موظف حكومي بس ودي بالقطاع الخاص لتحسين الوضع

السلام عليكم ورحمة الله وبركاته

اخواني انا موظف حكومي ولله الحمد لي سنتين تقريبا متوظف على المرتبة السادسه

الحمد لله على كل حال الاوضاع مستقرة ولكني عندي طموووح قبل ان اتوظف ان اكون بالقطاع الخاص حيث تكون الجهة تقدر العمل الذي تقوم به وتقدم الحوافز والبدلات ومكافأة نهاية الخدمة

وش رايكم هل تشجعون على الأنتقال من الحكومي للخاص

ايضا ماهي الشركات القويه التي تنصحوني اقدم عليها

كل الردود: 11

عرض:
1.
عضو قديم رقم 307152
19:39:46 2013.01.18 [مكة]
انا لي ثلاث سنين بالقطاع الخاص حلو بس كرف ايش دراستك عشان نقولك شركات
2.
20:10:23 2013.01.18 [مكة]
دبلوم محاسبة
3.
عضو قديم رقم 153493
00:36:02 2013.01.19 [مكة]
نصيحه لوجه الله القطاع الخاص ياخذك لحم و يرميك عظم واقل غلط تحصل نفسك مفنش و اذا اشتكيتهم يرجعونك لكن استحمل اهاناتهم و الضغط عليك خلك في القطاع الحكوووومي والافضل ظبط وضعك و خلك اعمال حره و اشتغل بتجاره انتهى
4.
10:02:56 2013.01.19 [مكة]
انا بالقطاع الخاص من 2000 م صحيح القطاع الخاص يعطيك مميزات ماتلقاها بالحكومة ولكن نصيحة لوجه الله خلك بالحكومة لو مرتبتك الثانية ياخوي الخاص مافيه امان وظيفي حتى وان كنت مسجل بالتامينات الخاص يتعبك وياخذ حقه و زود الا اذا انت تقبل تسرق او تاكل حرام صدقني سنتين تكفيك بالخاص وانت تصير غني. اذا تبي بارت تايم ايه توكل على الله بس لا تفك وضيفتك الحكومية نصيحة
5.
11:26:26 2013.01.19 [مكة]
نصيحة لوجه الله . خلك على الحكومي افضل انا كنت موظف بالقطاع الخاص والله ياكانت تحرق معي حرقة لما تجي مكرمة ملكية بالاجازات او الزيادات وحنا مكاننا سر . اول شئ شهر رمضان تداوم فيه الى يوم 28 او احيانا 29 اخر الشهر . وبعد العيد تداوم على طول يعني بعد رابع يوم حتى لو صادف يوم خميس . ولاتنسى القطاع الخاص اكثر الدوام فيه انك تداوم يوم الخميس . وتداوم ساعات اكثر طوال الاسبوع . انا عندي اقتراح ممتاز لك خذ لك ليموزين وفرفر عليه منها ماتحس بالوقت وتتونس عليه ويجيب لك دخل حلو . ولاتقعد مرتبط بساعات عمل مملة من 8 الصبح الى 5 العصر مثلا .
6.
11:31:49 2013.01.19 [مكة]
مثل ما قالو لك الاخوان خلك في الحكومه الام الحنونه ومرتبتك حلوه وادعمها بمسجل معلومات تاخذ عليها 15 بالميه ولا ناسخ اله وتاخذ بدلها 20 بالميه وكبر الوساده
7.
11:50:23 2013.01.19 [مكة]
أولاً تخصصك لا يخدمك في القطاع الخاص اكثر من القطاع الحكومي كونه مكتفي في القطاع الخاص لذا أنصحك بالبقاء في وظيفتك وطور نفسك وفي نفس الوقت هناك مشاريع لا تتعارض مع وظيفتك مارسها أخبرك من واقع خبره عسكريه سنتان خدمه مدنية 3 سنوات قطاع خاص 18 سنه والله يوفقك الجميع
8.
02:24:50 2013.01.21 [مكة]
الله يعطيكم العافية
9.
02:49:03 2013.01.21 [مكة]
اولا والله مشاء الله مرتبتك حلو على السادسه والله الخاص محد يمدحه عشان الكرف الخ ... نصيحه مني لك انت انت تي تزود دخلك ابدء تاجر افتح لك تجاره مع موضيقتك الحكوميه بقاله او حلاق او مغسله ملابس اومطعم او محل هدايه او الخ ... افتح داسه على المشروع الي تميل له وابدء من الصفر الى ماله حد
10.
عضو قديم رقم 257611
02:53:23 2013.01.21 [مكة]
تبي قطاع خاص وشهادتك دبلوم وماهيب معجبتك وظيفة الحكومة عجبي دكاترة ادارة يبون الفكة من القطاع الخاص ويحسون انهم محرومين ولو جالهم وظيفة بمرتبتك بالحكومة بيخلون وظايفهم لو رواتبهم فوق 30 الف يكدونك كد الفلس حتى لو عطوك راتب ماراح تحلله وسنتين في القطاع الخاص وتجيك امراض الدنيا
11.
12:41:59 2013.01.24 [مكة]
الله يعطيكم العافية صحيح انا دبلوم لكن حاليا ادرس بكالوريوس بالأنتساب وبأذن الله سنة ونصف وانا مخلص بصراحه ودي بمشروع او شيء اشتغل فيه ووراه مكسب لكن المشكلة ماعندي افكار في بالي ابدا ابي شيء جاهز واشتغل فيه الله يعين بس
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!