شقة جديدة كيف يتم تنظيفها

السلام عليكم ورحمة الله وبركاته

اخواني ولله الحمد انتهيت من ترتيب الشقة اللي هي في بيت الوالدة الله يطول بعمرها

طبعا انا اخذت جزء من البيت وبما ان الشقة خلصت بنقل غرفتي الخاصة لداخل الشقة حاليا

طبعا تعرفون بعد اعمال الديكور والصبغ والسباكه والكهرباء لازم فيها اوساخ
المشكلة بالحمامات تحتاج تنظيف جامد

السؤال وش رايكم اجيب عمال من برى واجيب لهم منظفات ويقومون بالواجب ؟
ولا اتفق مع الشركة والشركات غاليه وانا افكر اخليها وقت الزواج ان شاء الله

لو جبت عمالة وش هي نوعية المنظفات اللي تشيل اثار الجبس وبقع التوريبات وبنفس الوقت ماتكون قوية تأثر على الأرضية

ايضا موقعي الأحساء للي يعرف عماله كويسه وسعرها مناسب تنظف وماتخرب بمواد قويه

كل الردود: 5
1.
20:55:36 2012.12.31 [مكة]
في منظف اسمه ديكسن تجده في ساكو جالون لونه أخضر سعته 4 لتر سعره 30 ريال تقريبا انتبه لازم يكون العامل لابس كفوف
2.
00:36:02 2013.01.02 [مكة]
الله يعطيكم العافيه ياليت معلومات اكثر
3.
02:21:39 2013.01.02 [مكة]
اذا الوضع المادي زين افضل شركات وتريح بالك وبخبرتهم ينظفونه لك مثل الجديد واذا تبي توفر جرب الديكسن واقرا التعليمات اللي خلف العبوه تلقاه في محلات السباكه ومواد البناء وخذ لك ورقتين صنفره متوسط الخشونه وسكين ومكنسه خشنه وافرك واللي مايروح بالسكين او ورق الصنفره والديكسن خله ينقع على الارضيه اللي بتشتغل فيها خمس دقايق قبل وبالتوفيق
4.
04:05:57 2013.01.02 [مكة]
وعليكم السلام ورحمة الله وبركاته اخوي جيب عاملين او ثلاثه وجيب الديكسن اللي نصحوا فيه الاخوه وكون مشرف على العمال لا تنسى تنظف الدرايش هذي جدا مهمه بعد اعمال الدهان اقرأ التعليمات على المنظف بحيث انه مايضر العمال او.يستخدموه بشكل خاطئ ويعدموا لك الدهان والارضيات حاول يكون العمل من الصباح حتى يبارك لك رب العالمين بالوقت وبالتوفيق ان شاءالله
5.
01:11:06 2013.01.03 [مكة]
الله يعطيكم العافية
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!