نزول حاد في اسعارالسيارات بعد العيد

السلام عليكم ورحمة الله وبركاته
حبايبي لايستعجل احد في شراء سياره الا بعد العيد حيث ذكر لي موظف بأحدى الشركات الكبرى ان هناك نزول اجباري في اسعار السيارات لقلة الشراء وتكدس السيارات هناك وتم بيع بعض السيارات في مزاد لم يعلن عنه رسمي وكانت مختصر لبعض
تجار السيارات وبيعت بخصوم تصل الى30 % وفق الله الجميع لكل مايحبه ويرضاه

كل الردود: 38

عرض:
1.
عضو قديم رقم 113340
15:13:03 2013.08.02 [مكة]
هذا للي يبي يشتري طيب واللي يبي يبيع خسران كذلك
2.
عضو قديم رقم 338752
15:17:04 2013.08.02 [مكة]
ما اتوقع بيصير نزول لان فية شركات بتنزل موديل جديد وراح بيكون اغلى
3.
عضو قديم رقم 270503
15:21:57 2013.08.02 [مكة]
فعلا السيارات متكدسه والتجار ملوا ماحد يشتري الا بالاقساط والين مدحدر وفالكم طيب السنه هذي بالتوفيق للجميع
4.
15:24:06 2013.08.02 [مكة]
حتى انا ببيع وخسران 34 الف من سعرها يوم شرائها قبل 4 اشهر والحمدلله على كل حال لذلك حبيت انبه على بقيه الأخوان بعدم الأستعجال في الشراء
5.
عضو قديم رقم 258273
15:37:03 2013.08.02 [مكة]
ء نتمنى ذلك لاني ناوي اشتري سياره لكن أنتظر تنزل الاسعار . خاصه بعد سالفة الجميح وبيعه للسيارات المستعمله ؟ مصيبه ؟ ء
6.
15:40:41 2013.08.02 [مكة]
العنيد2009 ايش سيارتك ؟
7.
عضو قديم رقم 290902
04:13:01 2013.08.03 [مكة]
كلام غير صحيح او هات ادلة لاني ماشوف أي نزول نهائيا لامستعمل ولا جديد
8.
04:26:01 2013.08.03 [مكة]
اخاف العكس الله يستر
9.
06:14:17 2013.08.03 [مكة]
كلام غير منطقي مع احترامي لك اخوي صاحب الموضوع .. لأنه بعد العيد كما هو معلوم بداية المدارس والحركة تكون نشطة جدا على شراء السيارات لاسيما ان مجتمعنا البعض يبيع سيارته قبل بداية الإجازات للحصول على الكاش ومع العودة يبحث عن سيارة كما هو حاصل قبل الحج من إقبال الناس على شراء السيارات الكبيرة مثل الجموس والفانات وغيرها ...الخ لأغراض وقتية مثل الكدادة , ونقل الحجاج وبعد الحج يقوم ببيعها وهكذا ... هذا من وجهة نظري واعتقد ان هناك الكثير ممن يؤيدها !!
10.
عضو قديم رقم 316546
06:29:04 2013.08.03 [مكة]
البنزين بيغلا ياحبايب ...... اللي سيارته اقتصاديه مرّه لا يفكر يبيع ( نصيحه ) حتى لو باع بسعر مرضي له فالبديل اما مثلها بغالي او سيارة رخيصة تلهط البنزين .... يعني المبلغ اللي بيوفره بيروح في البنزين .. على كل حال الزحمه بتخف والدوجه بتقل واللي عند بابه 5 سيارات بتلاقي ثنتين والتصدير يبطون عظم ( التجار الشريطيه ) والمواقف متوفره والسيارات المبوشه ماعاد تشوفها والكداده بيعينون خير (( الشعب كله بيطلع اوفرتايم مكده )) وترجع للرياااااااال قدسيته وهيبته الازليه هههههه .... اااااااااااااخ ياريال الملك فهد ( الله يرحمه )
11.
06:38:58 2013.08.03 [مكة]
كلام صاحب الموضوع معقول والدليل أسعار السيارات قبل النزول اليوكن 176 ألف والأن 158 ألف وقس على ذالك باقي السيارات
12.
عضو قديم رقم 316684
14:22:21 2013.08.03 [مكة]
المفروض كل مهتم يراقب السوق بين فترة وفترة لان الهواميرمايخسرون انفسهم بسهولة وعندهم شياطين انا ومن بعدي الطوفان يطلعونهم من اي ورطة فلواعجبك السعرباي وقت لاتضيع الفرصة
13.
عضو قديم رقم 260688
16:02:33 2013.08.03 [مكة]
سوف تهبط هبوط حاد والوكلاء في حاله دفاع مستميت لمقاومة الهبوط وتعويض خسائرهم في الفتره الحاليه وتسهيل شروط التقسيط لتصريف اكبر قدر ممكن. واما الشريطية فيوهمونك بزيادة سعر المستخدمه ولاتفرق عن سعر الجديد الا بشي بسيط رغم فارق الموديل واكبر دليل ابحث بالمواقع وشاهد العجب 2008 لايفرق عن 2013 الا قرابه 10000 ريال تزيد او تنقص فنصيحه الي مو مستعجل ينتظر وهم يترجونك تشتري
14.
عضو قديم رقم 313823
18:17:53 2013.08.03 [مكة]
النزول سيكون من نصيب السيارات ذات الثمانيه سلندر والسته سلندر وذلك لقرب رفع اسعار الوقود لدينا والله اعلم
15.
18:45:27 2013.08.03 [مكة]
الاسعار في نزول من قبل رمضان
16.
18:55:22 2013.08.03 [مكة]
مافيه امل تنزل طالمافيه التجار الجشعين امثال ابو جميل ابوعيسى وابو جميح وابو بكس هاشم للعلم السيارة طالعه عليهم بنصف سعرها مثلا سعرعا 100 على العميل لهم 30الف ولو تبي تتاكد اسائل اصحاب تاجير السيارات بكم يشترونها 45الف يعني مافيه خساره عليهم
17.
19:19:59 2013.08.03 [مكة]
فعلاً اللكزس منزل عروض وكذالك الbmw وهذا دليل هبوط والعزوف عن الشراء كذالك هبوط السيارات في سوق السوداء (المعارض) ههه لكن لن يحصل شيء في السعودية والسبب أن السعودين غير واعين ولا متكاتفين لو فقط نحشر أبو جميل سنة واحدة ما أحد يشتري منه وممكن يبيع سياراته في دكان ابو ريالين
18.
عضو قديم رقم 311024
19:27:48 2013.08.03 [مكة]
جعلهم انشالله من اسواء لأسواء في نزول اسعار السيارات ويارب تهبط لين تصير مثل التراب اسعارها اجل اكسنت 2013 ب 50 الف يامجرمين حسبي الله عليكم
19.
01:44:10 2013.08.04 [مكة]
النزول يمكن شي بسيط لنزول موديلات 2014 بعد العيد وخصوصا السيارات اللي فيها تغيير وهذا النزول يا اخوان كل سنه يصير قبل ينزل الموديل اللي بعده يعني شي طبيعي لايجي واحد يفكر ان السياره اللي سعرها 100 الف بتصير ب50 الف
20.
12:13:18 2013.08.05 [مكة]
يعني يبي يوقف في شهر خمسه من السنه.الجديدة ع اني اشك نزول الاسعار الا في حاله وحده اذ سمحو لاستيراد سيارات قبل 208وتحت يمكن طال عمره يوافق ع نزولها
21.
11:10:48 2013.08.07 [مكة]
الاند كروزر الفل كامل كان 232 الف والمستعمل يصل سعره من 226 حتى 220 الف الان الجديد 219 والمستعمل 194 ويقول قابل للتفاوض يعني ببيعك 190 الف وفيه بعض الموزعين لشركة تايوتا نزلت بسعر السيارات بنقص عن عبداللطيف 15 الف ريال
22.
عضو قديم رقم 265091
12:53:06 2013.08.07 [مكة]
لا اظن ... قالوها قبلك عن العقار واسعار الاراضي ...ولا نزل شي ...
23.
14:15:13 2013.08.07 [مكة]
اذا العرض اكثر من الطلب لازم ينزل مافيه لاهامور وتاجر يقدر يسوي شي
24.
عضو قديم رقم 113340
14:24:37 2013.08.07 [مكة]
سيارات عقارات كل شي سوف ينزل لعدم وجود مشترين ومستأجرين لانه شي طبيعي من كان يشتري هم الاجانب ومن كان يستاجر اكثر هم الاجانب سواء سيارات تاجير او منازل او محلات تجاريه عندما تم منع الاجانب الان مع الانظمه الجديده لوزارة العمل بدأت العروض بكثرتها وقلة الطلب لان المشتري تم منعه وتدريجيا يتم عرض السلعه ارخص من السابق كذلك لن يجدوا مشتري او مستأجر حتى يصلوا لدرجة الركود والجمود ثم الافلاس ...
25.
17:43:30 2013.08.07 [مكة]
ربعنا في صالح التاجر في كل شئ والضحيه دائما المستهلك باختصار لاخوف على التاجر ابو جميل وشلته عندهم حصانه من كل شئ اوقفو استيراد السيارات المستعمله وكذلك بعض قطع الغيار
26.
عضو قديم رقم 338802
12:53:10 2013.08.08 [مكة]
االنزول طبيعي جدا ولا فيه نزول يدكر نزلت السياره عن سعرها الاول 10000 في الوكاله اقصد 2013 لانهم يبون يصرفون الكميه اللي عندهم قبل 2014 ويكرن في علمكم انهم لو نزلوا عن سعرها اللي بالسوق الى 50000 يعتبرون رابحين لانها اصلاً وصلت اسعار خياليه اجل الفكسار اللي كنا ناخذه 140000 على ايام 2004-2003 الحين وصل 280000 وش ذا الكلام هذا والكزس وصل لين 400000 نص مليون في سياره سلامات يالربع واللي قاهرني زود ان الشعب السعودي يطلب وعنده استعداد ياخذها سوا ارافعت او نزلت مع انه مزنوق وحالته حاله بس عندنا ناس يحبون المظاهر وهم طفارى .. الشركات يوم شافت الهملش يشترون ويطلبون قامت تزود السعر على شوي شوي .. وبعدين وراه مافيه الا اشخاص معينين هم اللي محتكرين الوكالات عندنا وهم اللي يتحكمون هذا غلط اجبريه يالحكومه يخفض السعر او افتحي المجال لغيره لتنزل الاسعار على المستهلك .. والله شي يمغث يالربع ..
27.
عضو قديم رقم 47506
13:26:37 2014.06.25 [مكة]
وصل بعد العيد ... وين اللي يقول فيه نزول اجباري في اسعار السيارات لقلة الشراء وتكدس السيارات ,,,
28.
عضو قديم رقم 47506
13:27:16 2014.06.25 [مكة]
العيد الثاني قرب .. الله يجعلنا واياكم من الفائزين
29.
عضو قديم رقم 346131
16:32:15 2014.06.25 [مكة]
ههههههههههههههههههههههههه
30.
20:27:01 2014.06.25 [مكة]
يارجال من بعد حملة خلوها تصدي وانا غاسل ايدي تنزل الاسعار الشعب ماعنده تكاتف
31.
00:59:07 2014.06.26 [مكة]
كلام فاضي مع أحترامي للناقل السوق في ركود والبيع قليل وأسطوانت نزول الإسعار سمعناها في نفس هذا المنتدى العام وقبل العام وفي نفس الوقت ولا صار شيء والعقار والزاد والسلع الأخرى كل مالنا في زيادة ما فيه شيء يرخص غير الروح البشرية
32.
10:40:16 2014.07.05 [مكة]
النرجس هذا موضوع قديم شف تاريخ النشر
33.
01:50:37 2014.07.22 [مكة]
النرجس شكرا
34.
عضو قديم رقم 368208
02:09:09 2014.07.22 [مكة]
يمدحون الركاده تراها زينه
35.
06:24:12 2014.07.23 [مكة]
فعلا تكدس في معارض الرياض وهبوط بالأسعار المستخدم
36.
عضو قديم رقم 374883
21:40:33 2014.09.29 [مكة]
الركود يؤدي الى انخفاض الاسعار حيث التاجر بجيب الموديل الجديد والموديل القديم مامشى بسوي تخفيض على الموديل القديم بس في نفس الوقت ماحيطلب كميه كبيرة من الموديل الجديد يعني التاجر مو خسران شي وشكرا
37.
11:23:05 2014.09.30 [مكة]
اسطوانه مكرره نسمعها كل سنه ولا تنتظرون نزول واللي يقول محد بيشتري وخلهم يبلشون فيها اقول له شف سيارات الرياض كلها 2014 وفيه ناس تدفع مافكرت وفيه وكالات ماعاد تلحق عالسحب وصارت بالحجز ويطلبون عربون
38.
13:14:24 2014.09.30 [مكة]
بصراحة كل سنة نسمع نفس الكلام .. في السيارات والعقارات وغيرها .. ومانشوف الا غلاء زيادة .. بخصوص البيع .. صحيح في ثقل في البيع شوي ولكن الان عروض التقسيط والتأجير تخلي اللي راتبه 3 الالف ياخذ سيارة .. لذلك البيع ماشي .. صحيح مافي بيع كاش زي اول .. ولكن التأجير ماشي حلاوة ..
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!