فيدكس حسبي الله عليه شفتو وش زين

السلام
طالب جوالات بقيمه عشرين الف من الرياض عشان يشخنها لي بالقصيم راح فيدكس موظفهم اخطا
وشحنها لخميس مشيط ثم للقصيم وانا راح علي السوق لي 3ايام انتظرها لو مابعتهن بكرا ابخسر بهن كلمت حق الجوالات عي يرجع القروش
يقول اشكي فيدكس هل اقدر اشكيه وش ابستفيد لو شكيته

كل الردود: 36

عرض:
1.
17:16:46 2013.08.05 [مكة]
إذا يمديك على السوق لا تشتكي ويبعوضك ربي وإذا خسارن مره قدم شكوى في المحكمه إذا أنت راعي طويله أو طالبهم بتعويض
2.
19:46:00 2013.08.05 [مكة]
السلام عليكم اخوي, اول شئ حاول تقرأ الشروط الموجودة في بويصلة الشحن ادا ماعندك روح فرعهم وقول لهم انك تبي الشروط واقرأهم ادا كان فيه تعويض ادا أخطأ موظفهم, بحيث تعرف تتكلم بالشروط وغير هذه حاول بكل الطرق ان توصل الى رقم مسؤول في فيدكس وكلمه واشرح له الوضع عن المشكلة ولامحال سيتم تعويضك خصوصا ادا قلت لهم انك تاجر وعندك تجارة وانت تتعامل مع فيدكس لكن ادا لم يتم حل المشكلة انت بتتعامل مع ارامكس ولا دي اتش ال ولا غيرهم كثير لازم يعوضوك خصوصا الغلط من الموظف وانت خسرت اكثر من يوم في البيع وهو موسم العيد سوى هذه الطرق وخبرني ايش صار معاك
3.
عضو قديم رقم 305045
19:46:29 2013.08.05 [مكة]
اقرا بنود الشحن اذا لقيت ثغره اشتكيهم بوزارة التجارة
4.
19:47:22 2013.08.05 [مكة]
من الممكن يعوضوك با شحن مجاني لشحنتك ادا توصلت الى مسؤول. وادا مانفع المسؤول الاول حاول توصل لثاني, خد اراقامهم من موظفين الفروع وروح اكثر من فرع.
5.
19:48:31 2013.08.05 [مكة]
انا اشوف انك تشتكى بوزارة التجارة فكرة مو كويسه لان القضيه بتظل بالسنين ولا يتستفيد شئ
6.
20:55:54 2013.08.05 [مكة]
الله يعوضك خير
7.
22:39:30 2013.08.05 [مكة]
مابيهم يعوضوني بشحن مجاني اصلن هي مجاني اللي دافع راعي الرياض. بس اتوقع مافيه بند اسمه لو اخطأ موظفنا
8.
22:43:16 2013.08.05 [مكة]
طيب وش التعويض الي يناسبك؟
9.
23:00:13 2013.08.05 [مكة]
يا أخي لو انت في بنغلادش او اي بلد ثاني أقول لك تشتكي ، وتأخذ حقك ولكن في البلد هذي والله مالك الا التعب .
10.
00:01:41 2013.08.06 [مكة]
صادز مافيه نظام يحميك ابدا
11.
01:26:57 2013.08.06 [مكة]
غصب عنهم بعوضوك مو برضاهم خصوصا انهم شركة عالمية وطالما الخطأ من طرفهم لازم تتعوض وهذا العرف السائد بجميع شركات الشحن بعدين لو الأخطاء مسموح فيها من قبل الموظفين معنى ذلك لو تاجر يريد يشحن بضاعة من السعودية للكويت وراح الموظف أخطأ وشحنهم لقطر وترتب على ذلك خسارة فادحة للتاجر فهل سيقبل التاجر من الموظف كلمة سامحني أو أمسحها باللحية ..... أكيد لا ولو رفعت عليهم قضية سيحاولو بشتى الطرق ان يقومو بتسوية الامور معك لأن اسمهم سيتأثر في سوق كبيرة كالسعودية وسيترتب عليها خسائر بالملايين لهم .
12.
11:08:39 2013.08.06 [مكة]
اكيد فيه تامين لو تلفت البضاعة
13.
11:49:12 2013.08.06 [مكة]
اقول ريح راسك وابعد عن عوار الراس بيقولون غلطة غير مقصوده وهذي جوالاتك .
14.
15:09:51 2013.08.06 [مكة]
انا شحنة جايتني من الصين وصلت الرياض بثلاثة ايام وهالحين لها اسبوعين مارحلت الى الشمال عن طريق شركة tnt بصراحة فيدكس ارحم من TNT
15.
16:29:40 2013.08.06 [مكة]
T N T هاذي افشل شركة شحن على الاطلاق
16.
16:31:55 2013.08.06 [مكة]
هههههه كل شركات الشحن ياخدمه زينه ويمحطك بالسعر ولا شيء ويكسر بضاعك ورخيص مثل الزاجل
17.
16:41:57 2013.08.07 [مكة]
الله لايوفقهم كلمتهم وسجلت شكوى وعطون رقم الشكوى ولا استفدت شي فيدكس توي مارهم يقول بعد العيد الله لايوفقهم
18.
16:45:18 2013.08.07 [مكة]
شركة فاشلة .. مرسل كرتون الى مسقط مفروض يوصل ثاني يوم .. وصار له 3 أيام عندهم بالمركز بالدمام مابعد يطلعونه ....!!!! رحت اليوم تلابشت معاهم حسبي الله عليهم ... كله كوم وهاتف الاتصال حقهم كوم .. 920009999 .. يحطك ع الانتظار ربع ساعة وفي الاخير والله اسفين مانقدر نخدمك . لازم تراجع نفس الفرع اللي فيه الكرتون !!!!
19.
عضو قديم رقم 36684
16:56:52 2013.08.07 [مكة]
انا برأيي ولكن الوقت فات لو وقتها قلت لهم خلوها بخميس مشيط ثبتوها وانا اجيكم استلمها كان احسن لك دقيت سلف وتوكلت على الله اسرع من حمارهم اللي مرسلينها عليه
20.
17:02:15 2013.08.07 [مكة]
بانيراي والله انك صادق يرصون الواحد اقل شي ربع ساعه مستحيل يرد عليك اقل من ربع ساعه انتظار شكلهم متعنين الحركه عشان يمللون الناس حسبي الله عليهم لا ومن زين وجههم بعد ماودوها لخميس مشيط ودوها لحائل !!!انا انتظر احمر من الجمر بدال مايجبونه لي بالقصيم ودوها لحايل بحجه ان محطه تجمع ثم تشحن للقصيم
21.
17:03:40 2013.08.07 [مكة]
لا وردهم البارد ومافيه اي اهتمام بالعميل سعر نار وخدمه عاديه
22.
17:15:07 2013.08.07 [مكة]
يجماعه ابي شوركم مستعد اخسر كل قروشي واجيب لي محامي بس ابي اادبهم هل ابستفيد اخاف اخر شي يتاسفون ولا يقلون لك شحنه مجانيه ابي شوركم يالربع
23.
عضو قديم رقم 305045
20:50:28 2013.08.07 [مكة]
قلت لك الحل اتصل بهاتف وزاره التجاره وارفع قضيه اسبوع وهم متصلين عليك ويعطونك خطاب احضار لوكيل الشركه انا مجربهم والموظف كان حريص في تعامله كل يوم يتصل علي يقول هاه نكمل الشكوى انا كنت مشتكي الحداد نوكيا
24.
21:37:53 2013.08.07 [مكة]
الرقم حقهم الله يرحم والديك
25.
21:48:28 2013.08.07 [مكة]
توي مسكر السماعه من وزاراه التجاره يقولون مالنا دخل اتصل على البريد السعودي وارفع شكوى
26.
عضو قديم رقم 305045
21:52:51 2013.08.07 [مكة]
وهم صادقين لن الترخيص معطى لهم من البريد السعودي كذا انت في المضمون وبتشتكي منافس لهم عليك بهم ي صاحبي البريد السعودي لواحد من عيال سلمان وهم اللي يعطون التراخيص لكل شركات الشحن موفق وتم الرد على الخاص واعتقد ما يفيدك ردي
27.
عضو قديم رقم 334864
22:08:51 2013.08.07 [مكة]
ياخي عند الدول المتقدمه اذا طفت الكهربه وتضررت اجهزتك كميوتر اوثلاجه او اي شي عطل لك تعويض اما عندنا الكهربه ف الصيف زي لنبات البليه تولع وطفي طول الصيف تدق على شركة الكهربه ياناس البيت بنفجر قالو ضغط عشان الصيفيه وانت الله يسلمك ودك تشتكي عادي بيقلون الله يعوض عليك وتصلك بعيد النحر ياجماعه زميل لي مسافر من الشرقيه للجنوب اغراضه ومفاتيحه وكل شي بالشناط تصدقون عشان غلطة موظف ارسلوها لحايل فوسع صدرك وتوقع اي شي
28.
22:27:03 2013.08.07 [مكة]
صادق وتوي مسكره من البريد يقول. راجع. الفرع اللي بمدينك وارفع شكوى
29.
عضو قديم رقم 305045
05:30:53 2013.08.09 [مكة]
انا مره كنت بزيارة لشركة شحن عالمية ناسي اسمها بالظبط بطريق الملك فهد بالرياض اعتقد ups قريت رخصتهم بانه مصرح لهم العمل من قبل البريد السعودي وصراحه هي شركة راقيه عموما انت انشب للبريد قول لهم انا مرسول من التجاره اذا رفضو بلغ التجاره مره ثانيه وبتشوف ما يسرك
30.
10:40:52 2014.07.16 [مكة]
مااستفدت شي لا من البريد ولا من التجاره كل واحد يقول اشكى عند الثاني واخر شي تقدمت بشكوى لفيدكس وعطان وقم الشكوى ولا شفت شي واجهزتي جن عقب العيد وبخساره بعتها
31.
10:48:32 2014.07.16 [مكة]
المشكله امس رحت ابشحن طلبيه هم يسكرون1بالليل وتصدق جاي 12ومسكرين الباب وفيه زباين من داخل وكلمت ورفض يقول سكرنا!!!!12ومكتوب 1يسكرون. ثانيا كاتبين نفتح بعد الظهر من بدا رمضان ولا يوم فتحو الظهر ثالثا عندهم عاملين يوم جاء رمضان قسمو الدوام وشخص واحد وش يبدي من الزحمه هو يرسل للزباين ولا يستلم 2ماكفو لا وبرمضان المفروض يزودون المعاملين جاي ينقص وقرف وقله حياء وهوشات وزحمه اليوم جيت اول واحد 9الصبح تصدقون مابه الاانا العامل يجلس بالشحنه نص ساعه!!!!!! بااااااااارد ويحاول ينشغل باوراق مالنا دخل بهن ويصرف الزباين تعالو العصر تعالو بالليل مايبي يشتغل. والله اني منقهر مره مره مره ودي اادبهم ياليت اللي يملك الحل والله لو بفلوس بس ابي اربهم وان الناس مو عمال عندكم لااحترام ولاتقدير ابدا بالعميل انتظركم تكفون ساعدوني او اللي قبل شكاهم منكم واستفاد يعلمن الطريقه
32.
11:14:59 2014.07.16 [مكة]
غير الشركة وتعامل مع غيرها والله يعوظك اما بخصوص الشكوى رح قابل مدير البريد ًاسئلهم عن وظعك او رح لاادارة فيدكس نفسها وقابل مسؤولهم بس عاد من لة خلق بالصيام يروكض الله يعينك وبالرياض بعد زحمة هههههه. حطمتك ها
33.
12:00:26 2014.07.16 [مكة]
لا بس هل ابستفيد لاني من خارج الرياض وسبب عدم تغيري الشركه عشانهم رحيصين
34.
15:37:00 2014.07.16 [مكة]
احد يعطن الحل تكفون
35.
16:17:49 2014.07.16 [مكة]
السلام عليكم تحياتي لكم وكل عام وانتم بخير انصح جميع الإخوة والأخوات بالبحث عن شركات أخرى غير شركة فيديكس وانا عانيت منهم الكثير من النصب وغلاء اسعار الشحن وللمعلومية أنظمة هذه الشركة الفاسدة في السعودية تختلف عن أنظمتها في جميع أنحاء العالم هذا بخصوص من لديه العضوية علاوة على تكلفة الشحن الباهظة في السعودية ولمن يريد معلومات إضافية ارجو منه الإتصال علي ولدي مايثبت ذلك كما لدي مايثبت بأن الشركة تطلب زيادة 60 % تكلفة توصيل طلبية عند سدادها عن طريق المستلم اكثر من لو تم دفعها عن طريق الشاحن في بلد المنشأ وكذلك لدي مايثبت ذلك والله على ماأقول شهيد ولك الله ايها المواطن المسكين حيث لايحميك قانون ولا يقف معك أحد.
36.
12:16:01 2014.07.17 [مكة]
ابوندى صدقت في ماتقول
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!