تحذير من استقدام

السلام عليكم
أحذركم يااخوان من تصديق اعلانات الاستقدام الشخصية
ابو فلان وعلان وابذكر لكم قصتي معهم للي يبي يعتبر

انا قريت اعلان في منتدى عمالة لشخص يسمي نفسه
ابو باسل وكاتب رقم جواله للتواصل وكان الاعلان عن
استقدام خادمة من الفلبين واخذت رقمه وتواصلت معه
وكان الاتفاق بيننا ب 12000 والمدة 45 يوم وارسلت. له
وكالة والفيزة وكرت العايلة وبعد ماقربت تنتهي المدة
أتواصل معه ولا سوى لي شي ويوم راح تقريبا ثلاث شهوروشاف انه خلاص تمكن مني قال لي فيه شغالة لكنها عند مكتب ثاني ويبي فيها 18000 فرفضت بعدها بكم يوم قال فيه وحدة عند مكتب ويبي فيها 17000 أخيرا استسلمت ووافقت وطلب مني نصف المبلغ والباقي عن
التفييز واتفقنا على كذا وراحت الايام وصار لنا فوق اربع شهور وما شفت شي قلت له خلاص ابي فلوسي وبدا يماطل بارجاعهم وانا وإياه لين رجعهم ناقصات 1000 بعد عشرين يوم
فكل ما اريد قوله ان هالنوعية من الاشخاص يجب الحذر منهم لانهم يستغلون حاجتك يقول لك بالاول سعر بعدين اذاضمنك يرفع السعر عليك لانك خلاص ضيعت وقتك معه ولا عندك استعداد تبدا مع غيره فما هل فيه احد تعامل معه او من نوعيته وحصل له مثل ها الموقف او مشابه له
فالحذر يا إخوان فانا انصح اي شخ ان يكون استقدامه عن طريق مكتب حيث كل شي نظامي ومعك اتفاقية على الاقل

كل الردود: 1
1.
13:32:28 2013.07.22 [مكة]
ما يصح الا الصحيح
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!