اين اجد كبدة طازجة بالرياض (دلوني يا ذووويقه )

السلام عليكم

يا شباب تعرفون ان الماكولات الساخنة والمشروبات كذلك بالشتاء هي من اشهى الاطعمة الصباحية

فان كنت موظفا وتريد ان تبدا يومك باكلة هنية فالكبدة الطازجة هي اختيار موفق

لكن اين نجد الكبدة الطازجة بالرياض فاريد من العارفين بتلك المحلات يذكرون اماكن تواجدها شرق الرياض ووسطه وجنوبه وشماله

ان امكن ذلك لاني اسلك تلك الطرق بشكل يومي

كل الردود: 19

عرض:
1.
عضو قديم رقم 227898
15:36:25 2013.01.11 [مكة]
عتدك كبدة العتيبي بجانب ملحمة الهلال بشرق الرياض الروضه مقابل المرور , كبده طازه وطعمه
2.
15:48:38 2013.01.11 [مكة]
اترك العتيبي..معروف اللي بجنب ملحمة الهلال..لاطازج ولا شغل مزبوط..كله ضحك بضحك تبي كبده صح...انصحك بمطعم العاذريه طريق الملك عبدالله بعد تقاطع خالد بن الوليد وانت متجه شرق..لكن لازم تكون عندهم بعد صلاة الفجر مباشره..الساعه 7 لن تجد شيئا...
3.
عضو قديم رقم 91048
15:51:54 2013.01.11 [مكة]
انصحك انت تروح الصناعيه القديمه شارع الربعين بعد جزاز السالم في هناك مطاعم مندي عندهم كبده بلدي طازج او مطعم قمه الخير تخصص كبده فقط هذي الكبده تبعه http://www.youtube.com/watch?v=Al7RY9V9ok0 اغلب مطاعم الرياض ياخذون من الكبده الي موجوده في الملاحم في سوق العثيم البطحى مستورده وما تدري وش نوعها اما هذول والله بلدي لانه يعطيك مع القلب وراه
4.
16:02:03 2013.01.11 [مكة]
يا شباب مافيه اقرب من الروضة شرقا
5.
16:03:28 2013.01.11 [مكة]
طيب كيف تعرفون ان الكبدة طازجة هل به علامات عشان نعرفها
6.
عضو قديم رقم 300883
16:14:33 2013.01.11 [مكة]
فيه محل ممتاز جدااا جداا مقابل مدارس التربية النموذجيه ,, تخليها يسارك وتمشي بعد الاشارة يجيك عاليمين .. لوحته كبده حاشي كبدة غنم ممتاز جدا عن تجربه
7.
20:34:30 2013.01.11 [مكة]
حتى تكون بالصوره 90% من الكبده في المطاعم مستورده ولو اني احب الحاشي امام الافتاء لكن مستورده مر على المسلخ وخذ طازه ب25 ريال ني واعملها انت بنفسك 100% هذا اسلوبي دااائم او مر على مطعم الرومانسيه وحاول تجيبها منهم كبدة تيوس ممتازه
8.
عضو قديم رقم 301723
20:49:17 2013.01.11 [مكة]
يا اخي انا مع كلام ابو فيصل2 اتبع الرد
9.
20:53:39 2013.01.11 [مكة]
اذا تبي تاكل كبده طازه ابحث اولا عن منطقه فيها جزارين كثير . تلاقي مطعم بالقرب منهم يبيع كبده ويقولك من يون جايبها . واتوقع اقرب للواقع تكون طازه
10.
عضو قديم رقم 257611
21:31:20 2013.01.11 [مكة]
3 محلات بترتيب عندي 1- كبدة ابو شنب ( اسم المحل ماهوب عياره ) قريب للجوازت بالرياض 2- العاذرية 3-محل كبدة على الغافقي من مخرج 11 بجنب فطيرتي اللذيذة محل تركي يزبطها
11.
21:44:38 2013.01.11 [مكة]
انا اتحدى اهل الرياض كلهم احسن كبده طازجه وشغل نظيف وناس امينه لان المطعم اغلب رواده ابو يمن فمستحيل يغشهم مطعم الحديث بحي البطحاء الوصف وانت متجه لشارع البطحاء من الشمال للجنوب يجيك اول كبري في البطحاء تعال من تحته واعمل دوران من تحته وكانك راجع ثاني للشمال يجيك اول فتحه يمين تقابلك ادخل معها وتمشي يمكن خمسين متر يجيك اتجاهين واحد يمين وواحد يسار يوديك شارع الغرابي اتجه يمين يجيك المطعم بالزاويه يمين بجواره بنك
12.
عضو قديم رقم 113340
22:09:33 2013.01.11 [مكة]
انتبهوا يا شباب انا قاطعت محلات الكبده خصوصا اللي في الصوره اعلاه مره دخلت اخر الليل احد المحلات حق الكبده اللي عند كبري الخليج طبعا كل الشباب يعرفون تلك المحلات هم يمكن ثلاثة محلات المهم لقيتهم يشطبون والعامل ينظف المحمس حق الكبده شفته مصدي اعوذ بالله لانك تدخل عليه اثناء العمل وتشوف المقلى مليان كبده وطماط بس يوم شفته ينظف فيه ويشطفه خلاص شطبت عليهم . صرت اخذ من مطابخ المندي اللي في الصناعيه لانه طازج من ذبح الذبيحه مباشره بس مشكلتهم ما يعطونك اكثر من وحده يعني لف كل مطبخ عشان تاخذ اكثر من كبده. اما صدا حديد وكبده اعوذ بالله انتبهوا امراض
13.
01:45:22 2013.01.12 [مكة]
أطعم أطعم أطعم كبده مرت علي في الأحساء مطعم صاجين في البندريه يدهن الخبز بالجبن السايل ويقطع مع الكبده فلفل حار والكبده مقطعه كنها اعواد اسنان رفيعه جدا ومادري ايش بهاراتهم بس اللي ماأكل منها فتراه ماعمره أكل كبده.............!!!! أدري انه خارج التغطيه بس الشيئ بالشيئ يذكر
14.
23:13:17 2013.06.27 [مكة]
ماذقت بحياتي كبده زي كبدة المعلمي في جده كبده جملي خيااااااااال خيااااااااال
15.
23:35:49 2013.06.27 [مكة]
سعودابوفهد جرب ابو احمد الصبحي عن دوار الطيارة سابقاً ... وراح تدعي لي ... خذلك تقاطيع ولحمة راس :)
16.
10:16:34 2013.06.28 [مكة]
السلام عليكم جبت لكم خبر محل كبده في الرياض احسن من المعلمي في جده في شارع العليا العام ، عند إشارة العلياء العام مع طريق خريص او مكه ، ب اتجاه الجنوب رح طوالي بعدها اشاره سو يوتيرن واتجه شمال وامشي شوي بيكون على يمينك بجنب مطعم فطائر شاميه بعده مباشره ، أتراك ، بس كبده جمل طاااااااااااااازه رااااااااااائعه راااااااااااااااااااااااااااااااااااااااااااااائعه خياااااااااااااااااااااااااااااااااااااااااال خياااااااااااااااااااااااااااااااااااااااااال جربوها واطلبها نص استوا وبالعافيه
17.
12:40:19 2013.06.28 [مكة]
أنا اسمع الشباب يمدحون كبدة ابو شنب المشكلة ما اعرف وصفها اللي اعرفه انه بطريق الملك فهد ياليت الإخوان يعطونا الوصف
18.
14:41:32 2013.06.28 [مكة]
ما ظنيت تلقوا الطازة وووووين المندي او المطعم اللي ماتغلق عنده الكبدة من الفجر الى 10 الصباح ظنيت لو ذابح 100 ذبيحة بالعربي مافيه مثل مطاعم القرى والمحافظات الصغار ، فعلا طازة وكلها كم نفر وتنتهي
19.
14:43:47 2013.06.28 [مكة]
في حي الروضه مقابل مرور الروضه محل للكبده (( إذا مااكلت منه فأنت مااكلت كبده )) بإختصاااااااااااااااااار ورح له بدري تراه يفت من بعد صلاة الفجر الى الساعه 9.30 ويخلص كل اللي عنده ، ولا تنساني ن دعوه صالحه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!