استفسار عن شركة world royal ship لنقل السيارات من الخارج

انتبه بس لايلعبون عليك لاتحول لاحد شي

مافيه شي اسمه يشحن لك السيارة تفحصها واذا عجبتك تكمل المبلغ هههههه !

ما اخفيك ياغالي قد سمعت بعملية نصب قبل كذا بنفس الطريقة ..
يقولوا للبايع تجيك السيارة ادفع دفعة وافحصها اذا ناسبتك كمل المبلغ

انتبه انتبه انتبه

اتعامل مع مكتب رسمي في السعودية احسن

كيف ينقل السياره بسمك البائع يجهز الاوراق من المرور لتصدير ثم انت تسلم السياره مع الاوراق شركة الشحن بعد استلام شركة الشحن لسياره يعطونك استمارتها الاصليه ثم تعطيك شركة الشحن استلام بسياره ويخيرونك تدفع قيمة الشحن او في بلدك بعده تسافر انت البلدك وبعد 10ايام تقريبنا ترسلك شركة الشحن بلبريد البوليصه التي فيها اسمك او يستلمه المخلص مع السياره من شركة الشحن في مينا بلدك او ترسل الاستماره والبوليصه مع شركة الشحن

لاكن انتبه من النصب كلامك هذا تدفع بعض قيمة السياره والباقي بعدين وفيها ويخيرونك انك تتخلا عنها فيه علاماة نصب واضحه

من ناحية انتبه ف أنا منتبه لاتوصي حريص , ما راح ادفع ريال الا اذا سلمني السيارة منقولة باسمي ,
لكن الشركة هذي اول مرة اسمع فيها وبحثت عنها في النت ما حصلت احد جربها لا داخليا ولا خارجيا
وفروعها في اوروبا فقط !
والسيارة اللي انا مشتريها راح تجي من ابوظبي !
ارسلت لغرفة التجارة والصناعة في ابوظبي والى الآن ما ردوا علي
مدري كيف بينقلونها من الامارات الى السعودية وهم مالهم فروع !
وصاحب السيارة مو في الامارات !

وبحثت عن الموقع حصلت مدته سنة من تأسيسه عن طريق بيق دادي

وفوق هذا كله قالو لي السيارة راح توصل لك بتاريخ 20 فبراير ! < يعني صاملين العيال


قلت يمكن احد يفيدنا , وعموما انا بسوي مثل ما قالوا " امشي ورى الكذاب لباب بيته "

نصاااابين

احذر

نفس الطريقة عرضت لي لشراء يخت

ادفع نصف القيمة ومن ثم نشحن لك وافحصه واذا ما عجبك نرجع لك كامل المبلغ


لكن بالأخير كنسلت العملية كلها لأني ما ارتحت لشغلهم

شوف الخااااص اخوي ...

نصابين نمرة واستمارة...يستغلون سذاجة الناس وطيبتهم.

أكبر حرامية !!...انحش لا يحوشك !!

انا اكتشفت انه نصاب وهذي طريقة نصب منتشرة بكثرة الاسبوع هذا وعلى أكثر من نوع من السيارات
انا ارسلت له من ايميل ثاني ورد علي ان السيارة موجودة وهو قال لي في ايميلي الاول انه ارسلها لي !!

لذلك انتبهو يا أخوان والله يكفينا شرهم ويرزقنا من فضله سبحانه

انتبهو من هذه الشركه ،، موقعها ماله اكم شهر مسجل اصلا يعني الشركه كلها نصبه