استشاره بخصوص مقصف المدرسه

غالي جداً

2088 ريال اقسمها على 22 يوم دراسي في الشهر تطلع 95 ريال

لازم تبيع بـ 800 ريال كحد أدنى حتى يكون هناك مربح ملموس وهذا صعب جداً لقلة عدد الطالبات

الله يعضها خير.... اشكرك جدا جدا على ردك وتوضيحك.

طيب من فضلك كم المفروض يكون الايجار؟؟

حسب وجهة نظري والله اعلم ..

هي حاسبه لها السنة الايجار ب 25 الف ريال تقريباً اذا الزمتها بدفع كامل السنة .. اما لو فقط شهور الدراسة بيكون احسن .. يعني تقريباً 14500 ريال ..

طبعاً يفرق معاها المرحلة الدراسية للمدرسة ( ابتدائي او متوسط او ثانوي ) لانه كل مرحلة ولها مصاريفها من الأطفال ..

ف مثلاً لو ابتدائي نقول : عدد الطالبات 175 طالبة .. اللي راح يتشروا من المقصف 100 طالبه على الأقل ..
ولو كل طالبة صرفت ريالين في المقصف في اليوم راح يكون الدخل اليومي 200 ريال
نضربها في عدد أيام الدراسة بيكون 200 ضرب 22 يوم دراسي بالشهر = 4400 شهرياً ..

ولو جابت عاملة ب 2000 ريال .. يبقى لها 2400 ريال ومنها 2088 ايجار :(
يصير المشروع طالع عليها بخسارة .. للأسف

طبعاً انا حسبتها بأسوء الأحوال .. فقط 100 طالبة اللي يشترون يومياً وحسبت اقل شي ممكن يصرفوه وهو ريالين ...

اذا قدرت تأخذ منها المشروع على 1500 ريال شهرياً .. ف ممكن يكون مربح معها ..


تذكري انا حسبتها على اقل شي ممكن
ف مثلاً انا اطفالي يصرفوا في المدرسة كل واحد 5 ريال .. بالرغم ان معهم كل شي اكل وحلاوة وعصير وماء وساندوتش ولكن الأطفال هم كذا ..

^^^

للأسف أنت حسبت الدخل اليومي على أساس أنه ربح وهذا غير صحيح

لو كان الدخل اليومي 200 ريال فصافي الربح 60 إلى 70 ريال فقط

طالبات الابتدائي ما يصرفوا في المتوسط أكثر من 4 ريال ولو فرضنا أن 150 طالبة تشتري يومياً رح يكون الدخل 600 ريال والربح 180 إلى 200 ريال

الإيجار مبالغ فيه والمفروض يكون 1000 ريال بالكثير