بسم الله الرحمن الرحيم السلام عليكم ورحمة الله وبركاته الموضوع باختصار اشتريت خزان فيبر كبير بحجم 15 الف لتر بديل للخزان الأرضي أخذته من شركة المهيدب فرع عنيزة قيمته 6400 ريال وعليه ضمان عشر سنين بعد ماكمل أقل من ثلاث سنين صار فيه شرح بالقاعدة وبدأ يسرب الماء كلمت مسؤول المبيعات في مكتبهم وطلبت تغييره على الضمان قالي مانغير لك شيء فقط تصليح وتلحيم قلت مفروض تغيرونه على أساس الضمان قال خلنا نرقعه لك وبيرجع مثل الجديد وحاول يبتزني ويطلب أجرة العمال 150 ريال !! رفضت وقلت ولا ريال تصلحونه ولو مانفع تغيرونه أو اشتكيكم على وزارة التجارة المهم رقعوه بغراء لونه أبيض بعد مافرغته من الماء ويوم صب الماء من المشروع وامتلى الخزان حصل تهريب بنفس المكان لكنه أخف شوي كلمت المصري المسؤول وقلت له مانفع شغلكم قال نرقعه مرة ثانية وأنا رفضت نهائي وطلب تغيير الخزان قال ماعتقد تقبل الشركة التغيير ولو قبلوا يغيرونه لك لابد تدفع فرق استخدام حوالي 2000 ريال !! أنا قفلت معي وقلت خلاص وعدنا وزارة التجارة ولا أبي منكم شيء اتصلت على الرقم المجاني وكلمت الموظف وشرحت المشكلة سجل إفادتي وقال انتظر اتصال من مندوب الوزارة بعنيزة وجتني رسالة بالجوال وفيها رقم الطلب الحقيقة ثقتي معدومة بالقوانين عندنا وخصوصاً ما يخص حماية المستهلك هل فيه طريقة أقدر اجبر فيها شركة المهيدب على تغيير الخزان على حسابهم ؟! ونصيحتي للجميع ابتعدوا عن خرانات المهيدب واختاروا أي شركة ثانية بانتظار شوركم لا هنتوا