من يرشدني وله دعوة في جوف الليل

احتجت لمبلغ من المال لجأت إلى الله سبحانه ثم إلى سيارتي وعرضتها للبيع بعرضها في احد المعارض التي اعرف صاحبها جيدا, بعد فترة اتصل علي كاتب المعرض وذكر أن هناك زبون صامل ويرغب بشراء السيارة وبعد مفاوضات طويلة تم البيع وقام المشتري بفحص السيارة ودفع عربون قدره 5 ألاف ريال ووعد بإكمال المتبقي بعد أسبوع من الاتفاق أي مع نزول الرواتب المهم وافقت عل المهلة المحددة وأبلغت الكاتب السوداني بعد ذلك حضر للمعرض في اليوم الثاني و نقل ملكية السيارة باسمه دون علمي بعدها انتظرت أسبوعين ثلاثة أسابيع لم يحضر المشتري لكي يسدد المتبقي والسيارة طبعا واقفة في المعرض اتصلت عليه فذكر أن ظروفه صعبه جدا ولا يستطع توفير المبلغ المتبقي حاليا وطلب مني الانتظار لمدة 3 شهور كمهلة ليدبر امره على حد زعمه الان وبعد زوال ظرفي ولله الحمد ارغب في استعادة سيارتي ونقلها باسمي ولا ارغب في بيعها لعدم التزام المشتري بالموعد المحدد بيننا في نفس الوقت لا أرغب أن اضر صاحب المعرض فهو رجل عزيز حتى لو كلفني ذلك قيمة السيارة كلها وانما غلطة الكاتب ولا ارغب في الانتظار لثلاثة شهور أخرى
فما هو الحل أفيدوني أفادكم الله علما باني حتى تاريخه لم استلم ريال واحد والعربون عند المعرض والسيارة في المعرض والمشتري مضى عليه شهر ولم يسدد المبلغ المتبقي..
اسمع اقتراحاتكم لعل الله أن ينفع بكم

كل الردود: 12

عرض:
1.
عضو قديم رقم 282899
03:22:16 2013.02.10 [مكة]
جميع لاوراق التي تخص البائع والمشتري لازالت في المكتب من رائي ان تكلم الكاتب ان يعمل نفس الأجراءات الاولى من ورقه مبايعه وصوره بطاقه واوراق السياره من تأمين وفحص وان يعطيها معقب المعرض لنقلها مثل مافعل في المره لأولى وفي خلال اربعه وعشرون ساعه وهي بأسمك .. وقله مايهمك في الأتعاب ... اتمنى اني افدتك
2.
عضو قديم رقم 227898
03:36:27 2013.02.10 [مكة]
نقل الملكيه بأسمه يمكن انت وكلت المعرض .. طالما الأن السياره بأسم المشتري ماتقدر تتصرف بالسياره لأنها خرجت من ملكيتك ومالك الا حلين ياتشتكي المعرض او تكلم المشتري بأستعادة سيارتك حتى لو طلب الف ريال للتنازل وتوقيع العقد
3.
عضو قديم رقم 282899
03:47:03 2013.02.10 [مكة]
من الواضح ان الأثنين البائع والمشتري مفوضين المعرض ...لكن أنت كلم الكاتب لحل المشكله التي تسبب فيها فغالب الضن انه سوف يخبر صاحب المعرض ويطلب منه المشوره.. فليس امام المعرض في هذه الحاله الا ان يعيدها بأسمك بطريقتهم الخاصه وتصحيح خطاهم وثق انها لن تصعب عليهم او اعطائك بقيه فلوسك المتبقيه عند المشتري أن اصريت عليهم من صندوق المعرض وهم و السياره محجوزه عندهم ويتصرفون مع المشتري المماطل ايضا بطريقتهم الخاصه ..وايضا لن يصعب عليهم استيفاء حقهم كامل مكمل منه
4.
عضو قديم رقم 320997
04:06:26 2013.02.10 [مكة]
اخوي هذا حقك وال شي ماتنقل السياره الابعد دفع المبلغ كامل انت هالحين معليك من راعي المعرض اتوقع وان بعض الضن اثم انهم يبونك تنزل من قيمة السياره اول شي العربون من حقك الي في المعرض انا كنت شغال في المعارض والله مايهم صاحب المعرض الا الشريطي عشان مايخسره حت لو صاحبه معليه منه تاكد اول شي ان الي شرا سيارتك مهب معرفه للمعرض او شريطي عندهم وتقدر تقول ليه تنقل السياره وانا ماخذت فلوسي معك حق تاخذ السياره والفلوس والله يكون في عونك ويسر امرك لو الي شؤاها مهتم كان ازعجك وطلب منك تنزل في المبلغ او ترجع العربون بس هو هالحين السياره بسمه لو نقلت بسمك يقدر يحجك يقول سيارتي وابي فلوسي يمكن يتبلك انتبه اخوي خل اجرتك نظاميه راح شيخ المعارض وهو يحلها لك بدون ماتخسر احد وبدون ماتتوهق والله يوفقك ومدري عاد راي ينسب او لا بس نبي الدعاء ان الله يشفي كل مريض وجزك الله خير
5.
04:56:14 2013.02.10 [مكة]
معليش هو صديق لك انا كنت اعمل في مع الشرطيه ثلاث ايام فقط وعرفتهم وعرفت العابهم ولن احط بذمتي اذا رجعو السياره فهو صديق بس غير كذا تراهم ظحكو عليك من اجل نقل الملكيه لين تباع ما تشوف المبلغ يعني الا شراها اشراطي وهم الا دفعو وهم الحين قاعدين يسومون علي السعر حتي يباعها بمبلغ مكسب لهم
6.
21:44:50 2013.02.10 [مكة]
شيخ المعارض الحمزه اشرح له المشكلة وصدقني ترجع السيارة بكره اللي اعرفه حسب تعميم المرور من كم سنه أن مبلغ السيارة يكون بالمعرض وإذا تمت البيعة يسلم البائع المبلغ ومن يخالف غرامه عشرة آلاف وتسكير المعرض هذا إذا تبي حل
7.
22:51:05 2013.02.10 [مكة]
شكرا لتواصلكم جميعا وخاصة الصداوي رقم 6 وننتظر المزيد
8.
عضو قديم رقم 282899
23:00:47 2013.02.10 [مكة]
الرد رقم 5 نعم أرجح ردك وبقوه انها لعبه شريطيه .. ووعلي صاحب الموضوع استخدام احدى الطرق التي اشارو بها الاخوان فكلها تؤدي الي روما
9.
02:23:13 2013.02.11 [مكة]
الي شراها شريطي والله اعلم وعارضها بسعر اكثر من ماشراها منك وينتظر الين يبيعها ويعطيك فلوسك قديمه حركات الشريطيه رح كلم صاحب المعرض يعطيك فلوسك ولا يرجع السياره فورا ولا اشتكه عند شيخ المعارض هذا بيع وشراء مافيه خجل ولا فيه حياء ولو هو استحى منك مانقلها وما اخذ فلوسها مع ان المفروض ان المعرض يعطيك الفلوس من خزنه المعرض ويمسكون هم السياره ويتفاهمون مع اللي شراها
10.
عضو قديم رقم 320997
04:21:31 2013.02.11 [مكة]
معليش اخوي انت جالس تنتظر ردود المفروض تاخذ بردود وتتوجهه لشيخ المعارض وتعطينا الخبر وانتظرك للمزبد شي غريب للن المفروض تحرك ولاتنتظر معجزه ترجع عليك حقك مع انك بين من كلامك الحق معك معليك من احد
11.
22:10:00 2013.02.11 [مكة]
لاتنسانا من دعاك
12.
15:12:19 2013.03.04 [مكة]
اذا تبي النصيحه تكلم راعي المعرض يرجع ملكيتها لك وياخذ المعرض اتعابه ويرجع الباقي للمشتري وبكذا ما ضلمت احد والمشتري يحمد ربه ان رجعله جزاء من العربون .
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!