نصيحتكم يا اخوان (بشراء سياره)

السلام عليكم

يا اخوان انا محتار وابي نصيحتكم بخصوص شراء سياره ومتردد مابين اخذ قرض من الراجحي واشتريها كاش والا اني اخذها عن طريق البنك نفسه نضام تاجير منتهي بالتمليك عشان تكون عندي فرصه اني اقدر اخذ قرض مره ثانيه في حاله الطوارئ لاقدر الله


مع العلم ان القرض اقل فوائد والسياره تكون باسمي يعني اقدر ابيعها بأي وقت واحيان اقول صعبه ادفع مبلغ كبير دفعه وحده عشان سياره

السياره هي جيب GXR ,وقيمتها كاش تقريبا 230 الف ولو اني اخذها عن طريق البنك راح توصل قيمتها 290 الف تقريبا

كل الردود: 13

عرض:
1.
عضو قديم رقم 229824
03:53:59 2013.01.20 [مكة]
بدون ماتفكر احسن لك تاخذ قرررض وتشتريها كاااش والسياره تكون بإسمك وارخص لك لكن التأجير فيه شبهه من حيث انه حلال او لا
2.
عضو قديم رقم 231385
06:39:56 2013.01.20 [مكة]
أنصحك لله، أبتعد عن البنوك كلها، ولاتقربها وخذ لك سياره بسعر معقول، وحراام تدفع هالمبلغ بسيارة. هناك سيارات ممتازة وسعرها أقل من كذا بكثير.
3.
08:32:18 2013.01.20 [مكة]
انصحك تفكر ألف مره قبل تهور وتشتري سياره بالمبلغ هذا خاصة انها تويوتا مع كامل احترامي لمن يمتلكها لكن انصحك بصلاة الاستخاره والتفكير
4.
عضو قديم رقم 316165
08:36:06 2013.01.20 [مكة]
من ناحية مادية معروف ان القرض الكاش بتكون فوائده أقل بكثير من الإيجار المنتهي بالتمليك و غير كذا في حالة الكاش ممكن لاقدر الله في حالة الضرورة تبيع سيارتك و تسدد للبناك أقساطه لكن نصيحه ...حرام تاخذ قرض بربع مليون علشان تحطه في جيب خذه و تزوج فيه و لا اشتر لك ارض ولا أدخل به في تجارة لكن تحط على نفسك ديون ربع مليون ريال علشان تكشخ بجيب...ما احسها منطقية
5.
10:54:09 2013.01.20 [مكة]
نصيحة اخوية لاتقدم على الشراء بهذا المبلغ واقساط بعد . رأيي تاخذ سيارة متوسطة السعر 70-80 الف ريال وبحد اقصى 90 الف مثل السيارات السيدان التورس وماشابه ولاتكلف نفسك بأعباء مالية ضخمة .
6.
عضو قديم رقم 231385
13:43:01 2013.01.20 [مكة]
رد رقم 5 ، هو عين العقل.
7.
عضو قديم رقم 227898
14:24:27 2013.01.20 [مكة]
مع رد رقم 5 وعين العقل
8.
عضو قديم رقم 281186
20:37:26 2013.01.20 [مكة]
خلك منهم يا رجال اكشخ وانبسط اذا كانت امورك زينه وانصحك تاخذ قرض افضل لك واقل فوائد وابعد لك عن الشبهه
9.
23:38:33 2013.01.20 [مكة]
بارك الله فيكم يا اخواني نصايحكم كلها على راسي وانا محتاج للسياره هذي بالذات ولله الحمد انا عندي بيت ملك ومتزوج ولا عندي التزامات كثيره بس مايردني الا التفكير بضخامة المبلغ واستخرت وكل شوي اطلع برأي واخرها اني اخذها اقساط باسم البنك والميزه اني اقدر ارجعها لهم بوقت ما ابغى والسياره تبقى مؤمنه وبرضو متردد واذا فيه معرض او شخص يبيعها لي اقساط اانا جاهز وله كل الشروط والضمانات
10.
00:42:22 2013.01.21 [مكة]
تأكد من ناحية الشريعة الاسلاميه...... انظمة البنوك في التقسيط أغلبها حرام.... تحياتي (((طيرشلوى2007)))
11.
01:19:21 2013.01.21 [مكة]
نصيحة اخ اذا نويت خذ قرض بأقل نسبة واقل سنوات ولا تاخذ تأجير منتهي بالتملك انت تقول اقدر ارجعها بأي وقت والله ان تتعب مع نظام التأجير ويمكن تتأخر لظرف ما في سداد قسط ويسحبون سيارتك ويغرمونك بقصدين ترا نظام التأجير ضد العميل بكل الاحوال وهذا بالبنوك والشركات عامه ولاتبلش معهم اذا جيت تبي ترجع السياره يحسبون عليك الكيلوات بإعتبارك مستأجر واي مبلغ دفعته مثلا كدفعه احتمال يروح عليك خذ القرض وخذ الموتر بأسمك والموتر اللي تبيه شيك بجيبك لو قدر الله وانزنقت تبيعه يمكن بمكسب ولا خساره بسيطه وانت شف القرض لو خذيته شف الاجمالي فرق شاسع بالفائده بينه وبين التأجير القرض تقريبا فايده 20 ولا 25 الف والتأجير 60000 وانت احسبها وبالنسبه للتأمين انت أمن تأمين شامل بأطلق شركة ولا راح توصل للفائدة العاليه الخاصه بالتأجير وللعلم ترى في التأجير انت اللي تدفع التأمين والعميل مايدري ان تأمينه هو اللي دافعه من ضمن القصد التأجيري ادري طولت عليك بس والله من مبدأ حب لأخيك ماتحب لنفسك ودعواتك لي في ظهر الغيب
12.
01:47:41 2013.01.21 [مكة]
أخوي لاحظ لما جا السيل بجده جرف معظم السيارات ولله في ذلك حكمه وكما تعلم ان الكثيرين اصبحوا يتهاونون في التعاملات الربويه عن طريق البنوك بل وأصبحوا يتحدثون عن الاقل نسبه وكانه لايتحدث عن ربا نصيحه من شخص يتمنى لك الخير في الدنيا والآخره إذا كان بحوزتك مبلغ مناسب تستطيع به شراء سياره مستعمله تفي بالغرض فتوكل على الله بنيه صافيه وسيبارك الله لك فيها اما ان لم يكن بحوزتك اي مبلغ ولم تستطع اقتراض مبلغ من جهتك الوظيفيه او أحد معارفك فابحث عن مجموعه ممن تثق فيهم وبعدد مناسب واعمل معهم جمعيه
13.
02:36:12 2013.01.21 [مكة]
جزاكم الله خير اخوي الديناميت كلامك سليم , بارك الله فيك اخوي لوعىة شفق انا اذا نويت اخذ قرض شي اكيد انه ماراح يكون ربوي وماعندي اي جهه تمولني غير البنك
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!