السلام عليكم
يااخوان الشكوى لله .. انا عندي قولون و يعلم الله انه ذبحني ومايخليني افطر زين يعني بس اشرب ماء واكل حبتين تمره واجلس اتسدح خمس الى ثلث ساعه وصار هالشيء بشكل يومي واحيان صلاة المغرب اصليها بالبيت
هالحبوب كنت استخدمها زمان و تنقطع علي بين فتره وفتره لانها غير موجوده بالصيدليات السعوديه والعلاج هذا شركه مصريه وكانوا بعض الزملاء لمن يسافرون مصر اوصيهم
ويجيبون كميه ومايصفى لي الا علبه والا علبتين يتخاطفونه اقاربهم ( احنا يالسعوديين فينا لقافه ) البعض يسمع انه علاج باطنيه وقولون على طول يستخدمه وبصراحه تقرأ الروشته حقته ترتاح نفسياً << ماعلينا
وكان يجيبه مصري صيدلاني بعدين سافر ومالقيت احد يوفره لي ..
شفت موضوع عن عياده في الكويت ومقطع فديو باليوتيوب عن طريقة علاج القولون وجيتكم اعصر بطني مثل مايسوي
والحين والله انه زاد عن اول بكثيرررررر يعني الالم ملازمني على طول
الحبوب هذي ارتحت لها و احس ان الامور تتحسن
فياليت اي واحد يستخدمها او يقدر يوفرها لي لا يحرم نفسه الاجر و راح اخذها بحقها .. علماً ان سعرها بمصر لا يتعدى 5 ريال .. ومو مشكله يتكسب بس بالشيء المعقول لاني باخذ كميه
والله في عون العبد مادام العبد في عون اخيه .. وجعل الشر مايجيكم
انصحك اخوي تاخذ ملعقة زيت زيتون يوميا قبل الفطور سواء في رمضان او غيره
وبعد العشاء وما تشوف شر ان شاء الله ...
لك رسالة على الخاص
الله يشفيك ويعافيك ومرضى المسلمين
الله يشفيك ويشفي جميع المسلمين
فية موقع لدكتور جمال المقدسي عيادتة في دبي راح تدعيلي
اسأل الله ان يشفيك شفاء لا يغادر سقما انت وجميع مرضى المسلمين آ ميييييييين
هلا اخوي لدي 6 علب شريتها لواحد طلبها مني من مصر ولم أستطع أن أتواصل معه
موجوده تنتهي في 2013 وتراها هديه
انا من جده
وراسلني للتواصل
شكرا للجميع
أسأل الله العظيم رب العرش العظيم أن يشفيك وجميع مرضى المسلمين
الأخ أبوسراج بارك الله فيك وجعلها في موازين حسناتك
اوصيك بالعسل على الريق اول ما تصحى من النوم لمدة شهر
ولا تاكل بعده شي لمدة ساعتين
ولد عمي كان عنده هالمرض القولون
والله انه يطيح على الارض ولا نقدر نشيله ونحطه على السرير اذا اشتد عليه المرض
ووصفه واحد بالعسل عسل سدر والحمد لله من بعدها له الان اكثر من 10 سنوات نسي والحمد لله هالمرض وصار ياكل من كل شي حار او بارد
فأوصيك بالعسل جرب وان شاء الله ما تندم لكن ايام الفطر
واسأل الله ان يشفيك ويعافيك
اخوي الكريم الادوية ماتزيدك الا رهقا وتتعبلك اجهة ثانية بجسمك اللبراكس مهدئ ومخدر بس لاتاخذها بمعناها الكبير يعني يقوم بعملية تهدئة الاعصاب ويرخيك علشان كذا يخفف من تشنج القولون
خذها نصيحه من اخيك اترك عنك ليبراكس وغيره وتوكل على الله وانسى الموضوع كامل وتعايش مع الشئ اللي انت تعاني منه لانه مافي شئ بالطب اسمه علاج للقولون والشافي الله سبحانه لكن تعايش وانسى القصة كاملة ولاتعيرها اهتمامك وتكبرها لانه اذا عملت العكس تدهور صحتك وخصوصا النفسية تصير شينه النصيحه من واحد ماخلى ديرة ودكتور وشيخ ومشعوذ ووووووالخ تعايش معه وراح تلاقي العجب 90 ىالمية من اللي تعاني منه هو من اهتمامك بحمل هذا المرض تقبل تحياتي
1. بقلم: Star1
جربت الطريقه قبل الفطور ملعقة زيت زيتون
وماكان فيه الم نهائياً مقارنة بالايام اللي فاتت
10. بقلم: azman232 /11. بقلم: jmj
جزاكم الله خير
اسال الله ان يفرج همك ويعافيك ان شاء الله مثل ما عافاني ... اخوي انا كنت اعاني من القولون العصبي وكان يبهذلني الين الله ارسلي واحد و اعطاني وصفه للقولون .. الحمدلله من بعدها والله ما شكيت من شي لي تقريبا 3 سنين ..
طبعا قبل ما اخذ الوصفه بحثت عنها ولقيت شي اقنعني وخلاني اخذ الوصفه على طول اليوم الثاني
الشي اللي اقنعني حديث عن الرسول اللهم صلي وسلم عليه - يقول في ما معنى الحديث - انه لو كان هناك علاج للموت فهو السناء
سبحان الله المعده والامعاء مع مر السنين يتعلق في جدرانها بقايا الاكل مما يسبب بعض الاحيان تهيج للقولون ... لذلك كانوا الاولين ياخذون السناء كمطهر للباطنيه - كانوا ياخذونها كل 6 شهور تقريبا او كل سنه
طبعا كل واحد راح يقلك طريقه لعلاج القولون ... لكن الرجال اللي اعطاني الوصفه كان يعاني من القولون وما خلا شي الا جربه جرب العسل السدر ( مع انه من النادر انك تلقى عسل سدر صافي - اغلب اللي في السوق مغشوش ) جرب الزيت زيتون ,, جرب الزبادي مع الخميره الفوريه كل صباح ... يقول ما نفعني بعد الله الا السناء المكي
على العموم انا اطلت عليك اذا بغيت الوصفه انا تحت امرك لاني اعرف من ايش تعاني والام اللي تمربه ...دق على جوالي وراح اعطيك الوصفه كامله وطريقة اعداده
اخوي ابو اصايل ياليت لو تكرمت وتفضلت علينا بالوصفه على العام حتى يستفيد الجميع وراح تكسب اجر اخوانك المسلمين واجر الي يعانون من هالمرض بالخصوص
اخوي ابو اصايل ياليت لو تكرمت وتفضلت علينا بالوصفه على العام حتى يستفيد الجميع وراح تكسب اجر اخوانك المسلمين واجر الي يعانون من هالمرض بالخصوص
اخوي ابو اصايل ياليت لو تكرمت وتفضلت علينا بالوصفه على العام حتى يستفيد الجميع وراح تكسب اجر اخوانك المسلمين واجر الي يعانون من هالمرض بالخصوص
اكيد ابو اصايل ينتظر الضوء الاخضر من صاحب الموضوع عشان يسدح لكم الوصفه ع العام
احم احم .. انا جيت *_*
ابو اصايل قول لنا الوصفه هنا خلك تكسب اجري واجر اللي يشوفون الموضوع
بنتظارك...
السلام عليكم ... اعتذر عن التاخير يا شباب
الوصفه كالتالي
تمر اي محل عطاره وتا خذ من عنده :
1-سناء مكي
2- ميراميه
3- يانسون
4- قرفه
تطبخ السناء لمدة عشر دقايق وتخليه يتنقع لمدة 15 دقيقه او اكثر ( تقريبا زي الشاي )
بعد كذا تشربه على بطن فاضي يعني بعد الاكل ب4 او 5 ساعات
طبعا طعمه مر ... حاول تشربه دفعه وحده لان طعمه في مراره عجيبه ... تقدر تحليه بس بش بسيط مره
بعد كذا الله يعينك على الحمام يبجيك اسهال الله يكرمكم...
اصبر وتحمل الين تحس بطنك نظف مره يعني بعد اربع وا خمس ساعات
طبعا بينزل من بطنك قوارير وعلاقات واكياس وتراب .... ههههههه
بعد كذا ( 4 او 5 ساعات او اكثر ) خذ الميراميه واليانسون والقرفه واخلطها مع بعض واطبخها... واشربها ..( عشان تهدي بطنك و تعقمه وترتاح )
* نصيحه لا تشرب السناء الا في يوم اجازه
* لا تحاول تشرب السناء الا كل 6 شهور او اكثر لان الاكثار منه له مضار ...
* تقدر تشرب السناء وهو بارد ما فيه اي ضرر ان شاء الله
* الحمدلله جربته انا والوالده واختي والحمدلله من بعدها ما اشتكينا من شي لي تقريبا اكثر من 3 سنين
* اتمنى من اللي يجربه يعطيني رايه وتجربته ... وهل نفعه بعد الله ولا
*هذا رقم جوالي اللي يبغى يسال عن شي انا تحت امره ... لا يردك الا الزر الاخضر دق في اي وقت اذا انا صاحي رديت عليك واذا انا نايم ما راح ارد عليك ... يعني خذ راحتك
0555421422 سلطان الشهري
دعواتكم لي ولي والدي يا شباب في هذا الشهر الفضيل
*ياليت تقرون عن القولون وانواعه و السناء والميراميه واليانسون والقرفه قبل ما تسوي اي شي عشان يكون عندكم قناعه باللي تسوونه ... والانترنت مليان
* الحبوب اللي يصرفونها المستشفيات تعتبر مهدئات وليست علاج ... نصيحه لا تحاول تعود جسمك عليها
جيبها من البحرين اذا انك من سكان الشرقية