قلت له : سامولك وادعمك لكن على شرط !

وفقك الله .... أحسنت الطرح لموضوع جميل وهادف ............. نعم ، ما ذهبت إليه و ذهب إليه الكاتب و عين الحقيقة .... بورك فيك

شرطك صحيح

ومعمول به من المؤسسات التجارية

خهخخخخهه صدقت اذا قلت بشاركك زعل جدا

اعرف سعوديين فاتحين محل داخل مجمع لبيع معدات الكمامرات الرقميه
تكلفه تصميم الديكورات 80 الف غير البضاعه اجمالي التاثيث 420الف
6 اشهر نفسياتهم تعبانه لايوجد بيع مذكور والمحل الملاصق لهم طق عصي
لما جيت اشوف السبب لقيت اخطاء منها ملصقات الدعائيه للكمرات الرقميه مغطيه على واجهه المحل 2 باب المحل مسكر وليس مفتوح الديكور لايتناسب مع ديكورات السوق

3 تعاملهم فيه جفاف حاد ورسمي جدا

شالو ملصقات الاعلانات وشالو طاوله مسكره على اكثر من نص قزاز المحل

عندهم ماده بس ما عندهم خبره عدلته معهم بعض الاشياء المهمه ورحت من عندهم ونسيت السالفه في 22 رمضان رحت بالصدفه احد بطاريه والقا محل عليه زحمه كن فيه مضاربه ولما دخلت اشوف الناس تشتري ولا فيه مصاربه ولا شي وجيت ابطلع الا ويمسكني واحد من يدي يقول وين تطلع والله ما تطلع وناظر الا وهو مبتسم نفس ذاك الي كان تعامله رسمي وجاف
جتني هداياكامرات وخصم مدى الحياه وصارو اصدقائي

عشان تدخل مشروع لازم تكون عندك اساسيات

من الممكن ان ابوهم هو الي فتح لهم المحل بس لان ودهم يشتغلون عندهم خبره في انواع الكامرات بس ماعندهم خبره في التسويق وطرق العرض

لما تلاقينا بالصدفه اكتمل الجزء الناقص في نجاح المحل

مشكله السعوديين بينهم وبين الابتسامه والترحيب في المحلات عداوه وهذا سبب لعدم اقبال الزبائن
ان كان هذه القصه بسيطه ارجو ان تستفيد منها

حلولك ممتازة بصراحة .. كيف تستأمنه على مالك وهو ماله صبر شهرين يتعلم اصول الشغله

بصراحة موضوعك جبااااااااااااااااااااااااااااااااااااااااااااااااااااااااار

وفي الصميم

وفي الجبهة

عجبني جدا !!!

فكرة ان يتعلم العمل ف نفس المجال بصراحه فكرة عبقرية وبنفس الوقت عملية ومفيدة وبها من الحرص الكثير .... لكن فكرة خفير على باب بيتك العفو منك فكرة فيها ذل ومهانه ومنه :)

الادفايزر = حياك الله واشكر مرورك
انور = شكرا لك
الامبراطور = بعضهم يبي فلوسك ولا يبيك - رضى الناس غاية لا تدرك
fif2 = شكلك عندك تصور جيد لعناصر الجذب التجاري .. قصتك مفيده واشكرك على طرحها .. وفعلا : المثل يقول لاقيني ولا تغديني ..
وسيط : جميل انك تتفق معي .
النود : يعطيك الف عافيه .. هذا من ذوقك
واحد1 : طالما ما رضى يتعلم , فلازم ينضغط صح , فاما يتنازل ويتواضع ولا يزعل وتتخلص منه .. لما يتولى فلوسك وتصبح رقفبتك في يده فحتمر بنفس مشاعر الضغط

الافكار كثيره لكن التطبيق على ارض الواقع كل شي يتغير
زي اللي مامعه فلوس تحصله مخطط لمشاريع واذا جته الفلوس معد عرف ايش يصلح

في الاساس انت لن تشارك احد لسواد عينه ولن تشاركه صدقة لوجه الله صح ولكن ستشاركه لو اقتنعت بالمشروع وبارباحه لذلك نرجوا ان نتكلم بصراحة اكبر انك تقول له اعمل خفير لدي او اعمل لتتعلم الشغلة فليس لك حق في ذلك ام ان توافق او ترفض وهو اما ان يوافق او يرفض انت تقول كيف تستامنه على فلوسك طيب هو كيف يستامنك على فكرته ربما بعد ان ينجح المشروع تقول له مالك شي عندي مثلما حصل معي حسبي الله ونعم الوكيل بعد ان منحك فكرته وجهده وثقته بعد الله من المفروض ان تشتغل عنده لكي يتاكد من مصداقيتك وحسن نيتك انا اقول لك كن حسن التعامل مع الناس وظن بالناس الخير وكتب الله الخير للجميع وفقك الله

اديلو: الافكار كثيرة والرزق في كل مكان .. المشكلة في كيف يختار الشخص مجال يناسب طبعه ويناسب اهتماماته ومهاراته !
ابو مخ ذهبي : المثل يقول كل حر في ماله / من حط عينه على فلوسي فليسمع كلامي ايضا وينفذ شروطي ... والباب ياسع لالف جمل !
واللي خذ فكرتك وجحدك فذلك لانك لم تؤمن نفسك وتوثق تعاملك معه باوراق تثبت حقوقك .. وانت الآن تستكثر على غيرك ان يؤمن ماله حتى لا يطيروا به كما طاروا بفكرتك ..

...
تحياتي للجميع

والله ياليت انك من جماعتي ولا تقرب لي
عندي افكار واشتغلت في كم شغلة بس ماعندي محل مع اني موظف بس التجارة افضل بكثير بس نمسك وظيفتنا الين الله يفرجها
الله يوفق الجميع يارب

وش اشتغلت فيه يابو نايف ؟؟

يالاجودي يالطيب ..

موضوع جدا ممتاز ..


ولي مشاركة بسيطة من واقع (عمل وتجربة) لعل(* الله سبحانه وتعالى*) ان ينفع بها ...


تعلمت درسا من واقع التجارة منذ نعومة الطفولة ):


التجارة هي (مثلث ذهبي ) يجب ان تتساوى فيه جميع الاركان حتى تكون تجارة ناجحة

والاركان (الاساسيات) هي :


1- الخبرة والاتقان : عامل مهم جدا حيث يقود للاحترافية (فانا اعلم وانت لاتعلم) والفرق انني ( اعرف اكثر) ....


2- راس المال : عامل مهم جدا .....


3- العلاقات التجارية : فكلما كنت تتمتع بعلاقات في وسطك التجاري وعلاقات بحجم كبير كلما كنت اقرب للنجاح وانتهاز الفرص المناسبة من خلال مجتمعك .



وبالتالي تكون الاضلاع الثلاثة هي مقومات اي نجاح لاي مشروع ولكن (* سبحان الله تعالى*)
تجد اشخاص لديه راس مال وليس لديه خبره او العكس او ان تكون له واحدة من هذه الثلاث او اثنتين

فان تصادقت النوايا الحسنة كانت سبب في النجاح والمشاركة الهادفة



تمنياتي للجميع بتجارة ناجحة باذن الله تعالى .....

سي دي كارد -- اضافة قيمة وجميلة , الف شكر

العفو يالاجودي (: ....


ارى ان التجارة فن وليست مهنة ...


فالتاجر الحقيقي من يبدع في رسمته وبذوقه والوانه وابداعته ... ..


وشتان بين فنان وفنان ...

تحياتي

يا احودي الكل حر في ماله صدقت ثانيا اذا طاروا بفكرتي لا تخاف هذه دنيا زائلة ويوجد الله لا ينسى من ظلم من عباده ومن اكل حق احد ومن يغش الناس ومن يستكبر ويعلو في الارض وثالثا لو كان عندك فوس اصلا لأنه اللي عنده مال يكون عنده فكر يستخدمه ويستثمره ومين وضع عينه على مالك انت عرضت والناس يردون عليك لكن اذا فهمت هذا بطريقة ان الناس ينظرون الى مالك فهم بنفس الوقت سيبذلون الجهد مقابله لن تعطيهم المال ببلاش صح فحاول بارك الله فيك وحفظك صفي نيتك وتعامل مع الله قبل ان تتعامل مع عباده يارب يارب احفظ عبدك احودي وطهر قلبه ونور قلبه وصفي نيته ونور بصيرته امين يارب

لا تخاف في الدنيا ولا في الاخرة الذي يذهب سيعود لك بالافضل فالله خير الحافظين

وجزاكم الله خير

السلام عليكم
بإخوان قدر الله وتوفت الوالده وعليها دين الحين لها5شهور عجنا نجمع مبلغ قدره 25الف ريال الي له القدرة بشي بسيط ع الخاص الله يجزاكم خير ومنى الا ع الاجر

الله يعينك اخوي تركي ويفرج همك ...

اخوي جولدن مافهمت وش تقصد بطرحك في موضوع الافكار ؟

والمعذرة اخوي اجودي حابب اشاركم في مثل هذه المواضيع ....

تحياتي ..

الي عندة مليون ريال ويقدخل معي شريك تاجير عمال يجي خاص

ارباح مجزية جدااا