السعودية تعتزم إلغاء نظام الكفالة خلال شهور

يرجال يجيب الله مطر هم كلهم يغيرون في الوضع الي من صالح المواطن ياليتهم خلوها على ما هي عليه يعني جابوا شيء زين الحين

جابو اضافت تامين هم ورا هاتحصيل المادي
ومن قالك ان الكفيل محفوض حقه الكفيل يدفع مبالغ على هالعامل من الفيزه الى مخالفات ساهر وخرته الى علمه المهنه اما هرب او راح يشتغل عند غيره

صدقت والله ولي قاهرني اشركه الي اشتغل فيها في اكثرهم مسجلين هروب او مايدري مين كفيله اصلن و سعوده عندنا خرطي بس علا ورق عشان يقعد في انطاق الخضر الا ابسلكم لو اشتكي علا العمله او اشركاه الي تشغل ناس مو في كفلتهم او المهنه غير في الاقامه وين اروح ؟

اعتقد ان نظام الكفيل احسن للعامل من ناحية التنظيم والمتابعة ، تحويل الكفالة الى جهة واحدة سوف يخلق الكثير من التعقيد ، نظام الكفالة الحالي يمكن تعديله ليتناسب مع حقوق العامل وكن اغلائه تمام سيكون له تاثير سلبي على الجميع

نعم اخي النسر اتوقع ان النظام الجديد سوف يظلم العامل بزياده وسوف تكون الشركة الكفيله اشد ظلما فهي شركة تستفيد من وراء العامل وسوف تستعبده لكي يشتغل في اي مكان وتحت اي ظرف وعند اي شخص واذا سيزيد مشكلة الهروب

انا اضم راي لرايك بان يعدل نظام الكفيل الحالي بان يكون للعامل التعاقد مع كفيل اخر بعقد سنوي وان لايسمح للكفيل بخروج العامل ظلما وان يعطى بعض الحقوق لكي يضمن حقه فالظلم عاقبته شينه على ابناءنا وانفسنا

واقترح ان يتم انشاء شركة تامين خاصه بالعمال والكفيل بحيث تدفع التامين عن العامل في حالة تسبب في خساره او هرب عن كفيله وايضا تدفع عن الكفيل في حالة تعرض العامل للظلم من الكفيل مقابل ان تترك الحريه للعامل في العمل بشكل نظامي حسب اختياره ومهنته

وهذا له فوائد كبيره للسعوديين قبل العامل لان مشاكل العمال سوف تنتهي ولن يكون هناك عامل بلا عمل لان وراه تامين لابد ان يدفعه اخر السنه وسوف يحرص ان يكون نزيه حتى لايتم الغاء التامين الخاص به فالعامل الذي يتسبب في خساير لشركات التامين لن تقبله اي شركة وسوف يظطر الى السفر لبلده وسوف نرتاح منه اما العامل المنضبط لن يواجه مشكله كما ان العمال اللي في الشوارع لن يستطيعوا دفع التامين لانهم بلا عمل لان شرط التامين عقد عمل شهري ساري المفعول
وسوف تنتهي بيع وشراء الفيز والمتاجره بالبشر

اخي الكريم /

انا مع هذا النظام الجديد اذا ضبطت المسألة وروعي فيها حق الله على العامل او المشغل ..

لكن انا لاحظت حكاية دخول التأمين وغيره والنظره في هذا القرار انه مادي يا اخي التأمين فاشل الان مع المرور فكيف بيدخلون في العامل والكفيل ..

لابد من استحداث نظام رسمي يعتمده مجلس الوزراء وتلزم به شركات التأمين بحيث إنه وصلته معامله ماتتجاوز 5 أيام عمل لكن لاحظ بعض الشركات الكبري تجلس اكثر من شهرين وفي الاخير 50 %

وبعضها وهمي 100% والمرور معتمدها عنده والسبب إنها لفلان بن فلان .. !!

نحتاج فعلا صدق في التنظيم وصدق في التطبيق وسترى التغيير ..

خخخخخ
مصدقين فيه ناس تبحث عن مصلحة المواطن؟
يارجال كلها مافيا !! شغالة في البلد من اكبر راس لاصغر راس !!!
الايام جاية وتعرفون وش المقصد !
كل الوزراء تغيروا من 8 سنوات ماضية !!!!!!!!!!
ماتغير شيء الفساد كل يوم يزيد !
معقولة كل الوزراء اللي ياتون فاسدين ! سبحان الله ماصارت غير فالسعودية !
فكروا فيها زين !!!

الله يستر من القرارات مين المستفيد

وياليت يطبق القرار بشكل الصحيح ما يكون تجربة ويكتشفون في نهاية الامر انهية الامر ؟؟؟؟ السلبيات اكثر من الايجابيات

مصدقين فيه ناس تبحث عن مصلحة المواطن او مصلحة الوافد

كله كلام وفى الاخر الوافد ما بياخد حقه من كفيله

حسبنا الله ونعم الوكيل

نظام ناجح جداً لحفظ حقوقنا قبل أي شئ وحقوق العمالة المنزلية .

أولاً هذا النظام سيطبّق للعمالة المنزلية فقط ( الخادمة أو العاملة المنزلية - السائق الخاص - الطباخ وغيره )

قريباً ستبدأ ثلاث شركات بالعمل وستضمن حقك كمواطن وعلى سبيل المثال :

لو هربت أو أمتنعت عن العمل العاملة المنزلية أو السائق سيتم تعويضك فوراً من نفس الشركة ( طبعا هناك تأمين ضد أمور كثيرة كالهرب والطبّي وغيره بمبلغ تقريباً 750 لمدّة سنتين )

كما أن الشركة هي من تقوم بتدريب العمالة المنزلية بشكل يناسب الأسرة الخليجية خاصة وإن كانت العاملة المنزلية أو السائق لأول مرة يعملون بالسعودية .

طبعاً ستزداد المنافسة وتنخفض الأسعار مع افتتاح الشركات القادمة .

مثل هذه الأمور ستصب في مصلحة المواطن بشكل كبير ويضمن حقه .

كما أن الذي نراه من خادمات هاربات الآن ويعملون في أماكن أخرى ستصبح رواتبهم أقل ، وذلك لأن المواطن سيضمن البديلة للخادمة من الشركة ولن يعتمد على الهاربات كما نرى الآن ورواتبهم العالية التي تصل إلى 2000 وأكثر أحياناً ، مما سيحد من عملية الهروب وقد تنتهي عملية الهروب نهائياً بعد فترة وجيزة .

نتمنى للجميع التوفيق والسداد

أتوقع أن هذا سيحد من العمالة السائبة التي تسعى في الأرض فساد ياجعله يسقى إذا طبق النظام لمصلحة المواطن وإعطاء المقيم كامل حقوقة لايعمل عند زيد وهو جاي على عبيد ولايتطاول على إبن الوطن والحكومة والنظام الله يجعل الفكرة تطبق بالشكل السليم !

في نظري ان الشركه سوف تعطي راتب زهيد شبيه برواتب عمال البلديه ؟

وتجبر المواطن على دفع راتب فوق الالف حسب المهنه ؟

لكن أتوقع أن هذا سيحد من العمالة السائبة التي تسعى في الأرض فساد ؟

والمستفيد من هذا النظام ليس المواطن المسكين المحارب في لقمة عيشه .......

اقول الله يعميهم عن اصحاب المؤسسة ويفتح عيونهم على اصحاب الخدم وسائقين ههههههههههههههههههههههههههههه والله انتم تجيبون وتعلمونه السواقه وينحاج والثاني يجيب ويعلم وتطبخ له بكسه بدون زيت بس حنا ياالي شغالين في المؤسسات وش ذنبا يقطعون رزقنا مايجيب سواق وشغاله الا انسان الله ميسرها معها اللهم لاحسد بس خلو العماله السائبه في حالها الجوزات ادرى في موضوعهم

الغاء الكفالة مدري هي من مصلحة الكفيل او العامل ؟

الغاء الكفاله من وجهة نظري له اضرار كثيره
المستفيد الاول العماله الوافده
الان العامل يماطلك بالعمل اذا انت صاحب مؤسسة او منشئه وانت شغال بالنظام يعني مو متستر عليه وتاخذ كل شهر هذا يعتبر حرام
العماله السايبه هم اللي لاعبين بالبلد والمجهولين اكثر والله يقوي الجوزات اللي دائما تتابعهم وترحلهم
اذا كنت سعودي وعندك محل تجاري او منشئة تجارية تشتغل بالحلال وبالنظام وتخاف الله يجي اجنبي ينافسك ويرفع عليك السعر عند صاحب العقار وانت تعرف ان الاجار كثير ماوراه فائده المحل لكن الاجنبي مايهمه لانه بيغش ويدلس في البيع ولا يحلل او يحرم اهم شيء عنده الكسب ويرى معظم الاجانب انه اذا اخذ منك شيء بالباطل انه حلال من حقه

فيها فايده للطرفين

مشكور على تواجدكم

كل التنظيمات التي اراها انها تخدم الاجنبي لانه بيفتح محل ويشغل بني جلدته وبيمل بالمحل يوميا بحد اعلا 16 ساعه واذا صاحب المؤسسه سعودي ما يقدر يشغله الا 8 ساعات يعني بيتظرر السعودي اللي مشغل العمال بالراتب مع العلم ان لهم طرق متعدد بسرقة الحسابات باساليب مختلفه ولا تقدر تثبت ذلك بيشتغل بدون عمل فواتير اما الاجنبي بيشتغل بمحله اكثر عدد من الساعات
لو يحدد فقط ساعات العمل اليومي اقل شيء (12ساعه) الى (16ساعه ) واللي يرفض العمل بدون مبرر الا لانه لا يرغب العمل عند كفيله بالراتب بل يرغب التسيب يرحل نهائي ويمنع من العمل بالسعوديه وعند اخي عماله ويساومونه على اخذ المحلات مقابل مبلغ شهري مقطوع والا يرفض العمل بشكل غير مباشر ويحث العماله التي تعمل معه بعدم الاهتمام بالعمل ولكنه يكافح من اجل مصدر رزقه وانا وانتم تعلمون ان الانظمه تخدم العماله اكثر من صاحب العمل لانه يتحجج بعدم رغبته بالعمل بالسعوديه وعند خروجه نهائياً يعود ويفتح محل اخر بعد ان علمته ودربته على العمل وينافس ابنا البلد وكانه صاحب حق وانت لوا ذهبت لبد هذا العامل وطلبت ان تعمل لما اعطوك فرصة عمل ولو كان عندهم مجال لعملك بل يولون ابناء جلدتهم ولا يعطوشخص غريب المصلحه فكيف تعطيهم مصلحتك ومصلحة ابناء البلد والله انني اعلم ان بلدنا فيها رزق ولكن تحتاج الى اجتهاد من الشباب ودعم لهم من مكتب العمل واعطاء صاحب المنشئه حقه بالنظام والعامل كذلك فتجد ان العامل دائما متظلم لانه لا يريد لبناء البلد الفائده بل له ولابناء جلدته

مشكور على تواجدك

هههههههههههههههههههههههههه
ضحكتني
وانا ما ابي اضحك
الان الاجنبي موقادرين علية بالكفالة ويروح ويجي ويشتغل على كيفه تبية بدون كفالة
الان هو راكب على روسنا وهو بنظام الكفالة
كيف لو بدون كفيل كان تلاقي الاجنبي عم السعودي
هههههههههههههه
من جد ظحكتني
ولا اقول لصاحب الموضوع الا هزلت