احد يعرف محل لصيانة سير الجري فالرياض

السلام عليكم

عندي سير جري يشتغل الكهرب ولكن السير مايعطي اي استجابه وديته لمحل اسمه الفريدي

ويقول يحتاج عمود او شي من القبيل هذا مع العلم ان السير ماجاه شي او استخدام يستاهل انه يخرج

وقالوا بيصلحونه ب 450 وانا مع العامل ووصل السعر الى 350 ريال

وش رايكم هل فيه محل تنصحوني اوديه له ثاني وسعره معقول ؟؟؟

كل الردود: 5
1.
16:48:17 2013.01.14 [مكة]
السعر جدا غالي لا تصلحه عندهم انصحك تفك القطعه الخربانه بنفسك وتشوف كم سعرها وترا التركيب سهل جدا عندك شارع الستين في الملز محلات الرياضه هناك كثير وفيه محل خاص لتصليح الاجهزه الرياضيه واسعاره معقوله بس ما هو على نفس الشارع هذا وصفه مع اني من زمان ما جيته لاكن ركز معي في الوصف اشارة تقاطع جرير مع الستين تكون متجه جنوب كأنك رايح لملعب الملز يجيك على اليمين محل الجاسر للرياضه بعده ثاني دخله او ثالث دخله يمين يجيك المحل على يدك اليمين جوا الحاره
2.
16:51:04 2013.01.14 [مكة]
تأكد لا يكون الخراب بس من السير الى زي سير السياره تراه مايكلف 50 ريال مع شغل اليد
3.
00:32:28 2013.01.15 [مكة]
اذا انت بشرق الرياض سوق حجاب شارع الاربعين حول بروست الافندي هناك محل تصليح
4.
15:47:25 2013.01.15 [مكة]
والله اتوقع ان مشكلته بسيطه لان السير شبه جديد ولاجاه استخدام يستاهل انه يخرب غير كذا هو من النوع الثقيل اللي اتوقع ان نوعيته جيده ولكن عيبه شيلته صعبه بمر المحل اللي في الملز وبشوف وش يقول لي شاكر تعاونك اخوي بحار وابوفصيل1
5.
17:01:32 2013.11.09 [مكة]
السلام عليكم أخي الكريم أنا لدي خبرة في إصلاح الأجهزة الرياضية و مستعد أشوف جهازك وش المشكلة .إذا كان الجهاز مازال موجود و لكن المشكلة إن قطع غيارة غالية شوية مع إحترامي للأخ إلي يقول 50ريال ..لأن النقل فقط يكلف 100ريال غير العطلة و خلافة ممكن تكلمني أجيك أشوف الجهاز وما راح نختلف (100) كشف و زيارة والاصلاح قطع الغيار عليك بما يرضي الله.. أخوك / حسام ..شرق الرياض
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!