وين اودي سيارتي

السلام عليكم ورحمة الله وبركات

اخواني انا معي سيارة هونداي النترا 2103

مشت حتى الحين 4800 كيلو

هل لازم اوديها الوكالة عشان تدخل الضمان

واذا فيه احد يعرف وين اوديه اذا في مركز في حي الشفا او السويدي او في غرب الرياض

او وين المركز

السوال الثاني لو ما وديتها للوكالة على الشان التشيك وتغيير الزيت يروح الضمان ولا كيف

كل الردود: 12

عرض:
1.
19:35:42 2013.08.03 [مكة]
اخوي لازم تعمل التشييك وغيار الزيوت حسب الجدول اللي اعطوك في احد المراكز التابعه للوكالة واذا غيرت زيت او عملت اي شيء خارج هذه المراكز بتخسر الضمان على طول
2.
19:43:33 2013.08.03 [مكة]
مشكور اخوي اسنان يعني لازم اوديها للوكالة على عشان اغير الزيت والتشيك طيب مثل وديتها للوكالة على شان تغيير الزيت والتشيك على خمسة الاف هل لازم بعد على العشرة الاف كيلو اوديها لهم ولا خلاص عادي اغير عندي اي واحد
3.
عضو قديم رقم 311024
19:47:41 2013.08.03 [مكة]
ودها لمركز الوعلان واول تغيره الزيت مع الفلتر بحدود 200 ريال وبعد العشره الف نفس العمليه لكن مادري كم السعر انت لما تكون عندهم اسالهم كل شي
4.
19:50:11 2013.08.03 [مكة]
مشكور اخوي بوديها والله يعين على زحمة الرياض لان المركز في طريقة خريص انواع الزحمات بخليها عقب العيد تسلمون والله يحفظكم
5.
02:29:21 2013.08.04 [مكة]
طع شوري وديها أول صيانة بعدين العشرين بعدين الاربعين والستين والثمانين والمية واللي بينها سوها بأي مكان ولا يروح الضمان من واقع تجربة ، واذا قالولك كلها لازم بالوكالة قل لهم كفاية نصب أو قل لهم بروح اسأل وزارة التجارة وشف ردّهم . شددت وزارة التجارة والصناعة على أن الوكيل التجاري والموزع والمستورد للسيارات وغيرها من الأجهزة ملزم بتأمين الصيانة اللازمة للمنتجات، وتقديم خدمات الضمان، حتى وإن قام المستهلك بإجراء الصيانة في مركز غير تابع لهم، إلا إذا ثبت بشكل مؤكد أن هذه الصيانة سببت ضررا بالمنتج أخل بالضمان. وأوضحت الوزارة أنه يعد باطلا كل شرط مخالف للنظام ولائحته. ويأتي ذلك في إطار حرص وزارة التجارة والصناعة على توعية المستهلك بحقوقه النظامية، وبناء على ما ورد في نظام الوكالات التجارية، ولائحته التنفيذية، من التزام الوكلاء التجاريين والموزعين والمستوردين بتأمين قطع الغيار والصيانة اللازمة والضمان. وأكدت الوزارة متابعتها المستمرة لكل الملاحظات التي تردها بشأن الوكالات التجارية، وتأمين قطع الغيار، وتطبيق العقوبات على المخالفين بناء على ما ورد في نظام الوكالات التجارية، ولائحتها التنفيذية. يشار إلى أن نظام الوكالات التجارية نص على أنه: «دون أي إخلال بالأنظمة و القرارات الخاصة بتأمين الصيانة وقطع الغيار يلتزم الوكيل والموزع بما يلي: أن يؤمن بصفة دائمة قطع الغيار التي يطلبها المستهلكون عادة بشكل مستمر بالنسبة للمنتجات موضوع الوكالة، وأن يؤمن قطع الغيار الأخرى خلال مدة معقولة؛ وذلك وفقا للائحة التنفيذية». كما نص النظام على: « تأمين الصيانة اللازمة للمنتجات وضمان جودة الصنع والشروط التي يضعها المنتجون عادة؛ وذلك بصفة مستمرة طوال مدة الوكالة ولمدة سنة تالية لتاريخ انتهائها، أو لتاريخ تعيين وكيل جديد أيهما أسبق. الصيانات الدورية الخفيفة سويها بأي مكان ترا كله غيار زيت وفلتر والباقي مثل ماقلت لك بالوكالة . وكل الناس تودي سياراتها لغيار الزيت والفلتر وبإذن الله مايسبب خلل بالمنتج حتى لا يروح الضمان وغير الزيت في ورش غيار نظيفة ومعروفة .
6.
11:41:32 2013.08.05 [مكة]
في عرض عند هونداي تغيير الزيت مع الفلتر ب 99 ريال
7.
15:21:46 2013.08.05 [مكة]
لاتوديها مكان ولاتخسر روحك ظو حافظ على سيارتك وتوكل على ربك
8.
16:14:22 2013.08.05 [مكة]
يا اخوان مين فينا فاضي يتمشكل مع الوكالة . ويقوللهم هذي قوانين وزارة التجارة ؟؟؟؟ اخي صاحب الموضوع انا اشتريت سيارة وكالة وعند 15 الف كلم طلع فيها صوت تكايات البلوف وصلحوها ببلاش ، تخيل لو اني خسران الضمان كم بدفع ؟؟ روح الوكالة وانا خوك وادفع قرشين زيادة وريح راسك
9.
16:17:46 2013.08.05 [مكة]
دخلها اول مرة واسأل عن الصيانات الرئيسية وتصير تجيبها لهم عليها ، ما يروح الضمان
10.
عضو قديم رقم 281382
09:02:48 2014.03.11 [مكة]
عزيزي توديها للوكالة افضل، لأن هذا الموديل سيارة هونداي النترا 2103 لا يوجد الا عندك من فضلك تأكد من كتابة الموديل ثاني مرة، كيف ارد عليك اذا كان موديل السيارة 2103 تأكد ثاني مرة من الموديل اذا انت حريص على اين توديها. تحياتي.
11.
14:03:43 2014.03.11 [مكة]
لو غير برا الوكاله مايروح الضمان لو قالولك شي قل قرار وزاره التجاره تقول ما لزم الواحد تجبره الوكاله انه يغير الزيت والسيفون من الوكيل فتره الضمان لنه هاذا يجبراك على الدفع الزيت والسيفون لهم عشان كذا ما عليك منهم والكلام ذا من تجرب صديق لي واذا قالو شي قلهم بكلم وزاره التجاره تشوف و يقولون لك بالتوفيق
12.
17:18:49 2014.03.11 [مكة]
اهلا غير الزيت في الوكالة على 5 و 10 وبعدين غير في اي مكان بشرط تحتفظ بالفواتير وان شاء الله ما تحتاج الضمان ولكن لو لا سمح الله صارت عندك مشكلة في السيارة تروح تراجعهم بالفواتير على انك محافظ على تغيير الزيت
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!