أبي لي سيارة رَزِّة في حدود 140 ألف

عسى مبروك ماعندك من مال
ياليت تشوف لكزس 460 تزيد المبلغ شوي وتريح بالك
ويعطيك خيره ويكفيك شره موديل 2007 الدفعه الثانيه

مايحتاج حاط صورتها أنت ..
لكزس اذا انت داخل مدينة وخطوط
أو
تاهو اذا أنت راعي بر وعائلة كبيره

اشور عليك تشارجر فل كامل وفيه واحد ناوي البيع بس يبي لك تزود حدود 45 الف

أفالون ليميتد

عطاك اياها ابوحسام

افلون ليميتد
عن تجربه الموتر يستاهل
2012 فل الفل سعره 138 تقريبا
بس يقولون انه ارتفع سعره ومادري وش السبب اذا كان مرتفع

الموتر راحه ورساوه وينفع للخط ولو تبي عزم ماشاء الله طيارة فالارض

اسمع مني فك الموتر وكاله ازين من انك تاخذ مستعمل ماتدري وش فيه ووش مافيه

اضمن الموتر وبالتوفيق .

460 2007 او 2008
امريكي اسعاره بهالحدود

بلا افلون بلاملحجه 460 و ترزز

طيب احترم رأي الناس واكتب الفاظ قد عمرك . مو الفاظ اطفال ^

التويوتا إبتعد عنها بجميع فئاتها لاتقربها
أرشح لك الكلايسلر أو التشارجر فخامة وراحة

خذ لك مرسديس بانوراما 2006-2007

.
بانوراما
اسود او ابيض فقط
ب سقف زجاج

الله يبارك لك فيها

عليك بالجديد او اخوه

الجينسس 2012

والقلب داعيلك

كرايسلر C300 مكينه V8 يبدأ سعرها من 167 الف


اضغط على نفسك وتوكل على الله ....

موديلات 2005 الى الان ماشاء الله تبارك الله بالشارع وماتشكي من شي

اسمع النصيحه اشترى اي لكزس ببلاش دام معاك 140 الف
شوف وش قلت اركب اي سياره ببلاش
الدين النصيحه لا تقول كيف اذا عزمت ارسل لي رساله خاص

لكزس460.....او مرسيدس فئةE

.....او مرسيدس فئةE

من افضل السيارات الفخمة المتوسطة نصيحة من مجرب

لكزس 460 وتوكل على الله

اذا ماعندك غير هال 140 الف

لا تشتري لك سياره رزه وماتقدر تصينها

خذلك ب80 الف سياره وكاله والباقي دور لك ارض للمستقبل بلا رزه بلا مزه

صدقني لو يجيك ورع يمخش لك الباب بمسمار تجلس في قهر كل ماتشوفها هههههههه

نصيحه واذا ماعجبتك ارمها بسلة المحذوفات

مثل ماقال لك اخوي نبض انسان
وعندك ياحبيبي ملك الطريق والفخامه
BMW
بحدود ال80 موديل 2007 النظيييفه
ان بغيت فخامه وان بغيت خط وان بغيت بلد وان بغيت امان بعد الله وكل هالمواصفات تلقاها فيها
والباقي ارض اذا انت ماتملك ارض او بيت ملك والملك لله

هذا شوري والله يبارك لك فيها مقدماً ويعطيك خيرها ويكفيك شرها.