رحت ازور واحد من الجماعة منوم مسوي عملية زايدة في مدينة الامير سلطان الطبية العسكرية في الرياض المهم كان في نفس غرفة قريبنا واحد من اهل محافظة رنية منوم ومصاب برصاصة في النخاع الشوكي وسبب رميه برصاصة هو انه راح هو وابوه يحطبون (يجمعون حطب) من قرية بعيد عن قريتهم شافوهم اهل القرية وهم جايين في ديرتهم يحطبون ورموه برشاش اعتراضا منهم على جيتهم لديرتهم واخذهم للحطب بدون اذنهم ،، والطلقات استقرت في النخاع الشوكي والخوف لايصيبه شلل،،مانقول الا الله ىقومه بالسلامة. الشاهد في القصة : ان الارض ارض الله كل شوي ناس تترامي عشان الحطب ..وش جابك في ديرتنا ومدري ايش رجعنا للجاهلية الاولى الله لايبلانا