» فرصة ذهبية للتنازل كيا سيراتو 2013 بدون مقابل

السلام عليكم ورحمة الله..

هذا العنوان أشوفه يتكرر كثير في اكثر من نوع من السيارات ويلقى قبول قوي جداً رغم أن المشتري خسران في نظري 100%

تقولون لي كيف أقول لكم السبب:

عادتاً ماتكون صيغة الإعلان في الداخل بهذا الشكل:

__________________________________________________________

بسم الله

للجادين فقط

للتنازل عن السياره بدون مقابل سيارة كيا سيراتوا 2013 تأجير منتهى بالتمليك من شركة تأجير

السيارة بحالة الوكالة

ممشي5600 و قابل للزيادة

صيانة ال5000 كم ب الوكالة السياره اتوماتيك + تيبترونيك - زجاج كهرباء - مرايات كهرباء - ريموت للسيارة - فتح الشنطة بالريموت - فرش داخلى للشنطة من الوكالة <----- (مواصفات بالتأكيد متوفرة في كل السيارات)

قسط السياره 1250 التقسيط علي خمس سنوات دافع قسطين ولايوجد اقساط متأخرة عليها

الدفعة الاخيرة 10300 ريال

المجموع 1250 ضرب 60 شهر = 75000-2500 قيمة القسطين اللي سددها صاحب السيارة = 72500 + 10300 الدفعه الأخيرة

يصير المبلغ الإجمالي = 72500+ 10300 = 82800 ريال
___________________________________________________________

زي هذا العرض خلونا نحلل الربح والخسارة

صاحبها اللي عارضها هنا طلعها بدون دفعه أولى يعني كانه مستأجر ودفع فقط قسطين قيمة شهرين

1250 لو قسمناها على 30 يوم تطلع السيارة عليه 41 في اليوم والأن يبي يتنازل ويقول بالمجان!!؟؟

هل هناك خسارة عليه!!؟؟

لا بالعكس كسب إستخدامها وهي جديدة ولمدة شهرين وقضى عليها شغلة وخلص منها والأن يبي يسلمها لشخص أخر وكانه متجمل عند اللي رايح يشتريها ولكن للأسف المشتري انا أشوف أنه مغفل لأنه راح ياخذ سيارة مستخدمة شهرين فقط لأجل يوفر 2400 ريال..

طيب لو أنا قلت لك طلع سيارة 2013 سيراتو بالأقساط

وأنا راح استأجرها منك لمدة شهرين فقط او ثلاثة وأنا راح أسدد لك قسطها وهي جديدة (هل ستقبل ذلك؟؟)

طبعاً أنا راح أخذها أصفار وأرجعها لك ماشية 5 الأف أو 10 الأف فهل يوجد من يقبل مثل هذا العروض؟؟

دعوة للنقاش لأني أشوف الناس تتساقط كالفراش في النار عند مثل هذة العناوين وهم واضح خسرانين فهل أنا غلطان؟؟

وشكراُ

كل الردود: 9
1.
00:13:02 2013.02.04 [مكة]
عداك العيب والله انك صادق 100x100 لكن في بعض الناس مايقدر يلطع سيارة لصعوبة الاجراءات والتعقيد ولكن في مثل حالة انك تتقبل السيارة الاجراءات تكون اسهل بكثير من الشركة حيث انهم يطلبوا توقع كمبيالات وتعريف وبعض الاحيان قسطين مقدم وترسم كروكي وانت واقف عندهم وتستلم السيارة من المستأجر الاول . وصلى الله وبارك
2.
00:44:15 2013.02.04 [مكة]
أشكر لك مشاركتك أبوالمهند وشرفني ردك على ما أظن أن الإجراءات وحدة والشروط تتماثل ولكن ليس من المعقول أن أقبل بهكذا بيعه لحفظ بعض الوقت يوم او يومين
3.
عضو قديم رقم 319473
00:53:04 2013.02.04 [مكة]
هناك شرط باقي اخوي الفهادي وهو / يحسبون العداد اذا هو ماشي فوق المعدل المطلوب بياخذون عليه قروش بعد . واغلب الوكالات اجمعت على هذا الكلام .. أنا واحد من الناس رحت لمعرض الجبر وطرحت عليهم هذا السؤال لو حبيت ارجع السيارة باي وقت لعدم التزامي بالسداد رد علي : مثل ما ذكرت لك سابقأ تحياتي لك
4.
01:16:09 2013.02.04 [مكة]
صادق اخوي الفهادي اللي وده يتقبل اي سياره مديل السنه اعتبره خسران لو يطلع جديده اصفار افضل له ولاتنسى رسوم تحويل العقد لدى الوكيل او الشركة بالاضافه للقيمه الاجماليه يعني كنك يبوزيد ماغزيت
5.
عضو قديم رقم 145858
01:28:09 2013.02.04 [مكة]
كلامك صحيح بالنسبه للنقطه الي وضحتها بس في بعض السيارات اصحابها دافعين عليها دفعه اولى مثلا ماتقل عن 10.000 فا لو تنازل عنها بدون مقابل صاحب السياره الاساسي هو الخسران
6.
13:59:54 2013.02.05 [مكة]
انا سمعت ان السيارة لو كنت مقدم فيها دفعه اولى 20000 او 120000 لو كانت نوع فخم وصار لها حادث ولو بسيط يسحبونها منك و لايتم تعويضك في المقدم أو حتى الأقساط اللي دفعتها والله ظلم
7.
20:44:58 2013.02.05 [مكة]
احد الزملاء اشترى جيب لكزس 2012 ودفع للبنك الراجحي ابو كل شي حلال واسلامي دفع لهم 120 الف مقدم ودفع خمس اقساط وصار ع السياره حادث قالوا تالف وعطوه تعويض 12 الف ريال والباقي تعرفون راح عليه والغلط ع صاحب الشاحنه اللي صدم سيارته وراحت فلوس خوينا وراحت سيارته الراجحي اخذ 120000 مقدم +5 اقساط قيمه القسط 4700 ريال واخذ تعويض من التأمين كامل المهم الراجحي والشركات الثانيه الحين يتمنون تصدم بس ولو حكه واللي يبي يتاكد من هالشي يروح للمزاد الدولي بالرياض بجنب الفحص الدوري سيارات بعضها بها حكه بسيطه وساحبتها الشركات على اساس انها تالف وسيارة خوينا راعي اللكزس الاسبوع الماضي كانت منوره هناك وبيعت ب 180 الف طبعا اضافها الراجحي الي حسابه وبكذا اخذ اكثر من قيمة السياره بزززود وخلال فترة وجيزة وفوائدها كااااااش وعطا خوينا الفدائي 12 الف رد منقول من شخص
8.
13:26:34 2013.04.26 [مكة]

(تم حذف الرد بواسطة الإدارة)

9.
عضو قديم رقم 321057
20:42:45 2013.04.26 [مكة]
الراجحي من كثر فلوسة الظاهر كل الناس بتدخل الجنة وهو باقي ما خلص من الحساب هو وكل الأثرياء هذا غير الحلال والحرام لة حالة ثانية
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!