وش رايكم في جيب كيا (الموهافي)

احد يشتري كيا ب 128 الف ؟؟؟؟؟؟
حرام عليك هذي 128 الف تحطها في كيا

عزيزي 128 الف تجيب لك برادو ستة سلندر ياباني
وتجيب لك باثفندر نص فل
وتجيب لك تاهو بدون دبل

الله يحييك أخي اكشن1
وشورك على العين والراس ولكن بودي اللي يشور علي يعطيني سبب مقنع وحقائق. ومن ناحية السعر فالكورلا ب 75ألف ..الكامري 90ألف والفل ب 102ألف... والتاهو Z71 ب 205ألف...والبرادو فوق ال 160ألف...الفورتشنر ب 127ألف وأنت ماشي.
مشكلة الموهافي في البيع في مابعد مايجيب سعر.
لازلت في إنتظار مزيد من المشوره والرأي.
وأشكرك مره أخرى أخي اكشن1

ياخوي ابعد عن الكيا خرباته كثيره كان عندي سياره عائليه بعد سنتين بعتها بنص قيمتها

لا لا لا لا لا تحرق قلبي تكفى 128 الف تحطها بكيا


حرام عليك
128 الف جايبت لك احلى تاهوووووووووووووووو ونص فل على كيف كيفك

انحش ياولد سبعين الف ديرة عن الكيا ويرزقك الله

مشكور على النصيحه أخي ابوسعد1981.

سلامة قلبك يا khalid4you .

نصيحة خذلك باجيرو2011 فل كامل على الزيرو 126 الف افضل من الكيا ااااااااااااااااااااااااااااااااااااااالف مرة

الله يجزاك خير أخي ع1234....فعلا كلامك سليم وانا مستغرب كيف مافكرت في الباجيرو!!
ولكن هل أنت متأكد إن الباجيرو الفل 126ألف؟

توه جديد ماتقدر تحكم عليه من خلال فترة تجريبية قليلة

السلام عليكم ... اخوي جمس 454
الموهافي ... ممتاز ومكينته 3.7 قوويه .. وقيره ممتاز ولا فيه اي مشاكل .. وهو نازل من موديل 2008 تقريبا .. وكان سعر الفل كامل وكمان 8 سرندل 120000 الف فقط .. والفل 6 سندل نفس المواصفات الي ذكرتهااا وبالنفقيشن 102000 الف فقط .. وبعدهاا بسنه .. كنسلوا 8 سرندل وبقوا على 6 سرندل الفل .. ورفعوا سعره الى 110000 الاف .... وكنت مستكثر سعره .. مره .. والحين نزل 2011 .. بـ 126 الف ... والله حرااام .. هالسعر .. مررره كثير .. بسعرك هذا .. فيه عده سيارات اجود من كيا موهافي .. بكثير .. ولها قبوول عند الناس .. في الشراء والبيع .. ومن ضمن السيارات .. رد اخونا رقم 6 .. باجيرو .. ياباني .. وممتاز وعملي جدا .. وعند البيع .. مرغوب .. ويجيب له قيمه .. ولاكن القل الحين .. واصل 155000 الف .. تقريبا ... والناس تجيبهااا من الامارات .. بسعر معقوول جداا ... بأقل من مبلغك .. وجديد على الزيرو ... هاذي وجه نظر ... ولك الاختيااار .. وربي يوفقك ... والسلام عليكم ..

وعليكم السلام
بيض الله وجهك على المعلومات ومشكور على النصيحه والشور. اليوم مريت الوكاله ولقيت الباجيرو الفل 2011 ب 147ألف و 2012 الفل ب 156ألف وشكلي باستخير واشوف الباجيرو.

الله يجزاكم خير جميعا ولاعدمناكم. وهذي والله الهقوه فيكم.

ووجهك ابيض ... وهذا الاختيار السليم ... ماهوووب ... كيا .... وان شاء الله انك بتووفق .. في اختيار الباجيرو .. وهو عملي .. ولا فيه عيووب تصنيعية ... بس .. سعر قطع غياره .. غاليه شوي ... لاكن صبووور ..وقليل يطلب اذا حافظت علية .. واتمنى لك التوفيق ....

صبحك بالخير

الباجيرو صراحة اختيار رائع جدا وكنت ناوي عليه لكن ميزانيتي ما سمحت ..

الباجيرو يجي نوعين

مكينه صغيرة 3.5 وهذي انحش عنها

مكينه كبيره 3.8 وهذي المطلوبه والمرغوبه

عالعموم اذكر في احد المعارض ( معارض النسيم) قبل شهر حصلت 2011 فل كامل مكينة كبيره بـ 127 او 126 ما اذكر

وكان عندهم وااااجد حول الخمسين سيارة بالوان مختلفه

والامارات ايضا عندهم جديد وباسعار جدا معقوله

اذكر الـ 2011 مكينة 3.5 كان بــ 99000 جديد

فممكن تلاقي المكينة الكبيرة بــ 120000 + 5000 جمرك والطقه هذي = 125000

لكن انتبه ثم انتبه ثم انتبه من الاماراتي المستعمل .. يعني لو كتب الله لك ورحت للامارات انحش عن المستعمل تراهم نصابين فيه .. حتى محلات الفحص ينصبون .. يتفقون مع راعي المعرض على انهم يصرفون عليك السيارة حتى لو فيها بلاوي الدنيا .. واذكر مرة غشونا في لاندكروزر قالو ان الموتر سليم .. ويوم فحصناه بالرياض طلع فيه ضربة واصلة للشاصي !

وقبل كل شي استخر والله يوفقك في كل شي ..

بارك الله فيك أخي azooz1991
انا بشتري أقساط مامن كاش الله يرزقنا وإياك طاعته و100مليون دينار كويتي:)
خياري الوحيد هو الوكيل المحلي.
بخصوص السيارات الجديده اللي تجي من الأمارات: هل يشملها ضمان الوكيل في السعوديه؟

يشملها ... الضمان بشرط ... عدم تعرضها للبرد ... لانه فيه دفعات للباجيرو متعرضة للبرد .. على البودي ... ويرفضها الوكيل عندنا ... فأنتبه للنقطه هاذي ..

اخوي انت تبي سياره جديده
انا جربت من السيارات وااااااااااااااااااااجد
غير البرادو ماشفت
ماشاء الله تبارك الرحمن مركب لك وللزمن
وماقولها مدح
جربت التاهو جربت الباثفندر جربت الجي اكس ار جربت باجيروا جربت مواتر لين قلت يا كافي

خذ برادو لو ب150 وانت حررررررررررررررررررر

حياك الله أخي الفياض
وانا ماني بعيد منك جربت في المواتر ولله الحمد أكثر من 20 موتر(ماعدا الباجيرو) خلال السبع سنوات الأخيره وأتفق معك بخصوص البرادو 1000% واخر موتر كان معي برادو 2009 VXوبعته قبل أسبوعين لحاجتي للكاش بسبب العمار الله يعين.
هل جربت البرادو الجديد أخي الفياض؟

الله يكون بعونك
الجديد مو مثل القديم
لكن فيه الخير والبركه
ويضل في نظري رقم واحد
واذا شفت انه غالي
خذ بسعره السكويا النص فل ب150
مركب مريح
لكن الكيا حقه مره 80 اذا هو جديد بنظري
الباجيرو ممتاز لكن العزل ماعندك احد وقطع غيار تعطلك تعطيل يحبه قلبك خدمات وكيله مو على قد موتره


والخيار الاول والاخير لك

جزاك الله خير أخي الكريم.

احد يشتري كيا ب 128 الف ؟؟؟؟؟؟
حرام عليك هذي 128 الف تحطها في كيا

ايد اخواني حرام تدفع كاش او اقساط في سيارة بعد مضي سنة من عمرها تخسر 50% من قيمتها الفعلية

خذلك شي اشتر تبيع تستخدم متوفر قطع غيار وصيانة

انصحك بالفورد اكسبلورر او اكسبديشن

* اسعارها منافسة وقطع غيار متوفرة وسعرها معقول.
* ضمان مجاني من الوكيل حتى 60 الف كم ( صيانة مجانية على القطع وشغل اليد ) وضمان شامل حتى 200 الف كم يعني تشتري سيارة ووكالة وبالتوفيق.