طلب شور الاخوان(( وماخاب من استشار ))

السلام عليكم ورحمة الله

اولاً : جزا الله خير كل من يعطيني شوره ونصحه.

الموضوع : عندي هايلوكس 2002 وحديته على رجل ب43 الف ويبيه
وانا عندي سياره ثانيه عائليه
وهذي ثانويه للعمل والسفر لحالي وطلعات البر والمكشات
المهم
معروض علي (4) سيارات ومحتار بينها
1=فورد بك اب 150 موديل 2005
2=جيب ربع ميستوبيشي موديل 2006 فل كامل
3= دوج تشارجر 2008 نص فل
4= فورد فكتوريا 2004
======================
وانا محتار بينهم مره اقول ابي ذي ومره اقول لا
======================
ابي نصيحتكم وش اختار منها :-

وحاجتي كالتالي
1- اسافر كثير لحالي لظروف العمل وابي شي مريح
2= احب طلعات البر والمكشات وبكثره
3= استراحتي تبعد عن الخط 10 كم واطلع لها يومي وخط زفت
4= دوامي 20 كم يومي

المطلوب :-
1= ابي الي تعيش وتخدم
2= قليلة الاعطال
3=قليلة صرف الوقود
4= مريحه بالخط وعمليه بالبر
==============================
سبب بيعي للهلي ( انه قير عادي وتعبت من تعشيقه )

كل الردود: 11

عرض:
1.
19:29:49 2013.01.18 [مكة]
دور راحت مخباتك واترك عنك الدلع موترك من احسن موديلات الهايلكس لا تفرط فيه
2.
19:43:16 2013.01.18 [مكة]
الهلي وبس انا ميكانيكي ومتخصص هالي
3.
20:07:10 2013.01.18 [مكة]
ههههه ابو عمور جزاك الله خير تراني شايب 37 الله يمدنا بطاعته انا اشتكي من الظهر وماقدر على الهلي بالسفر والدلع مو لرجال الله يهدينا وياك
4.
عضو قديم رقم 157399
10:49:45 2013.01.19 [مكة]
4= فورد فكتوريا 2004
5.
14:48:23 2013.01.19 [مكة]
المتسوبيشي لا يفوتك و اسأل و شوف منتديات الملاك
6.
10:26:16 2013.01.20 [مكة]
جزاكم لله خير
7.
عضو قديم رقم 279228
11:41:31 2013.01.20 [مكة]
الهلي شيك في جيبك اي وقت تبيعه قيمته فيه ومرغوب اذا كان تقول ابي توماتيك عليك بسيارة كراون فكتوريا سعودي عمليه ومريحه في الخط واسعارها حلوه ممكن تكون عندك سبير للمشاوير وللبر على للهلي وتمناتي لك التوفيق
8.
عضو قديم رقم 111506
11:50:50 2013.01.20 [مكة]
من رائي ابعد عن الدوج و الجيب ربع ميستوبيشي لان الاول قطع غياره نار والثاني ما احس انها راح تكرف معك بخصوص الفورد 150 يصلح للبر ومش بطال في السفر والفكتوريا سلمي عليها خدمة وراحه في الخط ورساوه على الطريق والمعروف عن الفورد انه خراباته قليلة انا معي فكتوريا 99 ما شاء الله تبارك الله
9.
13:55:31 2013.01.20 [مكة]
لا زلت أقول المتسوبيشي شرط النظافة...قطع الغيار ان كانت غالية لكن عمرها الخدمي طويل ، ما شفت أحد اشتكى منها، فورد كراون فكتوريا رائعة لكن ما تصلح برة الاسفلت، دودج شارجر نفس حكاية الفورد. فورد 150 لو حصلت دفع رباعي فهذا أفضلها على الإطلاق لكن المتسوبيشي أوفر منه في البنزين، و الله يوفقك للخير و يبارك لك في مركبك مقدما.
10.
20:53:11 2013.01.20 [مكة]
جزاكم الله خير والله محتار بس من كلام الشباب الميستوبيشي الفورد فكتوريا الفورد150 وهو دبل ارضي الله يسر
11.
07:43:57 2013.01.21 [مكة]
يا أخ حريري ما يبا لها حيرة...الفكتوريا ما بينفعك في البر من الآخر ، انت بين خيارين المتسوبيشي ربع أو الونيت ال150، للمساعدة هل لك حاجة تحمل أغراض كبيرة في الموتر أو تبا مركب بس مع شوية أغراض شخصية، من ناحية قطع الغيار معروف الفورد أرخص من المتسوبيشي...يبقى الأهم انك تجرب الثنتين و تشاور نفسك أي واحدة ارتحت أكثر لركوبها - الطبلون و شكله - الغمارة بشكل عام - العزم و الأداء- السلامة (الفرامل و ما إلى ذلك) - رساوة السيارة على الخط...أيا يكون اختيارك بيقعد معك ربما سنوات، فليتك تدقق في كل صغيرة و كبيرة ولا تقول في الآخر يا ليت !
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!