وتجلس انت تحوس بالتشاليح تدور قطع احسن لك خذ لك شي موجود بالديره تويوتا نيسان متسوبيشي لو مستعمل بس معروف او مثل ماقالو حط الكاش بدفعه اولى وقسط حالك حال المسلمين وانسى شي اسمه صيني او كوري جديد مالك الا المشكال احد الاصدقاء شراء سياره كذا كوريه اوصينيه والله انه كره اليوم الي اشترى السياره منهم مايحصل قطع ومره مافيه ومره بالصين وش لك بعوار الراس والتعب واترك كل كلامي تعال وقت البيع اذا احد وقف عند سيارتك لك الي تبي مالك الا ابو جميل شيك بالجيب
16.
15:39:50 2013.08.08 [مكة]
الاخ .حسن كتبي رفعها فوق مره. احسه يقول الممميزات فقط http://m.youtube.com/watch?v=ZhpOylrw11Y&desktop_uri=%2Fwatch%3Fv%3DZhpOylrw11Y
17.
03:06:35 2013.08.09 [مكة]
حسن كتبي ، تابع جميع فيديوهاته ماخلا شي للحاج حسين ووداه القمر حتى جيلي الدميه نفخها فوق دخلني فيه شك والعياذ بالله الا من يمدح جيلي
18.
07:20:10 2013.08.09 [مكة]
نتابع
19.
08:18:47 2013.08.09 [مكة]
شركة جيلي تحتاج على الاقل 5 سنوات حتى تثبت وجودها في السوق بالنسبه لك يا تميمي إذا تبي جيب لاتتعدى الشركات المعروفه : تويوتا , نيسان , ميتسوبيشي , جيب , هيونداي وفالإخير كيا مع اني لا أفضل الكوري لتجربه معه فما بالك بالصيني يعني ياباني مستعمل افضل من كوري او صيني جديد موفق اخوي
20.
09:02:15 2013.08.09 [مكة]
يعطيكم العافية جميعاً .. الموضوع محل المتابعة
21.
02:34:48 2013.08.11 [مكة]
ننتظر البقية
22.
03:41:14 2013.08.11 [مكة]
حتى الكوري انا مجربه من موديل 2001 كانت عندي سوناتا وبعدين اكسنت ياخي مكاينه ماتعيش. خمس سنوات وبعدين تسير صديق الورش. يا صديقي اشتر تيوتا او نيسان انا افضلها لان مكاينها تتحمل. ولك تحياتي
23.
04:05:14 2013.08.11 [مكة]
نيسان لك عليه !!!
24.
06:13:24 2013.08.11 [مكة]
اخوي لايفوتك جيب فورد اكسبلور انا مجرب 2010 ممتاز جداً سواءً في السفر أو البر أو داخل المدينة ... وسعره معقول جداً ...
25.
07:30:30 2013.08.11 [مكة]
على كم ؟؟
26.
07:36:27 2013.08.11 [مكة]
الرخيص مخيس
27.
09:14:50 2013.08.11 [مكة]
http://www.youtube.com/watch?v=zWqqhNinsxI
28.
09:19:16 2013.08.11 [مكة]
http://www.youtube.com/watch?v=Gv6JWp5Z_r0
29.
عضو قديم رقم 265430
15:58:02 2013.08.11 [مكة]
اللي يتمدح الجيلي تراها ممنوعه من دخول الاتحاد الاوربي بسبب عدم حصولها علي اي نقطه سلامه واللي بيسئل عن الجيلي اقوله ايش الفرق بين خلاط طعام مولينكس وخلاط طعام صيني وبيعرف
30.
13:06:06 2013.08.13 [مكة]
الان دخلت الاسواق الامريكية
31.
عضو قديم رقم 339253
14:26:07 2013.08.13 [مكة]
السيارة هاذي ,, ما فيها حديد بالشاصية وكل سيارات جيلي بشكل عام .. السيارة سيئة بمعنى الكلمة .. هم يغروك بالموصفات .. مثل الجنوط والجلد والفتحة والشاشات وبسعر رخيص فانت تنخدع وتنسى تشوف الامان والمحركات .. فا نصيحه ابعد عنها .. قيمتها تقريبا 70 الف .. بالـ 70 الف خذ لك يكون اة تاهو 2008 - 2010 .. على الاقل يعيش معك عمر طويل ..
32.
08:09:57 2013.08.15 [مكة]
نتابع
33.
عضو قديم رقم 316738
10:16:56 2013.08.15 [مكة]
اذا قيمتها في ال 70 عندك توسان او سبورتاج لا تبعد عنهم انا من يوم شفت علامتها وانا غاسل يدي منها
34.
11:02:20 2013.08.15 [مكة]
سعر الفل كامل ب 61 الف
35.
عضو قديم رقم 340337
12:57:34 2013.08.19 [مكة]
انا مجرب السيارة و معي حاليا و صراحة ابداع حق سفريات و بران و اتمنى من اللي مجرربها لا يتكلم عنها تقبل تحياتي
36.
عضو قديم رقم 340337
13:00:58 2013.08.19 [مكة]
و اللي يقوول ماا فيهاا امان بقولكك اذا ما تدري فيها 7 اير باقات و السيارة كفو ما يحتاج
37.
عضو قديم رقم 237377
13:08:02 2013.08.19 [مكة]
قبل ماتشتري ششوف الخدمه مابعد ماتشتريها مثل لا سمح الله اذا ماعجبتك .. هل مرغوبه في السوق السعودي ..؟ هل قطع الغيار متوفر ..؟ كثير من الناس تهرب من النيسان لان الوكيل لا يوفر قطع فما بالك سياره جديده نازله في السوق !!
38.
13:57:23 2013.08.19 [مكة]
يعطيكم العافية جميعاً
39.
عضو قديم رقم 340337
12:58:57 2013.08.20 [مكة]
ابشرك قطع غيارها متوفرة اكيد مرغوبة و خاصة الجيب x7 اعرف احد الاخوه يبيع و يشتري في السيارات الصينية و سوقه مااشي تمامم
40.
عضو قديم رقم 92185
08:13:36 2013.09.11 [مكة]
نصيحة مجرب اخوي عنده جيلي امجراد سي 7 المكيف جدا سيء واجوائنا نحتاج مكيف ممتاز يبرد وما انصحك فيها حط فلوسك بسيارة معروفة مثل الديهاتسو او فرشنر او برادو وبالتوفيق
41.
09:11:36 2013.09.11 [مكة]
ابعد عن الشر وغنيله اخذ بانشي ولا اخذ هالخرده مع احترامي لصاحب الموضوع وبالنسبه للتوسان افضل مليون مره اصلا ظلمت التوسان تقارنه بهالنكبه
42.
07:59:08 2013.10.26 [مكة]
يعطيكم العافية جميعاً
43.
عضو قديم رقم 39404
19:14:35 2013.11.20 [مكة]
انا استخدمت ec47 صراحه سياره ماتنفع بريال كل شوي طالع لك عله ولما تروح الوكاله مايعطونك وجه ويصرفونك يعني لازم تدفع لاانصح بها خر شي خربت مكينتها لما جاء المطر وقفت المراوح ومؤشر الحراره ما ارتفع يعني مادريت انها ارتفعت الحراره حتى شفت الدخان رحت الوكاله قالو السبب المروحه ليش تمشي في المطر
44.
21:01:36 2013.11.20 [مكة]
الله يعوض عليك خير ومبارك عليك المطر الخردة الصينية تظل خردة
45.
عضو قديم رقم 333693
23:36:02 2014.01.27 [مكة]
بسم الله الرحمن الرحيم السلام عليكم ورحمة الله وبركاته :- بعد الاطلاع على الموضوع والتجربة المميزة لجيب جيلي فمن واقع تجربة وللأمانة السيارة جدا ممتازة والتكييف من أحلى ما يكون والصيانة ولله الحمد تمام التمام والسيارة بحمد الله شريتها جديدة 2014 وجدا ممتازة ولكن المقاعد شوي قاسية وهذا ممكن لأني تعودت على الكابريس
46.
16:39:16 2014.02.14 [مكة]
بالتوفيق للجميع
47.
17:13:51 2014.10.14 [مكة]
تابعوا قرار وزارة التجارة الذي صدر بشان جيلي
48.
عضو قديم رقم 365464
15:11:33 2015.03.04 [مكة]
السيارة بعد سنة من الشراء خذ عندك مشاكل ضعف التكيف ومشاكل الكهرباء يعني سيارة سيئة جداا
49.
عضو قديم رقم 456205
15:44:03 2016.02.29 [مكة]
السلام عليكم تراني مثل اخوي التميمي بغيت الموتر وامس جيت من الوكاله وعطيته العيوب الي تقولونها كلها ف قالي اول ما نزل مكيفه صدق كان خربان مب زين لكن الحين حسنا الموتر بكثير وان شاء الله اذا فيها خير اليوم بشتريها 😆😊
50.
23:42:44 2016.02.29 [مكة]
والله حرام تدفع فيها مو 70 ال 50 قسما بالله واجد عليها وهذي وجهة نظري تجاه السياره وفيه خيارات كثيييره بال70 سوا مستعمل او جديد
51.
17:54:21 2016.08.09 [مكة]
اسعد الله اوقاتكم اخوي m3451m كيف السياره معك الان بعد سنتين ونص من استخدامك لجيب الجيلي وياخبذا اي شخص معاه جيلي يعطينا تجربته بإختصار بجيلي او اي ماركة صينيه لفائدة الجميع ..
52.
20:46:31 2017.04.02 [مكة]
بعد التحية والسلام عليكم ورحمة الله وبركاته بالنسبة للسؤال انا مقتني الجيب محل السؤال ويعلم الله أنها من أسوأ السيارات من حيث الاستعمال وخدمات ما بعد البيع واحتكار قطع الغيار تعطل عندي القير والسيارة لازالت تحت الضمان ولتاخري عن الصيانة الدورية تمت كتابة تقرير ويطالبوني بمبلغ 16000 ريال لإصلاح الخير مع الشاشة رغم أني ادخلت السيارة والشاشة كانت كويسة إلا أنهم ولا أريد أن أظلم نفسي باتهامهم أعتقد انهم غيروا الشاشة أو تسببوا في خطابها لذا لا تتهور بشراء سياسة غير معروفة في السوق
53.
17:30:57 2017.11.27 [مكة]
السيارة مايعيبها الى الوكيل حقها احتكار قطع الغيار والصيانة عندهم رديئة والا السيارة ممتازة للاستخام الجشمة واقتصادية جدا وقطعها متوفرة ورخيصة بس لازم تطلع لك مشوار 40 كيلو عشان القطع
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!