أخواني أبي فزعتكم تكفون تكفون عاجلاً محتار أبشتري سياره من ثلاث سيارات فقط

السلام عليكم ورحمة الله وبركاته

أخواني أنا أبي فزعتكم والله محتار لي ثلاثة أشهر وأنا ألف بالمعارض وأحترت وتشتت ذهني

أبشتري سياره من ثلاث سيارات فقط هي إلي علىيها العين وهي

( تويوتا /جيب )

( جمس /يوكن)

( شفر / تاهو )



تكفون أبي الرد يكون عاجل الجيب غالي وسعره خيالي والجمس يوكن ما أدري عن قوته ومواصفاته والشفر تاهو كذلك ما أدري عن قوته ومواصفاته

أنا أبي سياره بالخط مريحه وتكون وسيعه لي وعيالي ثمانية أشخاص وبالبر يعني ما نبيها ترقى الطقوس ولكن تمشي بالنفود وترقى طعيسات حليوه تبرد الكبد ويكون بها ثلاجه وشاشة ملاحه وأهم شي أنها مريحه وكشخه وعمليه وقويه ومتانه وسعرها معقول

تكفون يا شباب يا عيال ديرتي والله والله أنني محتار ومشكلتي أنني أخاف أشتري وبعدين أقول ليت أنني شريت هذي وياليت ما شريتها وياليت وياليت

أنتظر ردودكم العزيزه والغاليه على قلبي

الله يوفقكم ويسعدكم ويخلي لكم عيالكم ويصلحهم ويهديهم ويوفقهم في الدينا والأخره وأن ترون منهم ما يسعدكم

كل الردود: 6
1.
عضو قديم رقم 92248
12:26:44 2013.02.06 [مكة]
( جمس / يوكن) ممتاز جدا وقوي وخاصه اذا كان سعودي . لكن تختلف المواصفات من شركه الى اخرى .. . سلامتك ..
2.
12:52:53 2013.02.06 [مكة]
تويوتا وانت مغمض خراباتها قليل وقطعها في البقاله
3.
عضو قديم رقم 255401
13:42:03 2013.02.06 [مكة]
يالزين أول شيء افرش السجادة وستخير الله تعالى (لن تندم في الإختيار ) الأمر الثاني : من وجهت نظري وش تفيد الراحة والسيارة عله واقرب مثال (الكدلك مريح جداً ولا احد يبيه) نصية لك خذ التيوتا لأسباب الاول تجربه لو ما عجبك بيعه وقيمته فيه منت خسران قوة على حسب الكلام المنتشر حق براري وانت ابوها وسمها عائلي رسمي ولو ما عجبك بيعه وخذ لك يوكن كلها شخطة قلم في المرور وفلوسك في جيبك ادعوا الله أن لا يخيبك ويوفقك في السيارة الزينة ويحفظ لك بزارينك ويقر عينك بصلاحهم ويبعد عنهم عيال الحرام ويجعلهم من الأبرار
4.
عضو قديم رقم 273311
16:43:16 2013.02.06 [مكة]
ابعد عن التاهو دايم القير يكون فيه مشاكل خلك على اليوكن ولا سيكويا طبعا دبل . و الله يعطيك خيره و يكفيك شره مقدما
5.
04:50:09 2013.02.07 [مكة]
سيكويا او يوكون عن نفسي افضل اليوكون
6.
عضو قديم رقم 309333
13:34:13 2013.02.08 [مكة]
حياك نصيحة مكان السكن مهم ويحدد في غالب الاحيان نوع السيارة وكانك راعي بر وكشتات خذ الجيب شديد شوي بس لك وللزمن اقتصادي وقود متوفر مشاكلة قليلة عائلي اصيل مع طول المسافات المقطوعة وتاثيرها عليه وقت البيع يكاد لايذكر بالمقارة مع الامريكي ....وكانك تبي تكشخ وماتفرق معك بعد الاستخدام في البيع ..... اليوكن خيار طيب وفي كل الحالتين الون الفاتح طيب والكراج يزيد عمر السيارة دعواتكم
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!