السلام عليكم ورحمة الله وبركاته
اخواني الكرام يرى الجميع الملابس التي
لا تتناسب مع ديننا الحنيف اولا
ولا عاداتنا وتقاليدنا ثانيا
ولا الذوق العام ثالثا
فهل اجد في احد اسواق الرياض
محلات متخصصة في الملابس البناتية المحتشمة
أسأل الله ان يجعلنا واياكم ممن يصون الامانة ويحفظها
السلام عليك انصحك با سوق المجد مخرج 15 وسوق مبارك مخرج 14
الملابس المحتشمه كثيره ولكن قل بناتنا لم يعد يتقبلونها
والمجتمع يفرض ذلك
وش دعوه عاد وين حنا فيه
في اكثر الاسواق
اسمحلي اخوي ترى عنوان موضوعك فيه
أساءه لأهل المملكه .. ادري ماتقصد بس هي كلمه
حبيت اوصلها لك .
كل الاسواق يوجد فيها البسه محتشمه
وانت عاد الي تختار
مافي ملابس نسائيه محتشمه هاذي الايام
والي يقلون فيه هاذا عاد تعود يشوف بناته لبسين قصير شوي و شوي ضيق ويعتبره الملابس ذي ستر لبناته
كلها موديلات اجنبيه مسوينها مخصصه للعرب
يجي الجزء السفلي قصير وضيق و كذالك الجزء العلوي
علاشان اي شاب ترتفع الغريزة عنده
ولو مصنوعه في السعودية تلقاها شوي محتشمة
اذا تبي محتشمة اسواق المجد مخرج 15
قليل الملابس المحتشمه بس بتلقا انشاءالله
رد 6:-)
اذا انت تشوف الضيق والقصير على اهلك وتعتبره حشمه فلا تعمم على خلق الله
حنا نشتر الملابس الفضفاضه والطويله لحريمنا ونحصلها في اغلب اسواق الرياض
اما الي يقول مافيه كلامه ماهو مظبوط
الا اذا يدور حشمه وقصير وضيق مع بعض فطلبه مستحيل
الأسواق مليانة والحمد لله
وما أدري ما الغرض من الموضوع أصلا
^
اتفق معك
تجد ملابس محتشمه متى مابحثت عنها فــــــــــي كل مكان
هذا موضوع مقصود كيف مافي ملابس محتشمه اذا مالقيت الله مكثر الشراشف اصنع لهم منها ملابس ولا جمع لك كم قطعه من القصير لين تصير قطعه وحده
لاحول ولا قوة الا بالله
اخواني الكرام
نحن نسافر للرياض للتسوق
وليس لدينا الخبرة الكافية في اسواقه !!
والحقيقة ان ملابس البنات الصغار غير محتشم في اكثر الاسواق خارج وداخل الرياض
فنراه عاري الذراعين تماما ,, او معلق فوق الاكتاف ,, او قصير لدرجة انه يصل للركبة ,, او مشقوق من الخلف او الجنب او بدلات وبنطلونات ,, او ضيق جداااا ,, الخ
هذه الصفات في الملابس لا تتناسب معنا لاسباب اهمها ان البنت تتعود على مثل هذا اللباس فاذا كبرت تصبح فاقد لحساسية سترها لذراعيها او ساقيها وغيره
فنحن الان نشتريها ونذهب بها للخياط يضيف لها ما يسترها
==============
لكنني سمعت انه تم افتتاح سوق كامل في الرياض لا يبيع الا الملابس المحتشمة
فاحببت ان أسأل عنه ..
اما الاخوة الذين يستغربون من سؤالي , فلا اجد مبرر لاستغرابهم !!
والذين دخلوا في نيتي , هل يعلمون الغيب ؟؟ سبحان الله
( واذا احد وده يناقشني وجها .. لوجه .. ما عندي مشكلة ,,يحدد مكان وزمان يناسب .. وانا جاهز )
مثال من الملابس التي لا تناسبني ( وهذه الصورة في احدى مدننا الغالية ) :
http://s.alriyadh.com/2009/09/07/img/310968832933.jpg
جزاك الله خير اخي الكريم وبارك فيك لحرصك والاهتمام بتستير بناتك ..عني انايا اخي الكريم اتعمدت ان اشتري البلايز الجاهزه لا إبنتي اما التنانير فا اخيط لها افضل لانه مثل ماقلت يجي القصير والمفتوح ونحن في زمن اغبر وللعلم إبنتي عمرها 5سنوات ..إن تيسر لك الامر فاشتري لها قماش يكون مخصص للا اطفال وبألوان فاتحه وديه للخياط ويفصله مثل ماتبغى ..الملابس موجوده وبكثره ولكن اهم شي من يدور الستر ..اصلح الله لي ابنائي وابناءكم وفقنا الله وإياكم ..
جزاك الله كل خير. والاخوه اللي ردو وناقشو الاخ يرون في كل مكان لبس ساتر ولكن المشكله للاسف اغلب الملابس الساتره تكون موديلاتها لاتناسب بناتنا او اقمشتها. الاخ يسأل ويعاني نفس معاناتنا نتعببببب في البحث عن لبس البنات الساتر وبنفس الرقت راقي وحديث.
اقول لك اخي الكريم ربما انت تبحث عن محل نيتشي للملابس الساتره فعلا هو مركز كبير في الرياض ولكنني لم ازوره . زرت محلهم في القصيم لبسه محدووووود ونسائي فقط.
انصحك اخي الكريم/ بالذهاب الى ( رد تاغ) يوجد عنده لبس راااقي ولكن ....... وتجد بجانب هذه الملابس مايسمى بالجاكيت الفرنسي يمكنك تطقم لها اللبس والجاكيت. وبسعر لايتجاوز 60 ريال( اذا لازال تخفيضهم موجود)
الجاكيت ساتر وموديل حديث ويغطي الذراعين بشكل جميل.
وانت تتحكم في طول الفستان حسب الطفل.
أسال الله لنا ولك ولسائر المسلمين الستر والعفاف والعافيه.
تقدرين تفصلين اللي تبين
السلام عليكم
المعتمد
مدري ليه حسيت بعمق سؤالك !!
ربما الأشكال اللي عندك نفس الأشكال اللي عندي
وكلامك صحيح نسأل الله أن يرحمنا برحمته
أهلنا ما عاد لقوا مديلات حلوه فيها حشمه
كلها زليطي في زليطي حسبي الله عليهم
والناس تتبع الموضه لكن رضى الله أهم شيء
ربي يصلح لك النيه والذريه
وأختر التفصيل والله يعينكم على تدوير الخياط الزين
جزاك الله خير وأتمنى ان تجد ماتبحث عنه
وفقك الله اخي الكريم
http://cdn1.albayan.ae/polopoly_fs/1.1462178.1309036656!/image/2154809281.jpg