تجربة تفيدكم إن شاء الله ..في عالم النصب والاجتيال ..

بسم الله
قدر الله وعرضت ساعة للبيع في موقع السوق المفتوح . وبعد يومين جاني هذا النصاب على الوتس برقم امريكي .ماكان عندي خبر عن الأرقام الوهمية بعشرة ريالات . ساومن على الساعة وطلب صور لها واتفقنا .طلب مني اشحن الساعة على نيجيريا . و طلب رقم حسابي البنكي . وقال اشحن الساعة بينما احول لك المبلغ . يوم الخميس وآخر الدوام . واشترط
يتم تحويلها اليوم . توقعت الحوالة بتدخل حسابي فورا . ومن حرصي لأني مطفرن وماعندي إلا 200 في جيبي قلت ابيعها و لا استلف من أحد . وأنا في البريد جاني إيميل بالحوالة . البريد العصر وبيقفل . غامرت وشحنت الساعة خمسة ريالات دفعها موظف البريد من جيبة .ههههههه .رجعتها له بعد كم يوم .في الليل صحي عقلي وبديت أصارع الظنون. وأراجع الواتس والإي ميل . تواصلت مع النصاب . تواصلت مع ولدي متخصص حاسب وأكد لي فداعتي هههههههه. حاولت أوقف الشحنة عن طريق البريد الممتاز لكن من يوحيك . يوم السبت رحت اعطي الرجال الخمسة ريال . و عرفت منهم أنها صارت في حوزة DHL وأن ربعي في البريد الممتاز ماعندك أحد . تواصلت مع الدي اتش ال وطلبت ارجاعها . حاولوا من البحرين لكن طلعت على الرحلة .من المانيا بعد منتصف الليل جتني رسالة ععلى الجوال برابط . دخلت عليه واكملت بياناتي وصورة الهوية .كلموني وقالوا لي لقد تم ارجاعها وقريبا تصلك . وصلت البريد الممتاز في مكة الجروشي مول .وجتني رسالة بالحضور للتسليم .ياجماعة ردوها من حيث انطلقت من الشرائع . أبو . عيو . رفضوا . حسبي الله عليهم . رحت استلمها و اتضلم كما تظلمت في توتر . طلعت للمدير وليتي ماطلعت . دخلت مكتب يعج بالدخان . ثالاثة ايام مصدع من الجيوب الأنفية . المدير مشغول ...... . طلع لي علاء رجل محترم وسمع مني أسفي على تدني خدمان البريد والممتاز بشكل خاص و طيب خاطري بكلمتين و طلعت من عندهم وقلت توبة أتعامل مع واصل والممتاز وغيرها من الخدمات المتردية . وتوبة أبيع شي ماوصلتني دراهمي ي الحساب .
حبيت اشارككم هذه التجربة . ورجاء لا تاكلوا لحمي لأنه مر مايفيدكم ههههههه.