شراء سيارة ابي مشورتكم ببنك الراجحي

السلام عليكم ورحمة الله.

ارغب بشراء سيارة عائلية .


سؤالي ومالي غيركم.
بحول الله باخذ قرض من الراجحي..

هل افضل اخذ القرض كامل واشتري السيارة ومن ثم يقتطع البنك من راتبي..

او نظام التقسيط عن طريق البنك لسنوات معينة؟


بجد محتاجه مشورتكم ..لان عمري ماندمت باستشارتكم
نوروني جزاكم الله كل خير..

كل الردود: 14

عرض:
1.
08:31:55 2013.07.19 [مكة]
اكثر الناس او الموظفين قالوا بناخذ قرض من البنك ونشتري سياره ( وهذا الافضل ) لاكن للاسف اخذو قرض وصرفوه في تجاره وهميه (وفي الغالب خسرو ) وفي الاخير قامو يسددو قسطين (البنك والسياره ) ودخلو في دوامه الديون الا نهائيه
2.
11:19:06 2013.07.19 [مكة]
لا ان شاء الله . شكرا لك.. انتظر من الاخوة اجابات .
3.
عضو قديم رقم 318340
14:33:31 2013.07.19 [مكة]
أكيد القرض افضل مليون مرة من ايجار السيارة مع الوعد بالتملك لسيارات لان نسبة المرابحة للقروض تقريبا 2% حسب القطاع الي تعملين فيه اما نظام الايجار راح تكون النسبه 6.99% شامل التامين بس ما علمتينا وش السيارة الي بتاخذها ؟؟
4.
15:13:54 2013.07.19 [مكة]
تذكار عزيز وغالي راح نجاوبك وننصحك كمان لانك عضو قديم واخ قبل كل شي شوف يا الغالي اثنين من زملائي بالعمل مطلعين سيارات تاجير بالتمليك ومساكين رواتبهم على قدهم طبعا لانهم بشركه ومساكين متعذبين مع شركه اليسر كل شهر داقين شركه التمليك تهدد فيهم انهم يدفعو القسط فاشوف انك تلغي فكره الوعد بالتمليك النصيحه الاجدر الي هي القرض مع اني اشوفها كمان صعبه لانك راح تقسط على كذا سنه بس على الاقل تهون شوي يكفي لمن اطلع قرض اخذلي سيارت باسمي كاش وصار ما صار او تورطت بسداد القرض ابيع سيارتي واسدد ولا ادخل بدوامه ومحاكم اما الوعد بالتمليك تضيع الى وراك والى قدامك لو جلست تسدد وفي الاخير سحبوها لك خذلك قرض مبداي واختار السياره الزينه الى تشوفها مناسبه وشيك باسمك ولا تحطها بالتجاره لو ما كنت عارف لان افضل التجاره من حر مالي عشان محد يمسك علي ذله او يدخلني بمشاكل لو خسرت .. اولا واخيرا الاستخاره وانا مثلك حقدم على قرض للزواج والسياره وحستخير من هنا الى بعد شهرين والله يوفق الجميع
5.
15:34:25 2013.07.19 [مكة]
تذكار عزيز وغالي راح نجاوبك وننصحك كمان لانك عضو قديم واخ قبل كل شي شوف يا الغالي اثنين من زملائي بالعمل مطلعين سيارات تاجير بالتمليك ومساكين رواتبهم على قدهم طبعا لانهم بشركه ومساكين متعذبين مع شركه اليسر كل شهر داقين شركه التمليك تهدد فيهم انهم يدفعو القسط فاشوف انك تلغي فكره الوعد بالتمليك why do you feel sorry for them, didn't they accept the contract at the first place ? if they accepted it that's mean they have to pay certain amount on monthly basis, rent companies don't know and also don't care about if you have Eid or ramdan that will cost you more money or any excuses, you must pay on monthly basis other wise, they may purchase a cheap car with no demands in future to pay anything !! its a commitment people must follow النصيحه الاجدر الي هي القرض مع اني اشوفها كمان صعبه لانك راح تقسط على كذا سنه بس على الاقل تهون شوي يكفي لمن اطلع قرض اخذلي سيارت باسمي كاش وصار ما صار او تورطت بسداد القرض ابيع سيارتي واسدد ولا ادخل بدوامه ومحاكم اما الوعد بالتمليك تضيع الى وراك والى قدامك لو جلست تسدد وفي الاخير سحبوها لك who says if you continue paying your monthly payments, they will take the car ? that's impossible, once you ignore three monthly payments, of course they will take the car خذلك قرض مبداي واختار السياره الزينه الى تشوفها مناسبه وشيك باسمك ولا تحطها بالتجاره لو ما كنت عارف لان افضل التجاره من حر مالي عشان محد يمسك علي ذله او يدخلني بمشاكل لو خسرت .. اولا واخيرا الاستخاره وانا مثلك حقدم على قرض للزواج والسياره وحستخير من هنا الى بعد شهرين والله يوفق الجميع
6.
عضو قديم رقم 57168
16:37:02 2013.07.19 [مكة]
القرض افضل بكثير لأن التأجير المنتهي بالتملك بعض المشايخ يقولون لايجوز حتى افضل ممكن تشتري سياره اقل موديل وتكون من السيارات الفخمة شخص للعيد
7.
17:37:32 2013.07.19 [مكة]
طبعا مافيه مقارنه والافضل القرض اذا كان المبلغ يساوي قيمة السيارة ولاحظ انك راح تقسط لسيارة انت تملكها
8.
21:01:46 2013.07.19 [مكة]
خذ لك قرض باقل عدد سنين خذ على قدر قيمة السياره اولا القرض راح يكون فائده قليله لاتذكر تقريبا 100 الف خلال 5 سنوات راح تكون110 اما التاجير 100 الف راح تكون 140 الف فرق واجد والسايره راح تكون باسمه يعني لاقدر الله حادث تبلش فيهم ولو تبي تسافر ماتقدر لين تدفع قسطين قدام وتنتظر شهر لين تجيك الموافقه .
9.
21:36:54 2013.07.19 [مكة]
جزاااكم الله كل خير يارب .. قريت ردودكم حرف حرف .. ماقصرتوو جداا فااادتني .. الله يسعدكم. اختكم: تذكار
10.
23:17:22 2013.07.19 [مكة]
من وجهة نظري كلها واحد تقريباً ليش ؟ لما تاخذي سيارة تأجير منتهي بالتمليك راح تكون السيارة مؤمنة تأمين شامل حسب العقد المبرم بينك وبين الشركة ( يجب أن تتأكدي بأنه تأمين شامل وليس ضد الغير فقط ). أو إذا اخذتي قرض واشتريتي سيارة باسمك ولاسمح الله صار فيها حادث راح تتورطي أولاً راح تصلحي سيارتك وتتعطلي وثانياً وبنفس الوقت راح تسددي ايجار السيارة طيل فترةالسيارةوهي تتصلح أو متوقفة . إذا راح تسوي لسيارتك تأمين شامل في أحد شركات التأمين راح ياخذو مايقارب الخمسة الآف سنوياً تزيد أو تقل قليلاً حسب قيمة السيارة وتنقص النسبة سنوياً ويقل قيمة التأمين مع اختلاف سعر السيارة سنوياً . يعني تشتري السيارة كاش وتأمني عليها سنوياً تأمين شامل تساوي تقريباً سيارة ايجار منتهي بالتمليك مع تأمينها الجاهز فترة العقد كاملة . قد يختلف قليلاً بالسعر بالزيادة أو النقصان لكن من وجهة نظري أنها متساوية في الحالة السابقة إلا إذا اخترتي أن تشتريها من قيمة القرض وعملتي تأمين على المركبة ضد الغير فقط . والله أعلم وتختلف وجهات النظر
11.
23:22:26 2013.07.19 [مكة]
صح لسانك ياياسر
12.
06:53:10 2013.07.20 [مكة]
السلام عليكم الافضل تاخذين قرض و تشترينها لانك بتوفرين اقل شي 30 الف عن فوائد التأجير منتهي بالتملك و تكون السياره بأسمك حره في التصرف مو بأسم البنك لو تتأخرين شهر سحبوها و راح تعبك و الي دفعتيه كله الله يوفقك و يعطيك خيرها و يكفيك شرها مقدماً
13.
09:59:03 2013.07.20 [مكة]
قرض اسهم وبيعها وابعدي عن التاجير والله اسعباد وشروط العقد كلها في صالح البنك ولاصار شئ يذلونك ع شان يصلحون السيارة وبمكانك قرءة شروط التاجير في موقع البنك شئ محزن لاني كنت ابحث عن سيارة لان عليه قرض ولااقدر اشترى لكن لما قرءت الشروط صرفت نظر
14.
02:02:49 2013.07.22 [مكة]
مشكورين جميعاااااا بارك الله فيكم وكتب اجركم اضعاف مضاعفه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!