لسكان الرياض الاصليين,,,بليز نبي الردود جامده

هلابيكم حبايبنا اعضاء مستعمل


لقد بدأت الاجازه الله يعطينا خيرها ويكفينا شر تلفها في اي شر



حبايبي ابغي من كل واحد ووحده يعطينا تجاربه في اماكن ترفيهيه او ثقافية او اي نوع من انواع المتعة المفيده

ويقترحها علينا

وبكذا نفيد بعض


شاكره للجميع حسن القرأة وتلبية الدعوة

كل الردود: 26

عرض:
1.
عضو قديم رقم 313895
09:34:04 2013.06.23 [مكة]
سكان الرياض الاصليين ؟؟؟؟ انقرضو طال عمرك حسيتك تتكلم عن الهنود الحمر اما اصليين
2.
عضو قديم رقم 313823
09:43:02 2013.06.23 [مكة]
عندك بحيرة ووادي نمار تقع جنوب غرب الرياض
3.
عضو قديم رقم 305273
09:54:00 2013.06.23 [مكة]
اخوي اذا تحب التراث انت والعايله انصحك في الدرعيه التاريخيه جيده
4.
10:05:17 2013.06.23 [مكة]
السلام عليكم و رحمة الله وبركاته" بالنسبه للرياض مثل غيرها الحكمه من السفر هي التغيير وخسارة الفلوس واستغلال الطامعين سواء في الداخل أو الخارج ... دعنا نتكلم بجديه أنصحك كما الأكثرية هذه الأيام بتأمين مفرش ناعم مع مركى مزود بمخده ناعمه بالإضافه إلى جهاز تدليك الرقبه والقدمين الله يكرمك انت وجميع القارئين لتحريك الدوره الدمويه مع تنظيف المكيف أواستبداله بجديد لزيادة المتعه بالتصفح بالنت في جو بارد مع لوحه على باب المجلس أو مكان الجلوس مكتوب عليها الرجاء عدم الازعاج ... وأسأل الله لنا ولك وللجميع التوفيق ... لكن الشكوى على الله هذا هو الحال اليوم رضينا وإلا ما رضينا ...
5.
11:00:35 2013.06.23 [مكة]
صبر اسبوعين يجي جو مولع تقدر تقلي لك بيض على السياره
6.
11:37:24 2013.06.23 [مكة]
الله يهديكم ليش كذا
7.
11:54:20 2013.06.23 [مكة]
انا اقترح ان يروح الواحد الربع الخالي يمكن يلقى تخفيضات والبراد هناك مجان
8.
عضو قديم رقم 291532
13:46:00 2013.06.23 [مكة]
هههههههههههههههههههههههههههههههه
9.
14:18:02 2013.06.23 [مكة]
اوربااااااااا هي الأفضل
10.
14:25:15 2013.06.23 [مكة]
ههههههه ياناس طولوا بالكم انا اشوف جلسات الطبيعة احسن شي
11.
عضو قديم رقم 227898
14:25:40 2013.06.23 [مكة]
حطي حذيانك بشليلك وهجي دام الهدف هو سياحه واسوااق
12.
14:30:39 2013.06.23 [مكة]
ادخل قوقل واكتب فعاليات الرياض لسنه هذي وتشووف االلي يعجبك
13.
14:38:32 2013.06.23 [مكة]
مامعك برامج وفعاليات في هذا الحر الي يموت الغربان عندك ثلاث مناطق اختاري مايناسبك الطايف ابها خميس مشيط والافظل السكن في خيمه في احدى الاماكن الطبيعية نظرأ لغلاءالاسعار وجشاعة التجار
14.
عضو قديم رقم 314819
04:36:22 2013.06.24 [مكة]
ليش ميييييييييييييين سكان الرياض .........الوقت الحالي
15.
05:57:03 2013.06.24 [مكة]
سوق الحمام ماله جنس
16.
11:13:15 2013.06.27 [مكة]
طيب أنا بعطيكم اماكن حلوه للعوائل. بس للناس المقرشين(يعني اللي عندهم فلوس)اما الضعوف فللأسف ليس لهم مكان ولا ترفيه في الرياض الا منتزه سلام لا وبعد الدخول بفلوس نبدا 1/ ممكن تأخذ انت وعايلت شقه بمسبح في شقق الطيار اللي خلف بناية العنود روعه تكييف وتقسيمها حلو دورين و مجهزه تجهيز كامل وخذو قهوتكم وحلاكم وشاهي وفطاير وفواكه وفيها مطبخ للي بيطبخ لام عيالها وتنفع العرسان بعد روووووووووعه 2/شاليهات المرسى صح مكروفه بس حلوه ومسبحها حلو ومكيفاتها تبرد ومطعمهم لذيذ 3/ كل أربعا روحوا مركز غرناطه في فعاليات 4/جربوا مطعم الشعبية اللي قدام الممشي رائع 5/الألعاب المائيه في ووتر سبلاش في الدايري تقاطع مخرج 9 6/ كوفي السيراميك في حياة مول :تشربون كوفي وتزينون أكوابكم بنفسكم ممتعه وجو اسري فيه مشاركه ومتعه 7/ اذا تحب مشاهده برامج الطبخ انصحك بزيارة مطعم بنيانا علي الدايري الشمالي 8/اذا تحبون الكيك لاتاخذون الا كيك محل بيت الكيك كيكهم روعه ورخيص 9/اللي يحب الكنافه لاياخذ الا الكنافه اللي يسوونها في مطاعم الرز المشهورة رووووعه 10/أدعو لي أتزوج وأروح مع زوجي لكل هالاماكن يارب اسعد أعضا مستعمل ووفقهم
17.
11:21:16 2013.06.27 [مكة]
يعطيك العافية موضوع يستحق المتابعة ياشباب مافية داعي للاحباط خلونا نمثل مستانيسن وجونا حلو ومافي غلا في الاسعار >>> كذا يزعل المخرج ويزعلون التجار
18.
عضو قديم رقم 334982
11:21:33 2013.06.27 [مكة]
انشالله تتزوجي وأول ماتروحين منهم منتزه السلام
19.
11:26:10 2013.06.27 [مكة]
الله يهديك يارد رقم 18 هههههههههههههههههههههههههههههههه
20.
عضو قديم رقم 311024
12:09:26 2013.06.27 [مكة]
الله يسعدك يالشامخه ويارب تتزوجي وتصيري سعيده مع زوجك . اما بالنسبة للرياض فاحسها مثل ماهي وقت الاجازه الناس تنام طول النهار وتكون محبوسه ببيوتها ولجاء وقت المغرب والعشاء اكتضت الشوارع بزحمة الناس والسيارات وانا صراحة ماشوف فيها اي امكان للتنزه الهم الموالات والاسواق فقط اما البقية فالجو حار جدااً حتى في ساعات المساء علشان كذا مانصح بالمتنزهات المكشوفة
21.
12:27:05 2013.06.27 [مكة]
مع رقم 3 الدرعية خاصة التمشية في الوادي الى سد الدرعية جلسات وهوا نقي واكثر المتنزهين من بلاد الشام ومصر وغيرهم , جلسات السد حلوة وعلى شكل كهوف سواتر الحجر المرصوص للعوائل والشوي يذكرك بطريق الربوة في سوريا ما تشوف من الدخان , ويوجد دورات مياة راقية ونضيفة وطريق طويل للمشي محاط بنخيل الافضل التمشية في المساء في الصيف ,
22.
12:50:24 2013.06.27 [مكة]
واذا تزوجتي...راح تكملين كتابة بالنت ولا لا....
23.
13:03:51 2013.06.27 [مكة]
شكرا ياللشامخه على الموضوع الجميل ،،، بصراحه ، انا من محبي الرياض وخصوصا وقت الاجازه ، تكون فاااضيه نوعا ما ، شكرا لفكرتك الجميله والقصد منها مشاركه الافكار وتبادل المنافع بين الناس ، الصدق اذا حصل لي وقت فراغ فغالبا مطعم عوائل او الثمامه بعيد عن الازعاج وتغيير جو بنفس الوقت . اكرر شكري للموضوع الرائع ، والله يرزقك الزوج الصالح البار الحنون (واذا كان ثري بعد )ياسلام في امان الله
24.
14:43:26 2013.06.27 [مكة]
شكرًا لكل صاحب كلمه حلوه وتعسا لكل صاحب كلمه سيئه بالنسبة لصاحب رد 22 لا اعتقد اذا تزوجت بيكون اهتمامي منصب علي زوجي سوف اجعله اميري وملكي ويعتمد علي في كل شي الاستحمام وتقليم الأظافر والطبخ والتنظيف وملكه له في اخر الليل مثل ماكانت أمي تفعل بابي
25.
14:53:16 2013.06.27 [مكة]
نسأل الله ان يهون علينا الحررررررررررررررررررررررررررررررررررررررررررررررررررررررر ياااااااااااااااا له من حررررررررررررررررررررررررررررررررررررررررررررررر ياله من برد حررررررررررررررررررررررررررررررررررررررر
26.
15:45:01 2013.06.27 [مكة]
الله يوفقك ويرزقك ويرزقني باللي يسعدني ويسعدك
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!