استفسار عن افضل المقاهي الراايقه

مبرووك علينا الاجازه


وبهالمناسبه مين جرب احلى مكان يسوي فطور غير اللي ذكرناهم ؟؟؟؟

لايفوتكم لامبورغيني كافيه في بانورما مره حلو وجلساته راايقه

افضل مقهى هو كوكب القهوة

43-endazoz:
وين موقعه؟؟

اقول صديق وبس

وقسما بالله يزبط الكوفي ولى في الاحلام

اما المقاهي الي تتكلموا عنها اسماءها صعبة

اتخيلوا ادق على صاحبي اقوله اسم الكوفي الصعب هذا

والله يحسبني اسبة ههههههه

< متابع للموضوع وان شاء الله يوم 25 بسجل الاسماء الي ذكرتوها ف ورقة وامر عليهم

^_^

45-ميجو:


اما صديق هههههههههههههه الله يخليه لك


وخلاص اذا مريت الاماكن اللي قلنا عنها سجل تجربتك الله لايهينك وعلمنا وش اكثر مكان عجبك

بس انصحك في البدايه بالسيجار من احلى الاماكن

مع احترامي لكي لكن اول مرة اشوف بنت تسأل عن المقاهي

شوف يالغالي فيه وانا جاي من الدمام منطقه اسمها الوسيع قبل الرياض ب95 كيلو روح للمحطه واسئل عن القهوه فيها بصراحه معسل ولا احلى منه واترك عنك محلات الكافيه الي كلها مطرسه بس المشكله مافيه قسم نساء عاد انتي اطلبي المعسل وخليه يجيبه لك بالسياره ولكم التحيه بنات اخر زمان يبغون قهاوي

السبيعي: وانا مع احترامي الشديد لك بس انا اقصد كفي شوب

جهاد التركي:ماقصدت مقاهي معسل وكل واحد على نيته

جزاكم الله خير

الاخت العزيزة السنعوسية اسحب كلامي وانا اسف على سوء الفهم

السبيعي:ماصار الا الخير :)

بصراحة موضوع جميل خاصة أن الكثير يحتار في الاماكن الجميلة والهادئة اللي يقضي فيها وقت ممتع باسرته لكن للأسف لقلة الخبرة تجد نهاية الاسبوع خاصةً تضيع بدون تغيير الاجواء والروتين.
فنرجو إضافة الاماكن المناسبة لإصطحاب الاطفال والامكان التي لا يحبذ ذلك ، إضافة إلى المطاعم .

طبعاً بعض الاعضاء ممكن يقول خرابيط او غاليه او ابو بكس احسن
لكن اتوقع اغلب اللي يروح مو علشان يعبي هالكرش ويرجع يروح يجلس ويغيير مكان ، مثل ما فيه بعض الناس تسكن في فندق احد الايام لتغيير اجواء مع ان عنده بيت .

تقبلي تحياتي وفي إنتظار المزيد من المفيد

افاااا يالسنعوسيه كوفي شوب ؟؟؟؟؟؟؟؟؟؟؟ تجي من غيرك ولاتجي منك وين دغيم الظلماوي الشمري يسمع ويشوف كلامك وتري كلامي شرهة ماهو منقود اقري قصيدة دغيم المشهوره اللي يشب النار اخر الليل يدعي به الضيوف والطرقية


ياكليب شب النار ياكليـب شبـه

عليك شبة والحطب لـك يجابـي




وعلي أنا ياكليـب هيلـه وحبـه
وعليك تقليـط الـدلال العذابـي




وادغث لها ياكليب من سمر جبه
وشبة الياا منه غفى كـل هابـي




باغـي ليـا شبيتهـا ثـم قبـت
تجلب لنا ربعـا سـراة غيابـي




بنسريـةً ياكليـب صلفـا مهبـه
لاهب نسناسه تقـل سـم دابـي




سـراة بليـل وناطحيـن مهبـه
متكنفيـن وشوقهـم بالعـذابـي




الوالمة ياكليـب عجـل بصبـه
والرزق عند اللي ينشى السحابـي




صبة لقرمـاً صرفتـه ماحسبـه
يوم البخيل مكنهب الوجة هابـي




وصبة لمنعورين ليـا جـاة نبـة
يرخص بعمره والدخل لها ضبابي




وعدة عن اللي مايداري المسبـه
اللي يـدور بالقصيـر الغيابـي




عن الطيب عده نازلا لـه بغبـه
يضرب علي درب الخطا مايهابي




لا باطن الهلباج خطـوا الجلبـة
يا حلو خبط عصيهـم بالركابـي




أطمر لهم وأبدي سـلام المحبـه
لا جو هجناً يديهم خرابـي




سلام أحلى مـن شخاليـل جبـه
وأحلى من السمن الجديد العرابي




مع كبشً مصلاح راسـه نجبـه
لا أدبر الهيـن متيـن العلابـي




خطو الولد يـوم الملاقـي نكبـه
يأتي علينا من حسـاب الزهابـي




وحتى يش لو يلبس وبينن وجبـه
معيرة علـى غضيـر الشبابـي




أنا لقيت الصبـر يازيـن غبـه
يرقيك روس مشمرخات الهضابي




من لاصبر ياكليب في حكم ربـه
ك يوم البعـث مالـه ثوابـي




يقولها اللي مـا حسـب المسبـه
ولا عرقل الاجواد ببعض الهلابي




هـوى بالـي وهـذا مطبـه
من قبل مايسفح علينـا الترابـي


الله يرحمك يادغيم اتعبت اللي بعدك

أما مقهى السيجار؟! إسمه يكفي للنفور منه.

مع أن أمهات المؤمنين كن أمهات لأغلب سكان المدينة إلا أن الله أمرهن مع ذلك أن يقررن في بيوتهن وألا يتبرجن تبرج الجاهلية الأولى الذي هو أقل درجات التبرج لأن الجاهلية في أولها وبدايتها يكون التبرج فيها في أوله وبدايته مثل كشف أطراف الكفين والقدمين والعينين عياذاً بالله ولا أظنك أختي منهم.

إذا كانت هذه الأوامر قد جاءت بحق نساء هُن بمثابة الأمهات بل هُن أمهات المؤمنين، وأنت تعرفين كيف ينظر الرجل لأمه نظرة ملؤها الطهر والعفاف، فما بالنا بغيرهن من النساء؟! أليس الأمر بحقهن بالقرار والحشمة من باب أولى بدرجة كبيرة جداً. هذا يسمى في الشرع: القياسُ بدلالة الأولى. وهو أقوى أنواع القياس ومن أقوى الأدلة الشرعية على الإطلاق. تخيلي أنك قلتي لفتاة عندها أبوين كبيرين مسلمين صالحين "فلا تقل لهما أف ولا تنهرهما". فقالت أنا لم أفعل ولكني أدفعهما بعيداً عني فقط. أو أشغل أحياناً أصواتاً عالية بالمسجل وهما يشعران بالاستفزاز. فما ذنبي؟! ألن تتعجبي تقولي لها، إذا كان مجرد "أف" حرام فمن باب أولى ما ذكرتيه؟

لذلك آمل من أخواتي المؤمنات أن لا يخرجن من بيوتهن قدر استطاعتهن وأن يدرسن بنظام الانتساب في كل المراحل الدراسية وأن يتذكرن قبل الخروج من منازلهن قول الله "وقرن في بيوتكن ولا تبرجن تبرج الجهلية الأولى وأقمن الصلوة وءاتين الزكوة وأطعن الله ورسوله" وقوله "ومن يعص الله ورسوله فإن له نار جهنم خالدين فيها أبدا".

52-ms9-11:
الاماكن اللي تصلح للاطفال وانا جربتها:
عبقرينو بالتخصصي
الملاهي اللي في بانورما حلوه
ساحة الكندي بالسفارات وفيه كذا حديقه هناك هاديه جدااا
مركز النجوم الصغيره عند مستشفى الحبيب
هذا اللي اذكره حاليا
وبالتوفيق

53-السعووودي:
ههههههههههههههههاي وليه شمر مايشربون كفي!!!!

والله يرحم الشاعر وتسلم يمينك على النقل اللي طلع ريحة القهوه بموضوعي

شرفني مرورك الكريم

54-مشتر:

اولا:
الله يجزاك خير على النصيحه

لكنك قلت تغطية العينين والكفين والقدمين تعتبر تبرج

الكفين ماهو دليله؟؟لاني اول مره اسمع ان لازم اغطيها

وبعدين كثر الضغط يولد الانفجار ولازم الواحد يوسع صدره ويطلع ويروح ويجي لكن بظوابط انا ضد كلامك مع احتراامي الشديد لك ولعلمك انا ادرس انتساب مطور مو عشان اقعد بالبيت لا لكنه اريح لي متى مافضيت احضر محاضرات واذاكر

وانا شايفه عوايل كثيره متشدده وبقووه بعد وبناتهم الله يهديهم

والحمد لله طلعتي مافيها لا تبرج ولا شي وانت قلت لااظنك اختي انك منهم فجزاك الله خير على حسن الظن

واتمنى تقبل كلامي بكل صدر رحب

شرفني مرورك الكريم

جربي معسل مدام انك تعشقين القهاوي والمقاهي
او خوذي شيشه زغلون يمدحونه بالحيل

موضوع رائع
وفعلا الرياض مالها الاالمقاهي وكثيره في الرياض بس المشكله الساعه 12 يقولون لك توكل يقفلون
وبعد جهد جهيد تم اكتشاف مقهى يستمر الى الساعه 2 صباحا وجساته رايقه الصراحه كانك خارج الرياض
مقهى تل القهوه في حي الورود
جنوب ملاهي الخيمه
مشاء الله نضافه وديكورات خنفشاريه وجلسات خياليه

58-صياغة العقود:

باذن بجربه باقرب وقت

شرفني مرورك الكريم

احسن كوفي عندي في سقف بحائل
==================================

يالسنعوسية لاتفتحين على نفسك باب على الحثالة تجي تتكلم عليك



المشكلة يعمون القبيلة

وهم مايجون ماط رجلك يالسنعوسية

الحين البلد مليان حثالة وصلب انتسبوا وشملهم العفو

فهمتيهااااااااا

شوفي لكي منتدى نسائي افظل لكي

وش لكي بالمقاهي

باي