اللي يفهم بشركة النصب للهاتف المحمول يدخل مشكورا

السلام عليكم ورحمة الله وبركاته

بالمختصر المفيد
فاتورتي 900 ريال لييييييييه?
شريحتي من stc

كان عندي جوال c7من نوكيا
قمت وشريت جالكسي 3 وطلبت شرايح تنفع لجميع اجهزتي
قالولي فيه طريقه انك تشتري 3 شرايح لثلاث اجهزه وتشتغل بالتبديل بكود لها والاشتراك الشهري 4 ريال
قلت والله مبلغ حلو خاصة اني عندي جهازين استخدمهم

ايام c7 كنت اشبك بره البيت الوتس اب والشبكه فيطلع لي فاتوره مابين 350 - 400 ريال مع العلم اني كنت اطلع كثير

الان بعد الجالكسي ماصار له شهرين عندي استخدامي فقط للوتس اب بره البيت . . مرسلين لي ان الحد الائتماني 800 ووصلت الفاتوره 900 ?
كيف ياعالم ياهو مع العلم اني هالجهاز ماطلعته كثير من البيت وشابك على الوير لس بالبيت يعني من الاخر ما لحق يطلع هالمبلغ

ايش اسوي شيروا علي
? ? ?

كل الردود: 8
1.
عضو قديم رقم 317108
02:20:45 2013.01.19 [مكة]
روح لهم راجعهم وخلهم يطلعوا لك كشف مفصل عن فاتورتك , يمكن تستفيد وان شاءالله انك تستفيد ... رغم اني متأكده انهم بيحطوا الحق عليك ويجيبوا لك اي اعذار ويطلعوا منها ... انا سافرت قبل فتره وسددت الفاتوره قبل السفر بيوم وما استخدمته ابدا لمدة 5 شهور , رجعت لقيتها نزلت لي فاتورة 1100 ريال , حق ايش ! مادري ؟ ولما راجعتهم طلعت بدون أي فايده .. بس لازم تروح وتستفسر يمكن تكون عندك خدمات تحسب عليك وانت ما تدري او يمكن تحتاج تقفل شي ويمكن هم غلطانين .. اتمنى تتوفق .
2.
02:56:50 2013.01.19 [مكة]
الاجهزة الجديدة تحدث البرامج بدون ما تضغط شي غالبا عندك برامج وتحدث نفسها غير الاعدادات بحيث ان التحديث ما يتم الا وانت شابك على البيت
3.
02:57:54 2013.01.19 [مكة]
مشكوره اختي والله مدري هالنصب الى متى اذا كلمنا والا ماكلمنا فواتيرنا طايره بالسما انا لغيت من اسبوع النت خارج البيت ومع ذلك زادت الفاتوره 100 ريال مع اني تكلمت ثلاث مكالمات كل وحده ماتزيد عن ثلاث دقائق والله اخوي التحديث يظهر لك انه بحدث وانت ممكن ترفض لكن شكلي برجع لابو كشاف مالنا غنى عنه
4.
03:58:22 2013.01.19 [مكة]
أنا معي ابو كشاف ومشغل الخط فقط استقبااااااااال لأني خارج المملكه ،. والفواتير لها سنتين تجي 600 هههه رقم مميز كل شهر احيانا عشان تنحبك الشغله تصير 602 الله كريم ، الا بسال عن الغير مفوتر ل stc هل يستقبل مجانا في الخارج ،، وماذا عن باقي الشركات
5.
عضو قديم رقم 313895
08:22:14 2013.01.19 [مكة]
اخوي قدامك حلين الاول انك تلغي 3g نهائيا من جوالك وتوقفه ولا تفتحه ابدا لان النت على الشريحه بدون تفعيل باقه غالي جدا واجهزت لسمارت فون تسحب نت بشكل دائم ومو شرط تحديث برامج لان البرامج تبقى تعمل بحث عن التحديثات وحتى لو ما طلع تحديث فهي تستهلك نت للبحث الحل الثاني انك تشترك في باقة بيانات شهريه 100 او 150 ريال بالشهر وكذا اوفرلك وارخصلك بالنسبه للتجوال شرايح موبايلي المفوتره والمدفوعه مسبقا عليها تجوال مجاني منها ماهو برسوم شهريه 20 ريال مقابل التجوال المجاني ومنها مجاني بغير رسوم
6.
10:28:05 2013.01.19 [مكة]
من اربع سنوات وانا مرتاح من شركة الاختلاسات تقريبا وفرت 50%
7.
13:37:00 2013.01.20 [مكة]
والله مشكله اذا خلال شهر والجوال اغلب الاوقات بالبيت وطلع 900 مدري لو استخدمته فعلا كم بصير مشكورين على مروركم وتعليقاتكم والله يكتب خير
8.
14:00:17 2013.01.20 [مكة]
اجهزة الجديدة تحدث البرامج بدون ما تضغط شي غالبا عندك برامج وتحدث نفسها وانت خارج المنزل وبالتالي المبلغ منطقي لاني مريت بنفس المشكله وبعد مراجعه الفاتوره وجدت انهم علي حق كل ما عليك هو فصل خدمه 3G من الجوال وسترجع الفاتوره منطقيه كما كنت متوقع من المؤكد ان هناك مبالغه من شركه STC لكن ليس لدرجه ضعف الفاتوره
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!