بأستقدم من الفلبين بنفسي لأول مره

السلام عليكم ورحمة الله

عندي تأشيرتين على الفلبين واحدة بأسمي وواحدة بأسم أخوي المهن سائق خاص ومحتاج استقدمهم فنيين

وش المطلوب من أوراق ومستندات من هنا ؟

وكيف أحل مشكلة اللغه والأنجليزي عندي ماهو بهذاك الزود ؟

وفنادقهم رخيصة ؟

وكيف اطلب الفنيين من هناك اروح للمكاتب والا وش افضل طريقة ؟

وفلوسي كيف آخذهم دولار والا بطاقة الصراف تصرف عندهم عادي ؟

والسكن بمانيلا افضل او في مدينة ثانية ؟

أخيرا ممكن ألاقي مسلمين بسهولة والا صعب ؟

اتمنى من الجميع المشاركة وطرح تجاربكم

أخوكم /أبو عبدالعزيز

كل الردود: 8
1.
17:18:52 2013.01.18 [مكة]
والله انصحك اذا اول مرة لاتروح لحالك فلبين بلد الامن فية معدوم ونشالين والحرامية كثار في ناس عرب كثار في مانيلا ولا انصحك الاختلاط فيهم من ناحية الانجليزي اذا لتل سبيك انجلش روح في فلبين ناس تتكلم عربي بلبل ومن ناحية الاستقدام اول ماتوصل روح السفارة السعودية وسجل جوازك وهناك القنصلية عندهم عناوين مكاتب موثوقة لاانة اذا رحت وعطيت تاشيرتك سمسار نصب عليك هناك عرب بالهبل في مانيلا وخذ دولارات ولاتستخدم بطاقة الصراف الا وقت الضرروة فقط في اليل انتبة لنفسك انت فاهمني وخذ مقاضي الفطور من هنا والخبز خذ لك الي تحتاجة وانصحك اذا فية فلبيني تعرفة خلة يظبط بفني افظل لك من الي بيعطيك مكتب وهناك في اختبار بعد العامل والله يوفقك انا بحاول اجيب لك رقم واحد في فندق يتكلم عربي في مانيلا واي استفسار راسلني علي الخاص
2.
17:29:32 2013.01.18 [مكة]
الأصمعي شكرًا على النصيحة وياليتك تدلني على احد تثق فيه وأكون ممنونك المكاتب اللي عندنا غالين وما يجيبون ناس تتقن المهنه أشكر مشاركتك ومرورك
3.
عضو قديم رقم 43638
17:41:11 2013.01.18 [مكة]
الاصمعي صادق البلد الامن فيها مفقود وانا من واقع تجربة زرت البلد للأستقدام وورطت مع اصحاب المكاتب هناك واعرف شخص سعودي كان ساكن قدامي الشرطة عملوا له كمين مع الخدامة وجلس اسبوعين هناك فى الشرطة وبعد جهود السفارة والمحامي طلع بعد ان دفع غرامة 400 الف بيسو لذلك نصيحتي لك ان عقدت العزم البلد لا يوجد فيها قانون والفساد والرشاوي مستشرى بالاجهزة الحكومية الحذر عند صرف اموالك البلد فقير جدا والجرائم فيها بكثرة ولا تنخدع باصحاب المكاتب الوهمية هناك واحذر من العرب وان كانت لغتك الاتجلزية غير جيدة انصجك تراجع نفسك لأنك لن تستطيع تتواصل معهم الا ياللغة الانجليزية
4.
17:56:49 2013.01.18 [مكة]
WISEMAN الله المستعان ورطت بين مغامرة السفر وجشع المكاتب أشكر مرورك وردك الكريم
5.
23:34:05 2013.01.19 [مكة]
طيب ياأخوان وش الحل ؟ المكاتب عندنا هنا تآخذ للأستقدام مابين أربعة الى ستة آلآف ويستقدمون لك ناس ماتتقن مهنها ويحتاجون وقت حتى يتقنون مهمنهم ولما يصيرون فنيين جيدين وهو يشتغل عندك يدوّرون شغل بمكان ثاني براتب أعلى ويروح تعبك ببلاش وعلشان نسافر لبلد الأمان فيه معدوم تعتبر مغامرة والدنيا هااليومين واللي يصير فيها يخوّف طيب برأيكم وش الحل ؟
6.
06:14:12 2013.01.20 [مكة]
الحل يابو شباب شوف لك فلبيني في السعودية وهم كثار فنيين على مستوى عالي تكلم معة وقول لة ابقي فني وسائق اي كان مهنة طبعا هذا ارخص لك ووفر لك اذا اتفقت معة خل يرسل صورة جواز السفر وروح انت اعمل عقد في السفارة الفلبينية في الرياض وخذ مظروف ورسلة مع بريد ممتاز فلبين علي عنوان فني وهو بدورة يخلص عمرة وبكذا انتهى موضوع وفترة شهر يكون الفني عندك انا اشوف اسلم حل لامغامرات ولا نصب وتروح هناك ماتعرف ايش تصلح هذي الي اشوفة انسب لموضوعك ونت لك الخيار
7.
06:18:34 2013.01.20 [مكة]
انت من الطائف في فنصلية في جدة وكمان تقدر تستقدمة بدون عقد عمل بس هذي قصة يمكن يرفض العامل الي بدون عقد عمل بس وكالة بااسم مكتب في مانيلا واغلب مكاتب يشتغل بدون وكالة تاشيرة وصورة بطاقتك يعني كلو ماشي فقط روتين
8.
13:33:52 2013.01.20 [مكة]
مشكووووور ياالأصمعي نعم انا من الطائف وجدة أقرب لنا ببدأ أدوّر فلبيني وفكرتك حلوة وبدون سفر الله يعطيك العافية
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!