اللي عنده خبره بالشيكات وكيفية الشكوى ضد الخصم

اخي الفاضل
ماتقدر تشتكيه الا اذا حل موعد الشيك
اذ حل موعد الشيك ورحت تصرفه وطلع مافيه رصيد اطلب خطاب اعتراض من البنك وروح على الشرطه وربي يسحبونه من اذنه على طول وماراح يطول معك الموضوع
اما اذا كان التوقيع غير مطابق ومافيه رصيد هذه مصيبه اخرى عليه

اخوي الانجاز ..

انا عارف ما اقدر اشتكيه الا اذا حل تاريخ الشيك ، ابي بالنسبه للتوقيع هل فيه اجراء الحين اقدر اسويه لان على ما سمعت مو متاكد ان التوقيع سالفته طويله يعني فيها محكمه وجلسات طويله وبعدها شرطه واتصالات يعني السالفه مطوووله ما ادري صحيح الكلام هذا !!!!

برضه ماتقدر الا اذا حل موعد الشيك لانه قبل موعد الشيك ماتقدر تتخد اي اجراء

الافضل قبل تشتكي تحاول مع احد من اهله ابوه اخوانه مديره بالعمل وتبلغهم ان مادفع لك بتقدم شكوى عليه واذا ماطلعت بنتيجه ترى درب المحاكم طويل وحقك مو مضمون تاخذه بسهوله ... حاول بالحل الاول لعل الله يسهل امورك وماتحتاج شكوى ..

الشيك يعتبر حل من يوم استلمته لايهم التاريخ روح خذ اعترض عليه واشتكه في الشرطه

اقول رح للبنك علطول وشف يقول اذا مافيه رصيد قل عطوني اعتراض على التوقيع والرصيد مع بعض وقدمه على الشرطه تاريخ ماتاريخ ماعليك منه انت لوسألوك الشرطه قل ماكنت منتبه للتاريخ

احسب انه بيوم تحرير الشيك وبالله شف وين مكان التحرير تراه اذا كان في مدينه اخرى الله يعينك اواذا كان فاضي اكتبه بنفس مدينتك وبنفس القلم واخط واذا رحت للشرطه قل لهم ان التحرير
في المكان اللي انت فيه لان اقرب مركز شرطه لمكان تحرير الشيك هم اللي بيقبلوك ويتعاملو

معك واذا كنت تعرف مكان الرجال فا هذا افضل بكثير وتراه عن تجربه مني ولو ماحصلت الرجال راح يحولونها لهيئة التحقيق ويصدر عليه امر قبض وايقاف الخدمات.

الشيك واجب الدفع فور تحريره . (قاعده) ولئكن تم تقييد هذا الشرط إذا كان الشيك مؤجل او مرتبط بعقد.
ولا يعطيك البنك اعتراض على الشيك مالم يحين تاريخه . ولاتستطيع ان تشتكي لئن الاصل في الدعوى مبني على الاعتراض الصادر من البنك .
ولا تشيل هم اختلاف التوقيع مالم يكن الشيك موقوف لدى البنك .
ولئكن تستطيع رفع دعوى عن طريق هيئة المنازعات . في التجاره لختلاف التوقيع ونحوه .
والعلم عند علام الغيوب ...

اخواني
من واقع عملي
ماتقدر تشتكيه الا يوم تحرير الشيك ولو رحت اشتكيته قبل تحرير الشيك بيوم ماتستفيد

تاخد اعتراض من البنك يوم تحرير الشيك وعلى طول الشرطه يتصلون عليه ويجيبونه ويجرونه من اذنه وعلى طول توقيف وتحوبل ادعاء عام
اما حكايه اني ماانتبهت ومن هذا الكلام حيقلوله لما يجي يوم تحرير الشيك تعال اشتكي وجيب الاعتراض اصلا البنك مايعطيه اعتراض الا يوم تحرير الشيك

اللي اقدر اقوله (لاتشيل هم التوقيع)
التوقيع مسؤولية صاحب الشيك مو مسؤوليتك
وتعمد تغيير التوقيع يعد جريمة بحد ذاته
لا تخاف أبد
اذا جاء وقت الشيك ولك حيل راجع
ما لك حيل شوف لك محامي وهي يدبرك
العملية سهلة والمحامين يدورون على قضايا سهلة زي كذا
وقضايا الشيكات ما فيها يا امه ارحميني :)

اخي الكريم خذالعلم من خبرةوتجربة


الشيك ورقةأداء وليس ضمان بمعنى بمجرد استلام الشيك تستطيع صرفه ولوكان التاريخ بعدسنة

اذهب بالشيك للبنك وقل له اريدصرف الشيك فاذا صرفه فالحمدلله أو قل له اعمل لي عتراض على الشيك وخذ الاعتراض وعلى أقرب مركزشرطة وريناييسرلك حقك --- واصبراحياناالشغلة تطول حسب الضابط اللي وقعت عنده---

الشيك كضمان اخذته مشكله عليك وعلى محرر الشيك انتبه

الشيك مايحرر الامقابله فعلا رصيد اما ضمان اقساط او غيره فتتعرض انت والمحرر للعقوبه

من واقع خبره ويفيدونك اكثر وزارة التجارة او هئية الأدعاء العام احذر قبل ماتقدم الشيك وسلامتك

رد8 ورد 9

يجب تكون الاجابه بعد التجربه انا تجربتي لها شهرين او اقل.

ردي السابق هو ماحصل لي.

البنك ماله علاقه بالتاريخ اهم شي التحرير موجود ولا اكتبه بنفسك اللي هو المدينة التي حرر بها الشيك لان الشرطه ماتقبل الشيك الا الذي هو في نفس مدينتها يعني الشيك محرر بمكه لازم تراجع شرطة مكه وهكذا .

التاريخ فعلاً ماله علاقة.
رح البنك وقدم اعتراض

طبعاً من شروط الشيكات ( عدم التحايل سواء بالتوقيع او الرصيد او اي اضافه تعيق صرفه )
يعني رح اشتك وتوكل على الله
بس لاتقول اقساط واني اخذ الشيك كضمان مؤجل لانه ممنوع كذا
قل بايع سياره وهذا شيكه

طبعاً اذا اشتكيته بشيك واحد بيركض ويسدد الشيك الثاني

حسبنا الله ونعم الوكيل ، كيف ينام الليل وياكل ويشرب من عليه حقوق عند الاخرين . ربي اجعلني مظلوماً لا ظالماً

ترا البنك ماله علاقه بشي علطول يعطيك اعتراض لكن في مسأله ان صاحبك مشتكي بان

شيكاته ضايعه هذي مادري كيف اجرائاته لكن استعجل وطلع اعتراض عليهن كلهن وبعدين فكر بموضوعك

هذا كأول خطوه واصلا لو قطعت الاعتراض ماحد سائلك عنه ولاحد داري عنه حتى صاحب الشيك

الا اذا رحت للشرطه هم بيتصلون عليه ولو ماجاء ترفع للتحقيق لكن بادر بالاعتراض اولا.

شكرا شكرا شكرا شكرا شكرا شكرا على تفاعلكم والله يكثر من امثااااااالكم
الحقيقه الرجال ما عنده استعداد يتعاون معي مرررره كل يوم تصريفه ما خلى احد من اهله عايش كل يوم يقول توفى فلان وإلا انا مسوي حادث والا فلان قطعو رجله وخذ اعذااااار الله يرفع عن الجميع مثل امثاله .

المهم اللي صار الحين اني فتحت قوقل على صفحة مشاكل الشيكات ومن ضمن شروط الشكاوي ان لا اتقدم بالشكوى الا اذا حل تاريخ الشيك وإلا سوف يغرم المدعي مبلغ وقدره لعدم حلول التارخ !!!

اخوي جبال شامخه ....

بالنسبه للكلامك اني اخذ اعتراض على ان حسابه ما فيه رصيد لما رحت للبنك قالي موظف البنك اني ما اقدر ادخل على رصيده ما دام التوقيع مو مطابق ؟؟؟؟؟

اخوي جبال شامخه ....

بالنسبه للكلامك اني اخذ اعتراض على ان حسابه ما فيه رصيد لما رحت للبنك قالي موظف البنك اني ما اقدر ادخل على رصيده ما دام التوقيع مو مطابق ؟؟؟؟؟
على فكره ترى الشيك مدون فيه الرياض ...

اكلمك من واقع عملي وخبرتي

رح اشتكه اليوم ,مب لازم يحل وقت الشيك لأن زي ماأفادوك الاخوان الشيك ورقة صرف فورية وليست أداة ضمان بل الضمان له امور اخرى كالكمبيالة وغيرها..

وبالنسبة لمسألة التوقيع لاتشيل همها دام انه هو الي موقع..لأن فيه اجراء وهو اسمه الاستكتاب وهي مقارنة توقيعه بين الشيكات من قبل اخصائي الخطوط لدى الأدلة الجنائية واثبات انه هو من وقع أم لا..وللمعلومية لكل شخص في العالم بصمة وطريقة في الكتابة مختلفة عن الاخر ولا يمكن ان تتطابق الا في حالات اندر من النادرة..

اذا تبي سؤال معين أو استفسار نظامي وتبي مستنده راسلني على الخاص..

والله انا تهت يا جماعة الخير ....
فيه ناس تقول اشتك وفيه من هو معارض وفيه من هو يقول راح تتغرم على اساس اني استلمت الشيك بدون رصيد