السلام عليكم ورحمة الله وبركاته
اخواني لي فترة ابحث عن سيارة رخيصه وقسطها بسيط ولقيت سيارة صينية وكيلها الحاج حسين رضا ويعطي عليها ضمان 5 سنوات 150000 كلم
اسمها ec7 وسعرها 31000 قير عادي وبصراحه انا ما ابي العادي بس مدري كم التماتيك
اللي عرفته ان دفعه اولى 3000 وقسط 640 ودفعه اخيرة 5500 تقريبا
انا ابي شيء قسطه مايزيد عن 700 حق الدوام وادخل المدينه واشوف ان السياره لعيها ضمان يعني تكرفها مب حسوفه عليها ال 650
وش رايكم وياليت اللي عنده فكره عنها يعطينا ويقول كم سعره كاش وتقسيط
يا اخوان اللي ماجرب السيارة او يعرف احد جربها لايفتي ويقولي اترك الصيني
أشوفها منتشرة بالرياض بس ماحد يقدر يفيدك فيها الا ملاكها
منهم من يمدح ومنهم من يسب فيها
لكن والله اعلم الرجل اللي بيحافظ عليها
ويهتم بها في شي بتعيش معة زي الفل
يعني السيارة تبغى واحد يداري عليها
السيارة ليست للكرف لالالا
انصحك بالاكسنت
الله يعطيكم العافية
خذ لك فيات مسرين عليها عرض ب 34 الف قير الاتماتيك
اشوف مواصفاتها حلوه جدا وقطعها رخيصه والاحلى عليها تامين شامل
لو تستاجر سياره اقل شي 1800 في الشهر
توكل على الله وخذها وتاكد من سعرها اقصاد كم بتطلع واهم شي الدفعه الاخيره
الله يعطيكم العافية
اخوي رخيص وكويس فيات وش صناعتها ومن وكيلها ؟
انصحك بالابتعاد عنها لقلة الجودة في المواد المستخدمة وفي صناعتها ، حتى من ناحية السلامة بتكون ضعيفة ، سوق بيعها مستعملة ضعيف الاقبال عليها ،
خذ لك سيارة اعتمادية تتحمل حرارة وشوارع بلدنا سيارة تعتمد عليها في جودتها وقوة وسائل السلامة فيها عندك مثال فولكس واجن جيتا vw jetta عليها قوة بودي وفرامل وسعرها يبدأ من 66 الف مع صيانة مجانية لغاية 45 الف كم ،،،، اتمنى لو تمر الوكالة وتقارنها بالجيلي والامر لك .
نصيحة لك ولمن يريد شراءها اكتب في ايوتيوب:
تجربة جيلي قيادة حسن كتبي
سيفيدك كثيرا
كرلا افضل لك
مرسيدس افضل لك
يرفعون الظغط اللي يردون
سؤال الرجال بسيط يبي سياره بحدود 30 الف جديده وضمان 5 سنين قدام وقسط بسيط جدا عندكم خلفية عطوه ماعندكم لححد يتفلسف ويعطي ردود ماراح تفيده
الله يعطيكم العافية
اخوي
M1900M
صدقت بارك الله فيك
ءء
تذكرت غزاله اللي صارت مشكله بين جامعة الملك سعود ووزارة التجارة
على من يملكها ،، والظاهر لا راح نشوف غزاله ولا حتى كراع دجاجه :)
ءء
فيات ماركة إيطالية شهيرة
والسيارة اللي مسرين عليها العرض أظن صناعتها بولندية
الوكيل الشركة الخليجية للسيارات
حسب ما جاء في الفيديو السياره اكثر من رائعه .
http://www.youtube.com/watch?v=ZhpOylrw11Y
نعم عندنا ثنتين بصراحه ذهلت منها ممتااااااااااااازه جدا
جوده وتماسك وقوه أفضل من الهونداي ومن أي صينيه أخرى
سياره ممتازه وانا اقوله عن تجربه
الله يعطيكم العافية
تابعوا قرار وزارة التجارة بشان جيلي
شوف نيسان سنترا
فرق بسيط وماركه معروفه لو تجميع
ابرك من جيلي سيئة السمعه