دج العقار طاح

السلام عليكم ورحمة الله
العقار انذبح خلاص راحت على الجشعين ولله الحمد والمنه الله يعز ابومتعب ويقويه الحين اللي على قد حاله يقدر يشتري له ارض يبني عليها مسكنه

كل الردود: 36

عرض:
1.
08:10:21 2013.07.23 [مكة]
عساهم مسكوا اللي ذبحه!!!
2.
08:12:20 2013.07.23 [مكة]
متى القصاص؟؟؟!!!!
3.
عضو قديم رقم 326681
08:12:35 2013.07.23 [مكة]
وش صار ؟
4.
08:15:03 2013.07.23 [مكة]
خلك من الكذب اسعار الاراضي زي ماهي بالشرقية ارض 500 متر في مخطط سكني ومتكامل الخدمات لاتقل عن 700 الف ريال وارض 500 متر محذوفه بالعزيزيه ماجمبها شي ولامزفلته ب500 الف ريال
5.
عضو قديم رقم 230492
08:19:11 2013.07.23 [مكة]
كلام صح مادري مين المصادر كل شي يدج أصدق الا العقار عندنا بالسعودية هذى مستحيل ونتمنى ذلك لكن ليس بالسعولة التى تتحدث بها ياخى أدخل المحكمة وشف الافراغ وتعرف انه دج ولا لاا
6.
عضو قديم رقم 308273
10:23:31 2013.07.23 [مكة]
كلام غير صحيح ... انا من سنة وانا ابحث عن ارض وللاسف اسعارها في ازدياد واخر مره قمت بجولة قبل رمضان باسبوع ارجوا الدقة في نقل الخبر يا كاتب الموضوع
7.
11:28:01 2013.07.23 [مكة]
الي يبي يتأكد هل العقار راكد او لا يزور (كتابة العدل) المحكمة،ويشوف عدد المراجعين،هل العدد مثل الشهور الماضية؟؟ وهو حكم نفسه...
8.
20:35:01 2013.07.23 [مكة]
اللهم لك الحمد اللهم زد وبارك
9.
عضو قديم رقم 250387
21:12:48 2013.07.23 [مكة]
هههههههههه اسف بس حلم الضبعه العقارررر فوووووق اليوم شفت ارض في شمال الرياض 500 متر كانت قبل 6 شهور المتر 2800 سألت عنها اليوم يقول وصلت 3200 ريال هذا وش يعني طيب فيلا في الياسمين 300 متر كانت مليون واربعمائه الان مستعمله سنه معروضه مليون وستمائه وين فيه النزول دلونا نبي نشتري
10.
عضو قديم رقم 205602
21:36:04 2013.07.23 [مكة]
انا معك ياللي كاتب الموضوع العقار انتهى بس الشريطيه حقين العقار وحرامية العقار متمسكين على بالهم ان تمسكهم بيدوم لكن انتهى كل شي وراح تنزل الاراضي والاسعار واللي يكتب غير ذلك فهو شريطي يبي يتمسك حتى هنا بالمنتدى اسمعوها الاسعار راح تنزل ياهوامير العقار وراح نشوف الااسعار في الايام المقبله تحياتي للكل
11.
عضو قديم رقم 214261
23:43:46 2013.07.23 [مكة]
اذا كنت تعتقد ان اسعار العقار نازله او راح تنزل مستقبلا او هناك امل في النزول او راح يلحق ولد ولدك على النزول؟؟ فاعلم يمعلم ان الحشيش اللي معك اصلي!!
12.
عضو قديم رقم 265091
01:00:30 2013.07.24 [مكة]
ههههههههههههههههههههههههههههه من جد حشيش اصلي
13.
01:06:06 2013.07.24 [مكة]
علومكم بالمدارس انت الارش قريبه من المشتري وفي مكاتب العقار الارض بعيده عن المشتري مافي انخفاض ولا غيره فقط الاراضي الغير مخدومه ولم تخطط سعرها ثابت
14.
عضو قديم رقم 290772
01:08:37 2013.07.24 [مكة]
احلاااااااام يقظه
15.
01:11:51 2013.07.24 [مكة]
المؤشرالحقيقي لنزول العقارهو الإيجار اذا نزل اعلم ان العقارفي نزول .غيرذالك لا تصدق احد
16.
02:22:16 2013.07.24 [مكة]
ماتوقع ولو نزل بينزل 20% بالكثير السعودية مع انها كبيرة واراضي واسعة لكن اسعار غالية كاننا بنشتري ارض على البحر او على نهر تلقاها ارض في الرياض جو سئ وحتى اناس اللي فيها سيشين واسعارها غالية وكل الممكلة اسعار الاراضي غالية
17.
عضو قديم رقم 334585
03:52:17 2013.07.24 [مكة]
المهديه نزل 30 % وبالنسبة للأخوان اللي طايرين في العجه ويقولون العقار في أزدياد .. ممكن كلمة راس على جمب ؟ تعال انت وياه .. تحلقوا حولي .. تحلقوا .. " من انتم !؟ "
18.
عضو قديم رقم 310292
04:57:31 2013.07.24 [مكة]
دج الشعب وهو مادج ماتحرك من مكانه مشاءالله عليه
19.
عضو قديم رقم 257975
05:06:41 2013.07.24 [مكة]
ودنا بنزول العقار لكن للاسف اللي نسمعه عن نزول العقار مجرد اسرائيليات .
20.
05:17:08 2013.07.24 [مكة]
ماطار طير وارتفع الا كما طار وقع الاراضي بابها في نزول بالاسعار ملحوض وبالفعل كتابات العدل معد فيها زحمه مثل اول اللي قاعد ينكر صدقني معاه ارض والا عقار المفروض يستبشرون بالخير واغلب اللي بمكاتب العقار عندهم اراضي بالهبل اغلبها منح يعني يشترون المنح باسعار بخسه وبعد ما يضبط وضعه ويطلع الصك يبيعونها بسعر السوق المفروض تكون الزكوات الزامية مش على كيفهم لان اغلبهم ما يدفعها وهنا البلا انا كان عندي مكتب عقار قبل 3 سنوات وعارف اهل العقار وزباينه ما راح احد يرضى من اهل العقار بنزول الاسعار ولا زالو يطبلون للمحافظة على الاسعار اقل شي الان اغلبهم يصلحون مقاصات لان الناس معد تشتري من غلى الاسعار قليل جدا واسعار البيع نزلت انا اصدق السوق وصدق نفسي والا اصدق اللي يقعدون يكتبون ذولا تحصلهم بس يتسعرون من المكاتب بس لان اهل المكاتب يعرفون الاسعار بالتثمين ويقدرون سعرها لان كل مازاد حجم البيع زادت عمولته حتى لوكان راعي العقار يبغى يبيع باي سومه جاده راعي المكتب بيخرب ويقدرها بسعر معين قابل للتفاوض وبالفعل انا ملاحظ على بعض الاعضاء رافض رفض قاطع النزول وعارض عقاره للبيع وهذا يدل بالفعل ان المعارضين بالموضوع على نزول الاسعار هم بالاساس ملاك عقارات واذا احد حلف منهم بتحصله معطي ولده والا زوجته تكتب عنه الرد وتحلف وهو صادق انها او ان ولده ما يملك اي عقارات واقذر مخلوقات يفوقون بقذارتهم وخساستهم الشريطيه هم اهل المكاتب الا ما شاء الله منهم اعرف حركاتهم
21.
05:54:53 2013.07.24 [مكة]
للأسف انه فيه ناس تتكلم بدون ان تعي ما تقول العقار في ركود ونزول نعم صحيح والي ما يستوعب هالكلام يحاول يبحث ويستخدم المنطق مثال : الاخ الي يقول الاجار معيار حقيقي لنزول العقار من وين جايب الكلام هذا قبل عشر سنوات الاجارات في الشرقية اغلى من جده مع ان اسعار العقار في الشرقية ارخص من جده يا اخي من المنطقي ان يعوض صاحب العقار الخسارة في قيمة العقار برفع الاجارات فشي طبيعي ارتفاع الاجارات متى سيكون الانخفاض ملحوظ عن عدم وجود اي جدوى للمتاجرة في العقار و بتوفر فرص استثمار اخرى وهاذي اتركوها للمضاربين العقاريين الكبار وصراعهم الحالي مع الضغط القوي والحصار الموجه لهم من الدوله عندها لن يفكر بالارض الا من يرغب في بناء مسكن فقط هناك شريحه من الاخوان مع احترامي لهم من النوع الي ينطبق علية المثل الخاص بالاطفال ( يا عساهم يغصبوني وانا ارفض ) تجده في امس الحاجه لتملك عقار و يرفض ان يستوعب ان العقار في انخفاض او سينخفض يبغاك تجيه وتترجاه ان يقتنع مثال اذا انا ابي اشتري ارض وابنيها هل الوقت مناسب بقول لا لانه الحين فيه ركود وترقب و انا ما شريت قبل الغلا الي حاصل اجي اشتري الحين لا يا عم انا مثل ما صبرت سنين اصبر السنتين هاذي واشوف اش بيصير عشان اكون على بينه وفي كل الحالات ماني خسران شي فما يحتاج الموضوع ان يعطى اكثر من حقه
22.
عضو قديم رقم 126219
06:25:12 2013.07.24 [مكة]
يا ناس أنتم من يرخص الأسعار أصبرو سنتين لا تشترون وخل فلوسك في مخباتك والله ثم والله ثم والله أن ينزل فوق النصف من سعره . على فكرة العقار في ركود من أصدقاء لي يفرغون في بنوك من المركز الرئيسي يقول لي أن العقار في الماضي يفرغ البنك أعداد كبيرة يقول الآن 5 أشخاص لـ 6 يقول أن الفرق واضح و أن الإتصالات إلي تزعجه في الماضي قلت جدا . أيضا تاجرين من العقار في شمال الرياض وراعي بيوت يقول لي العقار نزل وركد للنصف لكن التجار متمسكين بالسعر . يقول إن نزل الأجار راح ينزل عقار المنازل و الأراضي للنصف لكن مادام أسعار الأجار مرتفعه فهو ماسك سعره . ويقول نحن ننتظر قرارات وزارة الإسكان إن صدر حاجة رسمية ممكن يكون سلبي بالنسبة للتجار وأحد الأشخاص يتكلم يقول ما راح ننزل العقار لو ندفع 10 سنوات قدام ما يطلب منا وراح ناخذها من الي بيشري منا وراح نتدخل بقرارات الوزير ونضغط عليه . المسألة جمعتها من كم شخص أحدهم تاجر عقار يقول راح يتجه بعض التجار للمدن الرئيسية في المناطق لرفع أسعارها عشان تمسك في المدن الرئيسية وندخل في المحافظات ونرفع أسعار الأراضي لنخلق مجال في رفع الأسعار بالمختصر هناك أحياء سكنية راقيه هي إلي ماسكه سعرها والباقي راكد وراح ينزل خلال 6 شهور لكن النصيحة : عدم التعجل و عدم الدخول في شراء الأراضي . ومن أخطر القرارات التي تقتل المواطنين الأشخاص التي تخرب عليك . مثال بسيط لو كنت في سفينة وقمت بنقرها لتفتح فتحة لتأخذ منه الماء راح تغرق السفينة وراح يغرق الجميع المجتمع كذلك فضعو خطة و عمموها سنتين صبر و نستأجر لإنزال الأراضي و إمكان الشعب من الشراء .
23.
09:18:27 2013.07.24 [مكة]
ياليت ينزل بس الارتفاع حاصل حاصل وهذا اخر اعلان توي ناقله قبل شوي من احد المنتديات المشابهه لحراج بيت شعبي في الرياض ام الحمام المساحه 250 كبير مره والحد 620 وهناك شقق إيجاره سنوي 25 ألف والله الى راح يشتري راح يطلع خلال سنتين سعره واكثر بس يهدمه ويا خليه شقق وآسف على الكتابه لأني داخل في الجوال
24.
09:24:04 2013.07.24 [مكة]
مشكله اللي خايف على ارضه ماتجيب قيمه ويخسر يقول العقار ماراح ينزل ياخي الشمس ماتغطى بمنخل والله ماودنا احد يخسر لكن باالمعقول لاضرر ولاضرار يكون بعلمك ان هناك مخطط ضخم لشركة ارامكو راح يوزع على الموظفين قريبآ في الشرقيه على طريق ابوحدريه باتجاه البحرين وآخر في الراكه وهذا بحد ذاته راح يكبح جماح الاسعار بقوه وكذلك اراض الاسكان اللي راح توزع قريبآ وظهر مخططها على طريق المطار والكل يعرف ذلك والخير قادم إن شاءالله وانتو يااللي زعلانين ليش الزعل الله يهديكم هدو اعصابكم
25.
09:39:03 2013.07.24 [مكة]
نعم اخي هذا الواقع لاكن للاسف من الي يبى الشرقيه والحر والرطوبه الناس بعد ماتتقاعد مالها الا ديرتهم او المدن الكبار او المناطق البارده واما الشرقيه بتبقى لاهل الشرقيه صحيح ان الحكومه تعمل جاهده لخفض اسعار العقار في جميع المدن لاكن منطقه مافيها خدمات مااحد يبيها يمكن بعد 50 سنه ممكن
26.
14:50:43 2013.08.31 [مكة]
سبحان الله على كبر مساحة الرياض الا أنها نار مكبرهـ !! لهذه الدرجة وصل الفساد بالدولة
27.
عضو قديم رقم 120650
16:05:37 2013.08.31 [مكة]
السكني اللي ما يستاهل بينزل غصب...اللي مافيه خدمات وفي قلعة وادرين بيصير برخص التراب بوجهه العدو...والسكني داخل العمران بينزل كذلك بس يمكن 30 بالميه بالكثير خلال السنتين القادمة...التجاري يعتمد علي المنطقة..هذا والله اعلم....من خلال معطيات محليه ودوليه...
28.
عضو قديم رقم 250387
16:12:20 2013.08.31 [مكة]
طيب ،، نتقابل بعد سنتين ههههههههههه صدقني سيضطر الشعب الى التغير وليس العقار سألتني كيف ههههههههه راح تكتفون بالشقق مثل الدول العربيه ايه صحيح راح يكون طموحك شقه اربع غرف تمليك وبس شي يستر عيالك وهذا التوجه وراح تشوف يا صاحبي شغله الاراضي ما راح تقوونها ابدا
29.
16:48:42 2013.08.31 [مكة]
مكاتب العقار ركوووووود مافيه الا العروض ولايوجد المشتري وبالاسعار الماضيه متمسكين فيها
30.
عضو قديم رقم 234867
00:21:15 2013.09.01 [مكة]
يحتاج حوالي 5 اشهر لنرى التأثير الفعلي لمشاريع الإسكان على أسعار العقار، بالاضافة الى توجه الدولة لدعم وزارة الإسكان من فائض ميزانية السنة الذي سيكون اكبر فائض في التاريخ. اعتقد ان أغلى أسعار العقار في السعودية الان موجود في الجبيل.
31.
عضو قديم رقم 257611
02:03:25 2013.09.01 [مكة]
هههههههههههههههه للحين فيه ناس تردد المقولة الغبية هذي الغريب ان الموضوع مافيه تصريح امين الرياض السابق العياف الله يذكره بالخير عموما الله لايحلل ولا يبيح من ينشر الاشاعات وهو قاصد يضر المسلمين من هوامير العقار واصحاب المكاتب كلو العالم بالهبوط من عشر سنين والشي اللي كان بـ 300 صار 2000 والحين يقولون بطريقة ثانيه بينزل العقار النص الله لايبارك فيك انت ونصك دام فيه مهبل يصدقونك وينتظرون لين يصير مايلقي شقة يستاجر فيها mr_tariq العقار في الشرقية ارخص من وين جبت المعلومة يالحبيب قبل عشر سنين قيمة الايجار بشرقية كانت معتمده على قلل الشقق وكثرت الطلب خصوصا ان الشرقية كلها شركات وتدفع قيمة الايجار كاش عن الموظف وللحين الموضوع في الشرقية نقص في العقارات المطلوبة وخصوصا الجبيل اللي اتحدا تجيب شقة با اوصخ مكان فيها اقل من 30 الف لايعوضون بخسارة العقار ولا شي ونفس الشي ينطبق على مكة المكرمة اللي هي اغلي عقار بالعالم والسبب مواسم الحج ورمضان اعرف شخصيا واحد باع عمارة بنفسه بناها واستثمرها بايام الحج بمبلغ 350 الف عام 1429 وباعها بمكسب 4 مليون عن خسايره اللي دفعها وكان بوقتها بيطير من الفرحة وتندم بعد ثلاث سنوات وعطا اللي اشتراها مكسب خيالي ووصل السوم عليها 16 مليون وذاك رافض وحاليا يقال ان نفس العمارة تسام بـ 30 مليون وصاحبها الاول للحين منقهر ومنغبن فيها والرياض فيه مبرر لها بقل المساكن مقارنه بعدد السكان اجل سبعة مليون وين بيسكنون لاصار الدولة ماقسمت ارضى الخام قبل يشبكونها ووصلت لها الخدمات وباعتها على المواطنين بسعار رمزيه او بنت على الاقل ربع عدد السكان في كل مدينة فيها ارتفاع بالاسعار ساعتها بقول بينزل العقار بس للاسف كل الكلام اللي ينقال الحين خرابيط لا من ناحية وزارة الاسكان والمشاريع ولا من ناحية التنظيم والرهن العقاري ونفس الشي ينطبق على اي قرار بيصير دام ماحلو مسئلة توفر قطع الاراضي بسعار رمزيه مدعومه من الدولة وقريب بنشوف المدن الصناعية الجديده يطير فيها سعر المتر
32.
عضو قديم رقم 300325
18:57:27 2014.03.12 [مكة]
لاوزيدك من الشعر بيت واحد من الجماعه عرض ارظين للبيع ب1مليون وشهرين مااحد كلمه وباعها بناقتين سعرها ب700الف
33.
20:19:22 2014.03.12 [مكة]
مشكلتنا في العقول الفارغة اللي يقول العقار مستحيل ينهار او يتراجع على الاقل ارجع للبيانات التاريخية وراح تجد ان الاسعار كانت مرتفعة جدا في بداية 1400 هجري مع بداية حكم الملك خالد الله يغفر له انهارت قبل ازمة الخليج الى ظهرت اراضي الموكيت في شمال الرياض وكان وقتها 1409 المتر بريال واحد في شرق الرياض حي السلام والمنار وماجاورها تصاعدت الاسعار بعد ازمة الخليج الى ان وصلت ارقام فلكية في عام 1417 وصل سعر المتر في شرق الرياض الى حوالي 1500 ريال للمتر عاد وتراجع بعد احداث سبتمبر عام 1421 ووصل الى الحضيض واصبح المتر يباع في شرق الرياض في حدود 200ريال واستمر الانخفاض في اسعار العقار الى ان انهار سوق الاسهم ورؤس الاموال تبحث عن العائد واسعار العقار كانت ببلاش في نهاية عام 1425 فأشترى اصحاب رؤوس الاموال تلك الاراضي بأسعار زهيده وباعوها على الاغبياء بأسعار تجاوزت 2000 ريال للمتر كما قام هوامير الأسهم بشراء اسهم بيشة ب20 ريال وباعوها ب3000 ريال على الاغبياء ملاحظه: اسعار الاسهم الان في الحضيض سيشتريها الهوامير بأسعار رخيصة ويبيعونها عليكم بأسعار فلكية وانتم لا تزالون تتباكون على العقار واحد يقول العقار انهار والثاني يقول العقار ماينهار والرجاجيل شرو الاسهم وبيبيعونها عليكم يالمساكين بأسعار خيالية
34.
20:31:58 2014.03.12 [مكة]
ههههههه ضحكتني اولاً على العقار انذبح ههههه والله مايتركونك الكبار الله يعين ثانياً والله ابومتعب يدري عن الشعب ههههه
35.
عضو قديم رقم 194440
20:42:02 2014.03.12 [مكة]
واحد من الشباب جنبي , يقول اكتب لهم هالرد ( احلق سيقاني بقزازه اذا عطوكم الحكومه بيوت ) ههههههههههههههههههههههههههههههههه
36.
13:18:36 2014.03.13 [مكة]
هههههههههههههههههههههههه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!