تهريب في زيت القير للايدج

السلام عليكم ورحمة الله وبركاته

العشر مباركة

واسال الله ان يعتق رقابنا ورقاب والدينا وزوجاتنا وذرياتنا من النار ,,, اللهم امين

كيفكم يا شباب

الموضوع ومافيه سيارتي ايدج موديل 2008 دبل , وحصلت قبل فترة تهريب في زيت القير بعد ماسويت صيانة في الوكالة بعد مابلغوني , طبعا ماراح اصلحها عندهم لاني بدفع مبلغ وقدره .
طبعا الشغلة ومافيها تغيير الصوفة والوجه ولكن خبركم قير اللي فيه دبل يبي له شغل فااللي ابغاه منكم تنصحوني في ورشة محترمة في الرياض للقيور ؟
وكم تتوقعون يكلف ؟
يامال العافية

نصيحة / العبرة بالخواتيم
يامن فاتته عشر الرحمة وعشر المغفرة فانت الان في عشر العتق من النار
فاروا الله منكم خيرا ؟

كل الردود: 4
1.
03:56:27 2013.08.02 [مكة]
192 قراءة من دون تعليق !!!
2.
08:17:17 2013.08.07 [مكة]
سارفع لك الموضوع لعل احدا يفيدك
3.
08:52:34 2013.08.07 [مكة]
بصراحه ماعندي خلفيه عن ورش تخصص قيور لكن بوصف لك ورشه فيها شاب سوري جدآ اخلاق ومحترم واذا ماصلح سيارتك بيشير عليك والرجل بكل امانه امين وصادق مامر علي مثله موقع الورشه ونت على طريق عثمان بن عفان مخرج7 وجهك شمال كنك جاي من طريق الملك عبدالله رايح للديراي الشمالي شفها اخر محطه على اليمين قبل الدايري خبري فيها سابقا صراف الاهلي روح للورشه تلاقي واحد اسمه محمد طويل شوي اطلبه بالاسم ومعه بالورشه خاله اتركه لاتتكلم معه اسئل بس عن محمد لعلي افدتك ولاتنساني ولاتحرمني من دعائك طبعآ محطة الادريس
4.
13:48:11 2013.08.13 [مكة]
2. بقلم: القروم شاكر لك والله يرفع قدرك (: 3. بقلم: عززووزز ههههههههههه ضحكتني يوم قلت اترك خاله شكله نشبة :-) عموما انا ساكن في غرب الرياض وان كان لي زرقه للشمال بمره ياخي شاكر لك جدا جدا والله يسعدك ولا يريك مكروه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!