الي متى موظفين الخطوط السعودية يتعاملون باستعلاء

اخواني الافاضل هذه دعوة للنقاش وذلك بعد ان قريت خبر عن ضرب موظف خدمات ركاب بمطار جدة وذلك بعد ان تلفض علي شخص وعائلته
اخواني بكل صراحة انا لما اروح أي مطار اجد تعامل موظف الخطوط السعودية يتعامل مع الاشخاص وكانهم يشحتون بوردنق واحنا بكل ادب نتكلم معاهم حتى احيانا لو تعاملوا باستعلاء نوعا ما وذلك لكي لايلغي الحجز او يقوم بالتاخير وهناك نماذج كثير انا اتحدى كثيرا من الاشخاص انو ما صار عليهم مشاكل في مطارات اللمملكة نعم موظف السعودية يتعبون بس لابد من الابتسامة والتودد للراكب واللي يفقع مرارتي انو يقول شكرا لاختياركم السعودية هههههههههه يعني انو فيه غيرهم واحنا ما نبي غيرهم هههههههههههههه
تعالوا نشوف موظفين خطوط الطيران الاجنبيه تجدهم يتعاملون معاك اولا بالابتسامة والتودد لخدمتك
اتمنى وضع رقابه صارمة من قبل المسؤولين في السعودية على هاؤلا الموظفين ومتابعتهم وتحسين مستوى خدماتهم فالمنافس قادم واتمنى يشيلوا الشياب كبار السن اللي بالخطوط السعودية اللي جالسين زي السرطان ياخذوا رواتب خيالية ونايمين في العسل بس مطارد في هالمضيفات الله يعافينا وهاتك يا توظيف اولادهم واحفادهم وكانها شركة عائليه
اخواني والله اتمنى طيران بلدي افضل طيران ولكن لا حياة لمن تنادي انا الان باجازتي بفرنسا والطيارة اللي جيت فيها من السعودية الي باريس طيارة لا ترقي لسفر دولي طيارة جدا صغير اظن اسمها الماصورة اللي ثلاث ركاب يمين وثلاث يسار ومافي شاشات تلفزيون وست ساعات طيارة واسعار خيالية ما اقول غير حسبنا الله على اللي جالس يلعب بالمواطنين اللي هم اغلى شي في بلدنا .... وتستمر الحياة .....
ابو عبدالله