أسعار النقل نازلة

مع الإعتذار لصاحب السيارة

السلام عليكم و رحمة الله و بركاته ...

اخواني الزملاء الناقلين


يجب علينا النظر جدياً في أسعار النقل الحالية

كسارات الصمان و غيرها اغلبها رفعت الاسعار لدرجة خيالية لدرجة انك تجد تفاوت كبيررررر في الاسعار
3/8 اسعاره ارتفعت الى 26 ريال للمتر في بعض الكسارات

و نحن اسعارنا طاااايحه

انا الحين انقل ب19 ريال للمتر من الصمان للدمام


الكفرات1200/24 اسعارها اقل شي 1200 ريال صيييني و كذلك رواتب السواقين على الكفاله ماعاد فيه احد اقل من 1500 للغشيم الجديد و مكتب العمل اخذ علينا جباية

لازم نتحد و نرفع الاسعار جميع من له علاقه بالنقل رفع اسعاره
الاسمنت ارتفع و البلك و البحص
و غيرها و الاعظم منها الثلاث اثمان 3/8 يمسك السواق سرا و تقل الانتاجية
الا حنا

كل الردود: 42

عرض:
1.
عضو قديم رقم 302778
22:26:41 2013.02.06 [مكة]
سبق وان طرحت موضوع في المنتدى بهذا الخصوص فعلا ايجارات التريلات والقلابات والسطحات لازم ترتفع لتواكب الارتفاع الحاصل في اسعار قطع الغيار والصيانه والضرائب وغيرها ( الكعكه ليست لهم فقط بل لابد من ان نتقاسمها )
2.
23:39:17 2013.02.06 [مكة]
نعم و كلامنا صحيح بدون مبالغات اجل من اربع سنين واسعار النقل زي ماهي و كل ماله علاقه بها ارتفع
3.
00:54:20 2013.02.07 [مكة]
أويد وبقوة والمشكلة ان التقليات منقسمة الى قسمين هوامير ومبتدئين وكل لاهي بنفسه
4.
عضو قديم رقم 308957
01:44:52 2013.02.07 [مكة]
بكل احترام للجميع الاجنبي هو (الحل ) اذا رفع السعر ارتفع علي طول اما السعودي مايقدر يسوي اي شي ***** المعذرة انا تعاملي كلة مع الاجانب واعرف كل شي بس يبي وقت مع هذا الشي طرح ابو (نسافنه) انهوا الموضوع وقع الارتفاع ركود شوي فترة بسيطه ويبلغ الجميع الخبير ((((((((((((((((((((((((((((((((( المعذرة للجميع وشكرا
5.
10:13:56 2013.02.11 [مكة]
طالما ابو يمن والباكستاننيين في الشغلة اغسل يدك يالسعودي وزوود القهر - تحصل سعودي مؤجر لهم الراس ب5 الاف ريال ومشغلين عليه عدد اثنين سواقين واطلب الله يالسعودي - فيز - واصلاحات - ورواتب - وبخشيش - وعموله لكل رد!!!!!!!!!!!!!!!!!!!!!!!!!!!!!!!!!!!
6.
22:26:36 2013.02.11 [مكة]
وصلتني عبر الرسائل بخصوص إعلانك رقم 1548221: انا مؤيد و بقوه لفكرتكم واطالب بها وان استمر الوضع كما هو سأخرج من النشاط عندي 6 تريلات ولم تحقق الفائده المرجوه.. فعلاً الاسعااااار نازل جداً جداً يجب ع الناقلين التوحد و رفع اسعارهم ياخوان كلن ضدنا تجار البلك والخرسانه و غيرهم و موردين الرمال يعتقدون بان ارباحنا خياليه والمقاولين اللي راس ماله سجل مقاولات و الاجانب اللي يملكون السيارات لابارك الله بمن باع عليهم السيارات لانه ساعدهم ضد ابن البلد الاجنبي اذا كانت سيارته يكدها 24 ساعه ويحافظ عليها و بالتالي يصير منافس قوي للسعودي والشركات اذا فاوضتهم تنقل لهم ب30 ريال مثلاً يقولك : عندنا ناس ينقلون ب27 فكيف تبغاهم ياخذونك في ضل وجود الارخص خصوصاً ان النقل مافيه جوده او انجاز سواء سيارتك موديل 1970-او2013 راح يعطونك نفس السعر والله يعين الاسم: fahad.nassir البريد الإلكتروني: 7awam@windowslive.com الجوال:
7.
22:27:51 2013.02.11 [مكة]
Awax0 مرحبا بك و هذا واقع قطاع النقل فعلاّ يجب الاتحااااد بين الناااقلين
8.
11:46:59 2013.02.12 [مكة]
السلام على الجميع بخصوص الموضوع شد انتباهي وانا اعاني منة من زمن طويل ولاسعار النقل ليتها على وضعها بل في النازل وكل شي ارتفع ................ لذا ياخوان نرجو التوحد وتحديد يوم لعرض المشاريع ومواقعها والتعامل على يد وحدة لان في الوحدة قوة ............................ ومن خلال تجربتي ان اسوق انقسم الي اربع اقسام : 1- قسم كبار المشغلين وهم الي يمتلكون اسطول من النقلايات وذولي كسبانين ولاخلاف على ذلك 2- قسم السماسرة الذين ياخذون المشاريع ولا يمتلكون سيارات وانا ياخذ ويرسي على اصحاب سيارة وسيارتين وتفننون فية بضرب الاسعار وعدم التزام بالسداد (( وعلى فكرة من التجربة لقيت ان الاغلبية اجانب برضة )) 3- وقسم العمالة السائبة الي تتكتل وتمتلك ترلات وتشغيل على كل سيارة اكثر من سائق برضة ذولي الشغلة مخارجة معهم لانهم على مدار الساعة شغالين 4- وقسم صغار المستثمرين السعودين الي يمتلكون اقل من خمس سيارات وهم الي ضايعين في الطوشة لعدة اسباب غلا اجور السواقين والقطع الاستهلاكية وعدم الوصل الي اصحاب المشاريع الكبيرة لياخذو المناقصات من المقاولين مباشرة لذا اقترح تكتل جماعي للاخوة الي اقل من خمس سيارات ويكون لهم موقع للمقابلة وعرض المشاريع والتكتل واخذ المشاريع مباشرة من المقاولين مما يحقق لهم افضل الاسعار . والي حاب يتواصل و مويد للفكرة يجيني خاص وحنى سوف نكون ملتقى في المنتدى بهاذا الخصوص
9.
14:25:09 2013.02.13 [مكة]
الله يعطيك العافيه يا صقر و نرجوا التعاون من الجميع
10.
عضو قديم رقم 320035
23:50:40 2013.03.31 [مكة]
السلام عليكم كلامكم صحيح 100% ولو كان هناك اتحاد بين الناقلين لارتفعت الأسعار أقل سعر من الصمان الدمام لازم يكون 24 ريال لأن أصحاب الكسارات يبيع المتر واصل ب50 ريال. واستبشروا خيرا بعد حملات الجوازات سوف ترتفع الأسعار باذن الله
11.
01:05:52 2013.04.07 [مكة]
تقريباً اكثر الشباب موافقين لكلامي لكن ما الحل؟ كيف نجتمع لندرس الموضوع؟ هل الغرفة التجارية تفيدنا؟ نبي نجتمع؟
12.
03:03:59 2013.04.18 [مكة]
تكاتف مع بعض الله يجمعنا على طاعة الله بعد النظام الجديد أفضل والمفروض من زمان وبيسمحو فى إعطاء التأشيرات اللي تبي
13.
02:02:16 2013.05.02 [مكة]
الحين الوقت مناسب لرفع الاسعارخصوصامعاالحملات المباركه وكل واحد بيشتغل زين وبركاده مومثل اول فلته ويجب الاجتماع والتفرقه خساره على الجميع
14.
18:21:28 2013.05.12 [مكة]
اللهم انفعنا بهذا النظام المبارك المشترك من مجلس الوزارء والداخلية و العمل
15.
18:26:18 2013.05.12 [مكة]
مرحبا اخواني ابونواف وحمد يا هلابكم
16.
23:37:52 2013.07.05 [مكة]
راي موفق والشغله ماتبي اجتماعات ولا غيرها التريلا اذا يوميتها اقل من الف ريال صاحبها خسران وفي هذه الفتره ودخول الشهر الفضيل فرصه لرفع الاسعار ويجب على الكل التوقف عن العمل يومين فقط ولا يحرك اقل من الف وبهذه يكون الجميع على علم
17.
23:40:05 2013.07.05 [مكة]
كذلك يجب التعاون مع النظام الجديد لاتستر ولاتشغيل ولا تاجير الا بمبلغ مرتفع حتى يحس الاجنبي المستاجر لونزل السعر سيخسر وبالتالي لايكون له مجال
18.
08:25:16 2013.08.09 [مكة]
عيدك مبارك اخوي كايدهم ،، بالنسبة للتعاون مع النظام الجديد .. شيء جميل و طيب .. اما بالنسبة لرفع السعر فجأة بعد توقف يومين اشوفها صعبة شوي،، بدون اتفاق او اجتماع اشوفها صعبة.. انا اذا وقفت طلع لهم غيري و اعطاهم بسعري القديم او اقل بعد،،، يعني مشكلة،،،
19.
عضو قديم رقم 169768
08:54:42 2013.08.09 [مكة]
السلام عليكم بعض المقولين هم الى يخربون على بعض بنزل بسعر على شان السارات ماتوقف اهم شى تشتغل لكن لو على سعر معن وحدد كان افضل شتغل الكبر والصغير واهم شى شوفولكم حل مع المتسترىن هم الى مخربىن الشغل كله
20.
00:25:36 2013.08.27 [مكة]
نعم بالفعل الاسعار نازله جدا والشغله اصبحت غير مجديه لابد من التعاون اما تفتحون قروب للاتفاق على الاسعار بناء على المسافه ونوع الحموله والوزن وطبيعة العمل مستمر او غير مستمر انا بالنسبه لي وقفت عن النشاط وبعت السيارات ولا راح ارجع الا اذا تغير الاسعار اما اهم شي اشتغل بس لايوقف هذه نظريه خاااااااااااااطئه لانك لو اشتغلت وقبلت باي سعر مع شغلك بيطلع لك مصاريف واذا مازادت الايرادات على المصاريف انت خسرررراااااااااان خسرررراااااااااان انا ارى اليوميه يجب ماتقل عن 900 نهائيا ولا احسن لك وقف خصوصا اذا كانت سياراتك قديمه لانها بتصرف عليك صيانه ولازم لكل 1 كلم 5، 1 ريال يعني 100 كيلو 150 مع حساب العوده رد كذلك يعني لو الرد 200 كلم ذهاب و 200 عوده يعني لازم الرد مايقل عن 600 ريال وفتح العداد 50 ريال يعني لو رد 20 كيلو ذهاب ومثلها عوده لازم 60 ريال للرد وفتح العداد 50 ريال يصير 110 هذا بافتراض الحموله نظاميه 25 الى 28 طن في بعض الدول فيها التريلا فيها عداد مثل التاكسي وتحسب قيمة الرد بالعداد ولا احسن وقف لاتشتغل احسن من انك تخسر ولابد اذا كانت الحموله كبيره او غير نظاميه زيادة السعر وشكرا واسف على الاطاله
21.
00:31:53 2013.08.27 [مكة]
اللي خرب شغل القلابيات اجتهادات ودخول الافراد في النشاط بس اكبر همه لاتوقف السياره مايناظر للسعر يخارج معه ولا لا ومنافسه بينهم على العميل كل واحد ينزل اما شركات النقليات الكبار وخصوصا نقليات المحروقات والثلاجات وغيرها عندهم تسعيره خاصه ماينزلون عنها لو توقف التريلا ماعنده مشكله بس مايرضى بهالسعر
22.
00:44:12 2013.08.27 [مكة]
الغرفة التجارية ممكن تفيد قسم النقليات قدموا لهم شكوى بان المنافسه والتستر والاسعار دخلتنا في خساره وياليت يحطون موقع للناقلين الافراد ماتتحرك سياراتهم الا بالسعر الادنى واللي يبي شغل يجي هالموقع المخصص للناقلين مثل المواقف للشاحنات وعندهم مكاتب للتنسيق مع العملاء في نفس مواقع المكاتب او قريب منها ولا حد يتحرك الا بالسعر المتفق عليه
23.
00:54:23 2013.08.27 [مكة]
او يحطون عدادات في الشاحنات والجميع يركب هالعدادات من الافراد والشركات ويمشون على تسعيرة العداد واذا تبي شغل تروح لمكاتب النقليات تعرض عليهم ولابد تكون مواقع متفق عليها يجتمعون فيها العملاء والناقلين والتسعيره متفق عليها واذا حصلت شغل بالسعر المناسب اشتغل والله يرزقك ماحصلت شفلك نشاط ثاني وخل يصير فيه توازن بين الطلب والعرض وياليت تكون هالمواقع خارج المدن خصوصا للتريلات ويتم الاتفاق مع المكاتب على النقل اما بالشكل العشوائي هذا كل من صار معهه قرشين شراله تريلا واشتغل اي كلام وحتى بعضهم يمكن والله مايحسب دخله ولا يدري هو ربحان ولا خسران خصوصا الافراد بس يبي يشتغل
24.
01:01:25 2013.08.27 [مكة]
وهالمواقع يصير فيها مراكز صيانه خاصة ومراكز تابعه للمرور ووزارة النقل تشوف هالتريلا صالحة للاستخدام واجراء الرحلات ولا لا لان بعض التريلات والله مايصلح معها الا المكبس خطر على الحموله وعلى السائق وعلى السلامه العامه وكل شوي تعطل السير مايصير ياعالم هالشغل العشوائي تريلات موديلات 1970وحالتها حاله وتشيل حمولات باسعار غاليه خصوصا لا صارت اجهزة ولا سيارات او مواد خطره لكن المحروقات ضابطه هالشغله ارامكو مافيه تصريح الا لشاحنه بحاله جيده ولا لها خطر على السلامه
25.
01:08:13 2013.08.27 [مكة]
بالنسبه للرد رقم 18 والله اوقف ولا اشتغل بهالاسعار وحتى لو جاء واحد وأخذ مني باسعاري القديمه خله يشتغل ويخسر ثم بعدين يعقل شغل النقليات مصاريفه عاليه وفيه مخاطر كبيره حوادث سرقات حرائق لازم يصبح دخلها مناسب لها المخاطر اللي يتحملها الناقل
26.
01:11:15 2013.08.27 [مكة]
وياليت يصير في هالمواقع اللي اقترحتها مراكز لوكالات الشاحنات ويقومون بالصيانه و توفير قطع الغيار
27.
02:50:12 2013.09.02 [مكة]
بيض الله وجهك يا ابو جسار كفيت ووفيت..
28.
عضو قديم رقم 169768
08:56:47 2013.09.10 [مكة]
ماقصرت يبو جسار 2 بخصوص السطحات البرحه السعودى يجى يدورله على حمل يجى للمكتب فيه حمل يقول لا يجيه الاجنبى على طول يقصله طبعن مصاريه وسودانين اجار من الرياض الى نجران 1300 بلاط كيف الاجار هاذ الخميس 1400 حقت ايش هاذى يليت المرور والمواصلات يوزعون اوراق على حقين المكاتب مايقص الورقه الا شايف اوراق السائق كامله ونظامى وعلى كفيل صاحب السياره طبعن رخصه عمومى لين اكثرهم سائق خاص وامن الطرق عن نقاط التفتيش يشيك على السائق اذا ماهو نظامى يغرم المكتب وصاحب السياره والله يعدل الامور
29.
16:30:24 2013.09.13 [مكة]
اشهدنك صادق يا ابو خالد و رايك صواااب
30.
07:26:05 2013.09.17 [مكة]
معقوله فيه احد ينقل ب 1300 الى نجران والله من الخساير والله اتوقع الارخص حول العالم يشتري قرمبع لها 20 الى 30 سنه بقيمة اكسنت ويقبل باي سعر للنقل ثم يدخل بدوامة صيانه وخساير ماتخلص المفترض شاحنات النقل موديلات مايزيد عمرها عن عشر سنوات عمل يسمح لها بالعمل والاستيراد من الشاحنات مايزيد عمرها عن 5 سنوات
31.
09:05:28 2013.09.17 [مكة]
والله اللي مخرب الشغله التستر والسعودي اللي معطي السواق التريلا باجار شهري
32.
عضو قديم رقم 169768
09:33:31 2013.09.17 [مكة]
معقوله يبو جسار السبت الماضى انا بسوق والله اجار نجران 1400 واجار رجعه والله ابو نسافه يطاقون عليها كلن يبيها والخميس 1500 واخرتها بعد الرياض 170 كيلو واحد باكستانى جاب العيد سوى حادث وراحت الحموله كلها خله الحين تنفعه 1500 الله يعدلها من عنده
33.
11:44:34 2013.09.17 [مكة]
والله العظيم فكرة اهم شي لاتوقف الشاحنه غلط وخساااااااااااره اوقف عن العمل ولا اقبل بها الاسعار لاني لو شغلت التريلا بستهلكها ومصاريف واذا شغلي مايغطي هالمصاريف خساااااااااره لازم يصير فيه تسعيره متفق عليها اجمعوا تواقيع اكثر من ناقل وقدموا شكوى لوزارة النقل والغرفه التجاريه لوضع تسعيره للنقل والشاحنات القرمبع لازم تطلع من السوق لان شغلها على صاحب النقليات خساره مصاريف صيانتها كبيره وماتخلص وخطر على الطرق والمواد المنقوله والله بعضها فراملها منتهيه و توازنها معدوم والصغاروالافراد يقول الشاحنه الجديده غاليه علي يشتري جديد بالتقسيط او التاجير المنتهي بالتمليك ويشتغل عليها بنفسه مافيها شي سعودي وعلى تريلته وكاله ويترزق الله والشاحنات الجديده كثيره ومتنوعه الاسعار فيه غالي وفيه بعضها سعره معقول اما يروح يشتري قرمبع بقيمة اكسنت ويعطيها السواق ويخسر ويخرب السوق مايصير
34.
11:50:52 2013.09.17 [مكة]
مكاتب تاجير السيارات الصغيره لازم جديد وسيارات الاجره لها عمر بعيد مايجدد لها خوفا على سلامة الناس ونقل الركاب بالباصات اغلبها موديلات حديثه لازم الشاحنات بعد لها عمر وتطلع من الخدمه لانها تنقل شحنات وبضائع غاليه شوف نقل المحروقات لازم تكون الشاحنه وضعها ممتاز ولا ماتسمحلها ارامكوا بالدخول حفاظا على السلامه
35.
21:48:35 2013.10.11 [مكة]
يا مرحبا بالجميع يا ربعنا والله السالفة يبي لها جهاد و صبر و تعاون
36.
12:17:42 2013.10.16 [مكة]
الى يومك وفيه ناس تقبل باسعار خساره
37.
19:05:12 2013.10.17 [مكة]
هذي المشكلة يا ابو جسار السالفة تبي لها تعاون و بالذات الحين بعد الحملات و المهلة
38.
01:19:16 2013.11.12 [مكة]
كلام جميل لكن اين التلاحم والتكاتف بصوت واحد لرفع الأسعار كل واحد يقول نفسي نفسي !!
39.
21:16:58 2013.11.14 [مكة]
ان شاء الله يكون فيه تكاتف يا جماعة نبي كل واحد يكتب رقمه و نجتمع
40.
21:28:52 2013.11.14 [مكة]
الحل ندقق في السواقين منين لك هذا نحاول نعرف السياره لمين لان اغلب السوريين مالكين سيارت لهم وكذالك الباكستاني والافغاني تجد اضعف الناس هنا الهنود والمصريين سواقين بالراتب لكن سوري باكستاني يمني افغاني مستحيل واللي يبي الدليل يقابلني لكن هل الشرطه ستوقفه وتحقق معاه هنا مربط الفرس وباستاطاعتي اوقع السائق ضد كفيله بسوال بسيط والكفيل اوهقه بسوال لان لا يعرف اسرار السيارت والشغل الا حنا اللي ساهرين عليها ليل نهار
41.
13:00:25 2013.11.15 [مكة]
فيه طريقة اخرى استغلها اهل الكسارات وهي يبدأون في تعبة شاحنانهم ومن يؤجؤ لهم شاحنته يم يأخروننا بحيث ما تنقل الا رد واحد يوميا والثاني يكون متأخر وكذا تكون اعذار السائقين، وبعد ما تأجر عليهم تحصل السواق الساعة 6 المغرب في السكن، وكم رد يا صديق قال ردين؟؟؟؟؟؟؟؟؟؟ وشلون قال فيه شيولات زيااااااااااااده وهي شغلة معروفة للجميع نصب من الكل فحسبنا الله عليهم ونعم الوكيل. اذا لكم رغبة صادقة كل رجل يحط كم سيارة عنده تعمل للكسارة وبعدها نحدد اصحاب العمل كسارات او مقاولين وبعدها نبدأ في رفع الاسعار بالتكاتف لحفظ حقنا وشاحناتنا دمتم بووود
42.
03:17:43 2013.11.21 [مكة]
كلامك صحيح يا جماعة كل واحد يكتب رقمه و هذا رقمي 0533000775
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!