مساكم/صبحكم الله بالخير شلت لي قبل فترة واحد يماني من النقل الجماعي اللي بالعزيزية يقول كنت أدرس بالجامعة باليمن ويعدين صارت ثورة وقفلوا المدارس في اليمن وجيت السعودية.. الرجال أهلة هنا أمه وأبوه وحياته كلها هنا بالسعودية ،، المهم قمنا نسولف أنا وياه وندردش قال لي أنه كان شغال بشركة وحول لي صاحب الشركة 45000 ألف ريال عشان أشتري فيها أغراض للشركة ورحت للبنك وأستلمت الفلوس وأخذتها وطلعت بالسيارة ومريت أحد المحلات وخليت الفلوس بدرج السيارة يقول والله مااخذت الا 5 دقائق بالمحل يوم رجعت للسيارة لقيت القزاز مكسور وماخذين الفلوس الحرامية ..يقول اليماني تبهذلت مع صاحب الشركة اتهمني اني انا اللي أخذت الفلوس وقعدت فترة مراقب ..يقول لي اليماني شكل الحرامية مراقبيني بالبنك وشايفيني يوم أخذت الفلوس ولحقوا وراي ماصدقوا اني وقفت وسرقوا الفلوس.. نصيحة : اللي يصرف فلوس من البنك يخش على مدير البنك ويصرف من عنده لايروح البيت على طول ويطالع وراه يشوف في احد يلاحقة ولا لا .. خليكم حريصييييييييين ..!! ^^ سواق ليموزين _ من المكافحين بالحياة ^^