كيف اشتكي على مستشفى اهلي وين اروح بضبط وكيف

مستشفى سليمان الحبيب غلطو بعملية فيني ويصرفوني يوم طالبت بتعديل العمليه على حسابهم قلت لهم ابشتكيكم وابشتكيهم بس كيف وعند مين بالله اللي يعرف يساعدني والله العظيم انهم مايستحووون وحسبي الله ع الدكتور الفلسطيني اللي لعب بتقرير الطبي.

كل الردود: 16

عرض:
1.
عضو قديم رقم 302372
04:10:11 2013.01.03 [مكة]
اختي روحي وزاره الصحه والله يعافيك من كل شر وانشاء الله يجي من يفيدك وياليت تكتبين الموضوع في المنتدى لانك كاتبه في عروض البيع والشراء وراح يفيدونك الاخوان
2.
عضو قديم رقم 319433
04:13:30 2013.01.03 [مكة]
أم يوسف قبل كل شئ قابلي الدكتور سليمان الحبيب وتكلمي معه تراه إنسان متفهم ويعطي الحق وإذا ما نفع بشي تقدمي بشكوى إلى لجنة الخطاء الطبية بوزارة الصحة بالتوفيق
3.
عضو قديم رقم 134993
09:11:39 2013.01.03 [مكة]
ممكن تقدمين شكوى الى الاداره القانونيه في الشئون الصحيه و لكن ممكن نعرف اسم السباك اللي سوا العمليه و ايضا تخصصه في اي نوع من السباكه عشان مانغلط و نروح له!!
4.
11:41:59 2013.01.03 [مكة]
قدمي شكوى رسميه مع التقرير الطبي الاداره القانونيه في الشئون الصحيه بس قبل كل شي مثل ما قال ابو ريما قابلي الدكتور سليمان الحبيب ونعم الانسان د. سليمان
5.
11:45:49 2013.01.03 [مكة]
اتركي عنك وزارة الصحة والكلام الفاضي :) عليك وعلى جريدة سبق ... :) واكتبي رسالة في الواتساب والايميلات وتويتر والفيس بوك وهشتقيهم في تويتر .. واطلبي دعم كبار معارضين الوزارات خخخخ ما يصدقوا يشوفوا جنازة ويشبعوا فيها لطم " معليش ع التشبييه " وحطي التقرير الطبي ووضحي كل شي ... واطلبي نشرها .. في كل مكان .. طبعاً بعدها بكم يوم ارسلي شكوى لوزارة الصحة مرفقة فيها التقارير بالتفاصيل مع صورة لخبرك في سبق .. صدقيني راح يهتموا الان ماصاروا يعطوا احد وجهه الا اذا حول القضية رائ عام .. للأسف
6.
11:53:11 2013.01.03 [مكة]
اول شئ يجب عمل تقرير طبي من الهيئة الطبية بوزارة الصحة تثبت الخطأ الطبي في العملية ثانيا يجب ان تكون لديك الاوراق او اي شئ من ملفك لدى المستشفى تثبت التشخيص قبل العملية وماعمل بعد العملية؟؟ بعد ذلك يتم توكيل محامي للمطالبة بالتعويض بسبب الضرر النفسي والجسمي وذلك بعد الخطأ الطبي التي تعرضتي له!!
7.
عضو قديم رقم 162038
13:44:10 2013.01.03 [مكة]
من جد الاعلام يشد الانظار الاعلام عليك به مع كامل الادله
8.
14:02:29 2013.01.03 [مكة]
تتقدمي بخطاب لوزير الكحة وهو بيحوله الى صحة الرياض اللي بالربوة واللي بالربوة بيكلفو محقق من الشئون القانونية يتابع معك ويروح للمستشفى ويسحب ملفك الطبي ويدرسه ويتفاوض معك على الصلح فاذا اصلحتو ورضيتي بالعوض المادي تنتهي الشكوى واذا ما رضيتي تتحول للجنة الطبية الشرعية ويبيلها تقريبا من ستة اشهر الى سنة وسالفة يعني وممكن تقعد في اللجنة الطبية سنتين وتحال على القضاء الشرعي طبعا اذا تاكدو انه خطاء طبي وبعدها مواعيد ومواعيد راحت سنين ويمكن يحكم لك بالعوض المطالب به والمستشفى يعترض وراحت سنين لكن في النهاية بيجيك حقك طبعا لو حبيت اعطيك رقم المحقق اللي تولى قضيتي اللي انتهت بعد 9 سنوات ماعندي مانع طبعاً ملاحظة أي شكوى ضد أي مستشفى خاص يوقف الترخيص حقهم ولا يجدد الا بعد انتهى الشكوى وبطريقتهم الحرامية يجددوه
9.
عضو قديم رقم 227898
17:16:54 2013.01.03 [مكة]
بالبدايه تأكدي هل لهذا المستشفى شريك من اهل البشوت اذا كانت الاجابه نعم فلاتتعبي نفسك وأطلبي العوض من الله
10.
17:37:54 2013.01.03 [مكة]
أختي الكريمة قدمي الشكوى لمدير الشئون الصحيحه في نفس المنطقة وبدوره يحولها إلى قسم المتابعة الفنية وسوف يتصلوا بالمشيتسفى ويطلب كامل التقارير والطبيب الذي قام بالعملية ويتم التحقيق في القضيه من لجنه متخصصة وبعدها أن ثبت خطاء طبي تحول إلى لجنه فيها أطباء مع قاضي بدوره يسمع منك ومن الطبيب ويقرر شرع الله إنشاء الله وتوكلي عل الله بإذن الله سيحكم بالحق،،،،،،، لكن تحتاج إلى وقت لايقل سته اشهر
11.
18:11:53 2013.01.03 [مكة]
الأعلام أو أدخلي على حساب برنامج الثامنة مع داؤود وأرسلي لهم وبنسبة لمقابلة الدكتور لا تقابلينه هو صاحب المستشفى كيف بيساعدك على نفسه !!
12.
23:40:52 2013.01.05 [مكة]
ربي يساعدكم ويسهل اموركم المعلقة ماقصرتوا اخواني.
13.
14:18:02 2013.09.05 [مكة]
اقسم بالله يا اخوان لم ارا مستشفى نصاب ويتاجر بصحة المريض مثل مستشفى الحبيب خصوصا الريان والله حرام وين وزاره الصحة يا اخوانا انا صار علي حادث واضطريت اسوي عملية في الريان وسويتها وبعد تسع ايام اتضح انه العملية فاشلة وخطأ دكتور ولما راجعت دكتور ثاني في مستشفاهم اخبرني بضروره اعاده نفس العملية طبعا التأمين رفض انه يدفع لانه خطأ طبي ومدير المستشفى السيد صالح التركي قال بالكلمة احنا حققنا ولم نجد خطأ من طبيبنا او مستشفانا واذا تبغا تشكينا عندك وزاره الصحة واذا ما تعرف عنوانهم انا اعطيك اياه والله قمة الاستهتار وتم تحميلي فيمة العملية الثانية كاملة ورفض المستشفى اعطائي اي نتيجة مكتوبه بنتيجه تحقيقهم من جد مهزلة
14.
عضو قديم رقم 213166
01:10:39 2013.09.06 [مكة]
إلشكؤئ لغير الله مذله تشتكين على الربيعه أبو اي باد. ومن المعروف أن مستشفى الحبيب مقبره من دخله ماطلع منه.
15.
23:55:57 2013.09.12 [مكة]
حدث معى نفس الشئ قبل ثلاث اسابيع مشكلة معهم وخطا تشخيص زايدة برغم مراجعة الطواري اربع مرات وعيادة باطنية ولا احد اكتشفها الا بعد انفجرت واللى عقد الموضوع ان الاهل كانت حامل مما اظطر تدخل جراحة بسبب هالخطاء الشاهد بالموضوع انة اتصلت على الدكتور سليمان الطويان مدير المستشفيات كلها بالحبيب بصراحة الرجل قمة بالاخلاق وشرحت له الوضع وايضاء الدكتور محمد العمرو المدير الطبي اللى فعلن تحملنى في كل لحظات انفلات او انهار اعصابي قوم فريق وطاقم طبي لخدمتنا وجناح بخادمة لمدة اسبوعين كاملة واحضار دكتور متخصص بالعمليه من خارج المستشفي ..ناهيك على البنات السعوديات وعلى راسهم الاخت ريم او ريما ناسي اسمها كانت بجانب اهلي طوال فتره الاقامة ...قمة بالاخلاق والاحترام هى وزميلاتها..ولمعلومية رقم جوال الدكتور سليمان الطويان لو طلبت من السنترال يحولنك عليه يحولنك ويرد عليك ورقم جواله تلاقيه محطوط في كل غرف التنويم بالمستشفي ...الحبيب هو افضل الموجود لكن يعيبه ان تشعب بالعيادات كثير والمجالات وصار الاطباء يقابلون بازدحام شديد فصار الاطباء يبي يمشي وبس طبعا اذا ما طلعت بحل مع الدكتور سليمان الطويان وبرغم انة متاكد الرجل راح يكون متساعد ويحل الموضوع لكن في حالة مافاد عليك بوزارة الصحة
16.
01:07:50 2014.08.16 [مكة]
اخوي ممكن رقم دكتور سليمان الطويان لو تكرمت
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!