استشيركم عن السكن في المزاحمية

هلا بك وصوم مقبول ان شاء الله
شوف اخي الفاضل
ببساطه لا انصحك لعدة اسباب
من اهمها تكلفة البناء واحد في المزاحميه او الخرخير
ثم لا قدر الله حالة طارئه لمستشفى وين انت ووين المزاحميه والحافظ الله
ثم عملك وين هل حسبت مشوارك كل يوم ابعد عن هوى النفس والاماني واحلام اليقظه في الطريق شهر دوام تطفش حالك اسلني انا
انت جاي الرياض ترتاح والا تعيش شقاء
مالك غنا عن المدينة بالذات الرياض طالما انك ناوي فاعقلها وتوكل في اطراف الرياض من ناحية الشمال تحصل قريب من ارضك بالمزاحميه
ممكن تروق لك لكن لا تروق لا اهلهك واولادك من بعدك انت وانا ترى نتعب للجيل القادم حبيبي
الربو الله يشفيه ويرفع عنه اعاني نفس حالك والله يشفيهم اذا تبي يبعد عنه الربو انصحك بمكه اذا فيه مجال
واذا نويت تعمر ابشر بعزك مقاول وبلك ورمل وسمنت وحديد واشراف عند الله وشغل امانه ولك السؤال وتعال تفرج بعينك وتراني اشتغل للمعارف فقط يرمون المخطط ببيت الشعر ولا يعرفون شيئ لانهم عارفيني
وتقبل تقديري

نصيحة لوجه الله

انا متقاعد , اشوف المسافة قريبة من الرياض بخصوص المستشفيات

حتى لو متقاعد عيالك باكر سيتوضفون
ترى الراحه النفسيه اهم من كل شئ اليوم
تبي تبعد والميزانيه على قد الحال وادي لبن
المهديه ولو ان عيبها مدخل واحد فقط

اخي انا اعرف واحد شراء منزل فيها وسكن والان متحسف ويقول ماتصلح ((ملهم )) اعتقد افضل منها

اريد الخروج من زحمة الرياض والغلا الفاحش في العقار وغيره ...

وفقك الله ,.... ووفق الله الأخوة أصحاب الردود

المزاحمية جميلة هادئة صغيرة .... ولا هناك تلوث أكثر من الرياض.


المزاحمية للرياض هناك طلعة ليست بالهينة أبداً ، يعني تؤثر في سيارتك خلال سنة احدة فقط حتى لو كانت سيارتك جديدة.

ممكن تلقى ارضاً بأسعار معقولة في أطراف الرياض أو قبل طلعة الجدية مباشرة ، وتقريباً بنفس أسعار المزاحمية.

إذا ليس لك ارتباط بالرياض سوى في الطواري أي مرة أو مرتين في الأسبوع فلا خلاف في الأمر ، لكن المشاوير اليومية مؤثرة على السيارة 100& لأنها طلعة حادة جداً.

والراي الآخر ، انتظر قليلاً لأشهر أو سنة على الأكثر ، فبرنامج الإسكان قادم ولا خيار لدى الحكومة الآن إلا توفير مساكناً عاجلة للمواطنين ممن ليس لديهم سكن ، فأنصحك بالانتظار.

وفقك الله

الرياض ما احتاجها الا في شهر او الشهرين مره
هل احياء المزاحمية مخدومة من ناحية شبكة المياه والصرف ...

الرياض ما احتاجها الا في شهر او الشهرين مره
هل احياء المزاحمية مخدومة من ناحية شبكة المياه والصرف ...
وبالنسبة للبناء بكم المقاولين يستلمون العظم للمتر تقريبا ؟.
ناوي ابني دور واحد ان شاء الله .

من ناحية الغلا 100% المزاحميه افضل

السلام عليكم
انا من سكان المزاحميه ودوامي في الرياض نن 15 سنه
واخوي كدالك
السكن معقول بس لاتشتري في مخطط نوارة الي على الخط السريع لانه اسوء سكان ولافيه مشروع مياه
المياة سهل امرها الوايت العايدي ب60 ريال الحلو
البناء سعر المتر عظم بدون مواد من 100 الى 110 للمقاول الممتاز
جميع الاحتياجات موجوده
المستشفى جديد وفيه كل التخصصات حتى الاشعه المقطعيه
الطلعه للدوام عاديه جدا تاخد ساعه الا ربع ومااثرت على سياراتنا وهي ماشيه الان 200 الف كيلو
الفله مساحة 600 احسن لك وللمستقبل لعيالك ادا كبرو احسن من مساحه 375 وشغل تجاري

بحكم خبرتي في العقارات
لاانصحك بالمزاحميه اذا ودك تكره حياتك حنا لما بغينا نروح لضرما شلنا هم المشوار الرجعه في الليل المزاحميه بعيده عن الرياض صفق مشوار

عندك السويدي البديعه الشفا حي بدر تعتبر افضل اماكن الاسعار فيها من 650 الف الى 900 الف فلل صح قديمه بس مساحات على 900 و750 متر خذلك وحده واخسر عليها ترميم وسكن مع الناس حي الشفا والبديعه والسويدي ساكنين فيها اهل الرياض الاصليين

اغلب موظفين الوزارات ساكنين في الشفاء السويدي البديعه ربع تجار الرياض فيها


الاماكن الغير مرغوبه عند الناس بالنسبه لجنوب الرياض
حي نمار حي الفواز السويدي الغربي

المزاحمية قريبة من الرياض .
ولاني برايح للرياض الا في الحاجات المهمة جدا , انا ما صدقت اطلع منها ههههه
اشوف بناء دور واحد ( دبلكس ارضي ) مسطح 400 م افضل من شراء فله , يكفي انك تخطط الارض على مزاجك
وقدام عينك .........

المزاجمية كويسة

بس المياة الله يعينك على الوايتات

الكهرباء اذا جا مطر او غبار او رياح شديدة دائما ينقطع

هههه وين زينه معه
الكهرب ينقطع والمياه قليلة !
ما فيه شبكة مياه ؟

ليتك تستأجر فيها لمدة ستة أشهر أو سنة وتجرب الحياة فيها على الواقع وبعدها تقرر أن تبني فيها أو لا بدل أن تغامر.

كم سعر متر الأرض السكنية في المزاحمية ؟

الاجار صعب لاسباب منها المدارس والتنقل بينها ...
الاسعار غير متأكد منها

(Deleted by administration)