بنتي الصغيره الى الان ماتمشي!!!

بنتي عمرها سنه والى الان ماتحبي ولاتمشي ؟!؟مادري هل طبيعي ولا اروح لدكتور تزحف على وركه بس والله محتار وش اسوي

كل الردود: 45

عرض:
1.
19:41:03 2013.07.20 [مكة]
إن شاء الله في هذا الشهر الكريم تتوفق فيه بنتك الغاليه وتمشي أنا أبني صار عمره سنه وشهرين .. ويزحف على وركه .. نفس حالة بنتك .. والحمد لله بعد التدريب الخفيف مع أخوانه .. مشى قبل شهر تقريباً .. يعني مشى وعمره سنه وأربع شهور .. فلا تخاف إن شاء الله راح تمشي مع الوقت
2.
19:46:23 2013.07.20 [مكة]
حياك الله وقع لي نفس الشيء مع ابني من سنوات و هو الآن ابن سبعة عشر سنة صبرا جميلا و طعمها مقويات العظام مثل العصائر و استشارة اختصاصي ستنفعك للتعرف على الحالة و لكن لا انصحك بالادوية سلامي لابنتك و هي اللبؤة دمت بمودة
3.
19:54:32 2013.07.20 [مكة]
اخوي لا تشيل هم طبيعي جدا وضعها كتير في اطفال هيك المهم انت تاخدها لدكتور الاطفال تتأكد انه نموها طبيعي زيادة وزنها طولها اسنانها وجيبلها المشاية لانها بتقوي عضلات رجولها ربي يخليلك اياها ويطمنك عليها تحياتي :)
4.
عضو قديم رقم 250387
19:57:08 2013.07.20 [مكة]
كم عمرها
5.
20:12:27 2013.07.20 [مكة]
طبيعي جداً الكثير يتأخر بالمشي فلا تقلق مع أن ابنك لا زال صغيراً حفظه الله لكن هذا مايمنع بأنك تراجع الطبيب من باب الزيارة الدورية للإطمئنان عليه لا أكثر .
6.
20:12:41 2013.07.20 [مكة]
اخالفك يا قلبملاك المشاية تتسبب في اعوجاج عظام الرجل و قد تؤخر عن عمر المشي و الاستقلال عنها صعب شوية على اطفال في سن الحليب التدريب الطبيعي احسن مع التطعيم بالعصائر و زيت الزيتون كما عرضها على مختص امر مطلوب و الله اعلم
7.
20:29:27 2013.07.20 [مكة]
اخوي من ناحية البنت عليك عرضها فورا لإستشاري أطفال .. لأنه ممكن يكون هناك نقص في بعض الفيتامينات او تحتاج لتعليمات معينة قد تجهلها ... نصيحتي عرضها على الاستشاري قبل أن تجرب أي نصيحة
8.
20:35:08 2013.07.20 [مكة]
ماقصرتو هي نحيفه جدا وشكل عضلاته ضعيف قالو لي عن زيت الحوت مافيه صدليه ماسالته يقلون منقطع زيت الحوت يقال انه مفيد للعظام ابعرضها على طبيب اطفال طيب لو استشاري عظام عادي ولا زم طبيب اطفال
9.
21:50:38 2013.07.20 [مكة]
الله يشفيها ويفرحك فيها وتقر عيونكم بإذن الله إذا تبي رقم دكتور أطفال هو الأفضل بالرياض خبرررررررة وأسلوب رائع ويخاف الله راسلني على الخاص
10.
عضو قديم رقم 310292
21:51:16 2013.07.20 [مكة]
مايبي لها كلام ولا تستشير لازم دكتور من وهي عمرها 9 شهور
11.
عضو قديم رقم 258299
21:59:29 2013.07.20 [مكة]
الله يخليها لك وتكبر في عزك ويرزقك وأمها برها ويزيدك الله من فضله كثير من الأطفال يحصل معهم هالشيء لكن ضروري تعرضها على طبيب أطفال
12.
22:00:01 2013.07.20 [مكة]
طبيعي انا عيالي مشو على سنة و 3 شهور ....لاتخاف ...
13.
22:06:27 2013.07.20 [مكة]
^^^ الله يخليها لك وتكبر في عزك ويرزقك وأمها برها ويزيدك الله من فضله كثير من الأطفال ما يمشون الا على سنه ونصف ممكن تعرضها على طبيب أطفال للاطمئنان
14.
22:48:35 2013.07.20 [مكة]
السلام عليكم اخي الحبيب الاباتشي.. قد يكون التسنين ظهر معها مبكرا واتعبها وسحب قواها.. فترى عادي لاتقلق واكيد ماتعرضها للشمس عشان تقوى عضامها عموما ترى طبيعي لاتقلق ولوتزور طبيب اطفال متخصص افض من زيارتك لطبيب عضام.
15.
22:54:11 2013.07.20 [مكة]
صدقت الاسنان هدن حيله
16.
23:00:52 2013.07.20 [مكة]
تحيه طيبه اخي الكريم مشايه ب 200ريال تساعدها بس يحتاج توزنها برفعها اوانخفاظها مع مستوى الرجل للبنت واذا البنت بداية اسنان له دافع التاخير لان يرادفه سخونه تتعب البنت عفاها الله وجعلها باره بولديها ياكريم يارب
17.
23:03:31 2013.07.20 [مكة]
اذا تعدت سنة استخدم زيت كبد الحوت تحصله في الصيدليات . يستخدم شرب او تدهن وأنصحك تدهن فقط في البدايه. يجي منه بالبرتقال لان رائحته مزعجه. أنصحك به وان شاء تفرح بمشيها قريب
18.
عضو قديم رقم 250387
23:07:18 2013.07.20 [مكة]
البنات يتأخرون في المشي عااااادي سبحان الله يبدؤن المشي احيانا في سنه وسته شهور يبدؤن لاحظي هذا من الخبره بحكم اني شايب الموقع هههههههههه ومتزوج من عشرين سنه
19.
23:08:20 2013.07.20 [مكة]
ولد اخوي ابطى مامشى تعدى السنه فوق وديناه المستشفى قالو عنده نقص في الاملاح الكالسيوم وصرفوله علاج وبدى يمشي والان على العلاج مدى الحياه او يطورو العلاج وعمره 12سنه فانت شيك في المستشفى اخاف تكون مماثله لولد اخوي وعلى فكره الاملاح هذي تفرزها الكلى ودها المستشفى
20.
عضو قديم رقم 213166
23:16:45 2013.07.20 [مكة]
أخي الغزير.لاتقلق أنا ولدي مشى وعمره سنتين. والى سنتين يكون الوضع عادي جدا أما بعد سنتين فالأمر مقلق نوعا ما وبعض الأطفال عنده رخاؤه يسمى الطفل الرخو أو الطفل الجمبازي ونصيحتي لك تعرض بنتك على طبيب متخصص في المخ ولأعصاب وأخذ إشعه مقطعيه ونصيحه تحتفظ بالأشعه والتقرير لأن المقطعيه مضره لو أكثر منها على الطفل. مع العلم أن ولدي مايه طبيب في السعوديه والخليج إلا وديته وكلهم يقولون سليم واخر العلاج الكي. وديته لحرمه في قطر جزاها الله خير وكوته في أربع أماكن وبعدها بأسبوع وهو يمشي جزاها الله خيرا. وهي تعالج بالكي مجانا لوجه الله. لو تبي رقمها أو عنوانها برسله لك على الخاص. الله يعافي بنتك ويشوفها عروس. تحياتي.
21.
00:46:14 2013.07.21 [مكة]
الله يخليكم ويجزاكم خير
22.
09:27:27 2013.07.21 [مكة]
عااااجل لوجه الله تعالى الي عنده طفل ومايمشي يتصل علي انشالله اني افيده وعن تجربه ولله ماابي منه شي وخاصه الي يقول بنته لها سبع سنوات وبعدها ماتمشي 0537888074
23.
10:59:38 2013.07.21 [مكة]
جزاك الله خير
24.
11:13:46 2013.07.21 [مكة]
اخوي طبعا لزم تفحصها عند استشاري معروف وله سمعه ولكن نصيحه عرضها للشمس نهايه العصر او الصباح بدري الساعه 6.3 ص وراح تشوف الفرق .. يوميا او يوم ورا يوم مده شهر
25.
11:23:07 2013.07.21 [مكة]
اخوي اذا انت من الرياض انصحك لوجه لله رح لدكتور اسمه محمد الطاهر رشيد في مستوصف الرياض الطبي بشارع العروبه الطيبب له اكثر من 35 سنه بالسعودية وفي نفس المستوصف عند ابناء ابو حيمد ومعروف ورجل ثقه ولا نزكيه على الله احد او الدكتور محمد الخراشي في طريق المدينه البديعه مقابل الرياض الدولي اخبره كان في الجامعي الملك سعود وفتح عياده خاصه له وهو رجل ثقه جدا جدا الله يخليك بنتك لا تتعدى هالاثنين اسمع نصيحتي والله ماراح يدخل في جيبي ريال واحد انما لوجه الله دليتك عليهم
26.
عضو قديم رقم 127634
12:08:41 2013.07.21 [مكة]
اسمع يا اخي الكريم بنتك اغلى ماتملك وامانة برقبتك ومالها بهالدنيا بعد الله الا انت ووالدتها الله يسخركم لها واكثر الناس دراية بحالها انتم مهوب الناس, أما مسألة انك تصف حالها بنص سطر وكلن يبدي رأيه فهذا لا يفيدها ولا يفيدكم بالعكس يشتتكم ويلخبطم ودائماً حط في بالك انه طبياً كل حاله مستقلة بذاتها ولذلك لا تعتمد كثير على المقارنة بالأطفال الآخرين علماً انه كل تأخر بالتشخيص يصعب علاجها بعدين, ولا يهمك اللي يقول لا توسوس ترا وضعها طبيعي!!! الا ياخوي احرص ووسوس بعد اذا ماوسوست عشان بنيتي عشان من اوسوس؟!!! ما ابيك تندم بعدين, ومهوب كل دكتور مدحوه الناس طلع احسن دكتور انت قبل ما تروح لهالدكتور شف اللي مدحوه وش كانت مشاكل اطفالهم تسعين بالميه من اطباء الاطفال المشهورين عندنا لو تبحث بالحالات اللي يعالجونها تلقاها ربو وحساسيه ومشاكل باطنية ومسالك...الخ, ولو تسمع كلام الناس عنهم ترا الدكتور الفلاني مايصرف مضاد على طول, تراه مايهول الوضع, تراه سمح وحبيب!!! خير ان شاء الله!!! اما حالات التأخر بالنمو (سواءً حركي والا فكري) فهذا علم مستقل بحد ذاته له دكاترته المتخصصين وله عياداته المتخصصه, فلذك ابحث عن استشاري الأطفال المتخصصين ولو جزئياً بحالات التأخر بالنمو. وعشان تحصل هالدكتاره رح اسأل عنهم بالمراكز المتخصصه مثل مدينة سلطان للخدمات الإنسانية والا جمعية الأطفال المعاقين, مهوب شرط يكونون عندهم بس يقدرون يفيدونكم بأسمائهم ووين تحصلونهم. بالنهاية أسأل الله العظيم رب العرش العظيم أن يشفي ويعافي ابنتك وابنتي وجميع مرضانا ومرضى المسلمين.
27.
13:07:00 2013.07.21 [مكة]
طبيعي لا تقلقل ودي اسالك فقط هل كملت 9 شهور اقصد الحمل يوم نزلت كم وزنها سوالي فقط تنزل ناقص يوم له حسابه عند الله وشلون اسبوع ثم الوزن يوم الولاده له دور مثلا 700جم يختلف عن واحد كيلو ولكن اطمان ستمشي دام انها تزحف لا تقلقل حاول تساعدها برفع يدها تمشي عل الركبه وقفها على ركبها مرتين ثلاث دربها
28.
عضو قديم رقم 314819
13:17:50 2013.07.21 [مكة]
السلام عليكم ,,اخوي الوضع عادي باذن الله تمشي,,احد ابنائي مشى وعمره سنه واربعه اشهر بعد اخذ علاج ,,لمدة اربعه اشهر والسبب السمنه ,,
29.
09:31:05 2013.10.02 [مكة]
مريت دكتور العظام اخذ اشاعه قال سليمة .؟؟؟؟؟؟؟ الان عمره سنه و4شهور ولا تمشي
30.
09:37:54 2013.10.02 [مكة]
سؤالي : هل بنتك تتكلم ؟ هل ولادتها طبيعية دون اي مشاكل ؟
31.
09:47:34 2013.10.02 [مكة]
بشر مشت طلعها لشمس كثير دربها الاحظ كثير يتاخرون بالمشي اخوي رحمه الله مشى وعمره ست اشهر بس ساكنين بمزرعه وطول الوقت تبطح بالشموس ولا ننسى الرضاعة الطبيعية تنمي بسرعة وتتغير على مدار الاسبوع وحسب احتياج الرضيع سبحان الله العظيم
32.
09:49:17 2013.10.02 [مكة]
هل لديها اخوان اخوات او هي الاولى دربوها على المشي الانسان يتعلم المهارات من الصغر بالرويا
33.
عضو قديم رقم 106157
13:07:37 2013.10.02 [مكة]
الشمس الشمس الشمس دق معها علاقه وتشوف الفرق الطيب
34.
09:28:57 2013.11.03 [مكة]
نعم ولادتها طبيعي تكلم بس ماما بابا هههههههه هي الاولى الشمس يكفي رجلينها ولا كامل الجسم وكم المدة الكافيه للشمس
35.
09:42:15 2013.11.03 [مكة]
اذا كانت البنت ترضع طبيعيوالام ماعندها نقص في الكالسيوم او شيئ بالعظام اعرضها على الطبيب ان شاء الله يفيدك مايضرك وعرضها للشمس من طلوع الشمس خلها نص ساعة الى ساعة اذا عندك سطوح او حوش شيل العابها وخليها تلعب في الشمس فيه شيئ اخر شكل رجولها طبيعي يعني مافي تقوس او ميل او اي شيئ تلاحظه غير طبيعي اذا فيه اعرضها على الطبيب المختص. هل فيه احد من اهلك او اهل زوجتك جاته هذي الحاله او تاخر في المشيئ. الشيئ الاخر هذي اول مولد لك ماتقدر تحدد اذا فيه مرض او شيئ غير طبيعي الا عن طريق الطبيب المختص. نرجوا من الله العلي القدير ان يريك في ابنتك مايسرك وان تكون بارة بابويها وان يلبسها ثوب العافية انه على ذلك قدير
36.
12:22:20 2013.11.03 [مكة]
أخي الفاضل قد يكون السبب خلع في الورك وهذا يوضح بالفحص يعني مفصل الورك طالع من الحوض ارجو أن تتأكد من ذلك أسأل الله لها الشفاء
37.
12:26:52 2013.11.03 [مكة]
استخدم مشاية الاطفال الله يجعلك تشوف فيها مايسرك
38.
14:45:23 2013.11.03 [مكة]
الرد 24 و الرد 33 صحيح كلامكم . . الشمس و الله انها مجربة بس مثل ما قالك الرد 24 وفت الصباح يعني من الساعة 7 الى 10 و العصر قبل غروب الشمس بساعة تراها عن تجرية . الأخ نواف - رد رقم 22 يأخي اذا عندك منفعة للناس قولها في ردك و ذلك للمنفعة العامة و الله الموفق
39.
عضو قديم رقم 312032
14:57:18 2013.11.03 [مكة]
حرام عليك تبي البنت تجلس من الساعة 7 إلى الساعة 10 الانسان الكبير مايجلس لهذا الوقت الوقت المسموح له من الساعة 6:30 إلى الساعة 7:15 هذا الوقت الصحي للجسم ولفيتامين ( د ) انصح كل من يقراء الرد يستخدم هذي الطريقة والله يشفي كل مريض استودعتكم الله
40.
09:39:10 2014.03.16 [مكة]
ابشركم مشت الحمد الله وحالتها طبيعيه
41.
09:34:42 2014.03.17 [مكة]
الحمد لله
42.
09:40:23 2014.03.17 [مكة]
الله يبشرك بالخير اخوي الاباتشي والله يجعلها قرة عين لك وجعلك تشوف عيالها وعيال عيالها بالصحة والعافية والعمل الصالح
43.
09:20:34 2014.03.18 [مكة]
الله يجزاكم خير
44.
09:36:02 2014.03.18 [مكة]
الله يبشرك بالخير اخوي الاباتشي والله يجعلها قرة عين لك وجعلك تشوف عيالها وعيال عيالها بالصحة والعافية والعمل الصالح
45.
عضو قديم رقم 127634
09:55:24 2014.03.19 [مكة]
((( ما شاء الله لا قوة الا بالله ))) ((( ما شاء الله لا قوة الا بالله ))) ((( ما شاء الله لا قوة الا بالله ))) الله يبشرك بالخير ويرزقكم برها وصلاحها وتفرحون بها عروس بإذن الله تعالى
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!