اي استفسار ( استفسار ) وليس تقديم خدمه او تعقيب .
استفسر عن اي شي يخص السجلات التجاريه
بما انني احد منسوبي وزاره التجاره السجل التجاري وبما ان الكثير من الاعضاء يطرح بعض الاسئله في المنتدى لذا قررت طرح الموضوع
طبعا انا متواجد يوميا ارجو عدم ارسال الرساله على الخاص ارجو تفعيل الموضوع من خاصيه الردود
اي رساله على الخاص راح اتجنبها
تحياتي لكم
وونتظر مشاركتكم
بالتوفيق
أبوفصيل2
حياك يالغالي
بالنسبه لمواد البناء هذا سجل مستقل عن المقاولات يعني بيكون فرع او انك تتنازل عن المقاولات وتعدل من مقاولات الى مواد بناء
اذا كنت بتستخرج فرع احسب على كل سنه 100 ريال وغرفه تجاريه 330 ريال
واذا كنت بتعدل المقاولات الى مواد بناء ادفع فقط 100 ريال
المطلوب التعديل عن طريق حضورك في الوزاره
استخراج جدديد وانت من اهل الرياض عن طريق النت
تحياتي لك
سبارتي
حياك اخي الكريم
التجديد لك خيارين الاول ياتروح للوزاره وتنتنظر وتجدده
او انك تجدده عن طريق النت موقع الوزراه الخدمات الالكترونيه وراح يوصلك في اسبوع وفيها
اعلى مده للسجل 5 سنوات
الرسوم للسجل الرئيسي ( الاخضر ) 200ريال لكل سنه
الرسوم للسجل الفرعي (الازرق ) 100ريال لكل سنه
تحياتي لك يالغالي
ابومحمد201011
حياك اخي الكريم
احسن شي تروح للوزاره كلها 10 دقايق ويبين معك كل شي وموضوعك سهل
تحياتي لك
ابوعبدالله1112
حياك اخي الكريم
تلغيه بدون رسوم لاكن اسحب برنت من الجوزات افضل لك والمفروض العقارات مايحتاج برنت بس عشان ماتطيح في موظف وبعد كل الانتظار يقول رح جب برنت لان البرنت للمقاولات وغيرها بس الاحتياط واجب او ادخل على المدير العام اذا ردك
وخذ السجل معك اوصوره من السجل وانت واقف يشطبونه لك
تحياتي لك
الاخ ابو فرج
انا عندي سجل تجاري صارله سنة وما فتحت فيه اشتراك بغرفة التجارية
واللحين بفتح سجل فرعي ..
هل علي غرامات لاني ما فتحت اشتراك غرفة تجارية وماهي متطلبات افتتاح السجل الفرعي من ناحية الاوراق وهل ياخذ وقت
شكرا لك
سعد66
حياك اخي الكريم
بالنسبه للاشتراك هو ينتهي كل نهايه سنه ميلاديه يعني لو تاخر السجل لحتى تخلص السنه الميلاديه وتدخل في السنه الميلاديه الجديده يكون اوفر لك لانك بتشترك شهرين الحين وانت دافع حق سنه
ولا فيه غرامات مادام انك ماشتركت يحسب اشتراك جديد
الفرع عن طريق النت بس لازم يكون السجل اللي معك ساري المفعول واشتراك الغرفه ساري المفعول
والوقت على حسب بعد ماتسدد المبلغ احسب 3 بالكثير
تحياتي لك
انا بفتح مشغل وقالو لازم سجل تجاري
طيب مو كذا بيحسبون علي اشتراك ورسوم وزكاة او بدون
واذا بغيت اطلع السجل اسجله عساس موسسه تجاريه او كيف
اقصد الرئيسي
او يكفي تصريح مشغل
سعد66
حياك اخي الكريم
بالنسبه للاشتراك هو ينتهي كل نهايه سنه ميلاديه يعني لو تاخر السجل لحتى تخلص السنه الميلاديه وتدخل في السنه الميلاديه الجديده يكون اوفر لك لانك بتشترك شهرين الحين وانت دافع حق سنه
ولا فيه غرامات مادام انك ماشتركت يحسب اشتراك جديد
الفرع عن طريق النت بس لازم يكون السجل اللي معك ساري المفعول واشتراك الغرفه ساري المفعول
والوقت على حسب بعد ماتسدد المبلغ احسب 3 بالكثير
تحياتي لك
++++++++++++
شكرا على الرد
انا ما اشتركت بالغرفة التجارية لسجلي الرئيسي لاني ما احتجت الاشتراك للحين
وسجلي التجاري الرئيسي صلاحيته 3 او 5 سنوات وصارله سنة بس مطلعه
اللحين بطلع فرعي هل لازم اشترك بالغرفة للرئيسي القديم والفرعي الي بطلعه
ابو فرج
الله يفرجها لنا ولك بكل خير
انا ابي سجل تجاري باسمي لكي انقل عليه عماله متواجده بالسعودية ماهي المتطلبات
مع كل من :
وزارة التجارة كم الرسوم
الغرفة التجاريه كم الرسوم
وكذلك مصلحة الزكاة له لها علاقه وكم الرسوم
التامينات الاجتماعية بما ان العدد يزيد عن عشرة اشخاص
ومكتب العمل وكم الرسوم
والبلديه
والجوازات
امل منك التكرم بشرح المتطلبات تفصيلاً
شاكر لك
عندي سجل تجاري ومشترك غرفه تجاريه ما كمل سنه وبلغيه كيف
الجوهره2
حياك الله
بالنسبه للسجل نعم بيحسبون عليك زكاه واشتراك غرفه تجاريه وهو يطلع مشغل الجوهره مثلا النسائي
او الاسم الي انتي ا خترتيه
والسجل يطلع بموجب تصريح المشغل
تحياتي لك
سعد66
حياك اخي الكريم
الاشتراك بالغرفه اجباري وليس اختياري اذا انت مااشتركت فانه سقط سهوا
والحين بيخلونك تشترك عشان تطلع الفرعي وبتشترك في الرئسي والفرعي عشان كذا اصبر عشان يكون اذا دفعت مبلغ تستفيد منه لسنه على الاقل
تحياتي لك
عادى
حياك اخي الكريم وشاكر لك حسن ذاتك
بالنسبه لوزاره التجاره ابشر بالرد باللي اقدر عليه اما الجهات الاخرى اسمح لي لان ماعرف في انظمتها ومتطلباتهم
السجل عن طريق النت موقع الوزاره الخدمات الالكترونيه ادخل وسجل وبعدها ياطويل العمر ادفع الرسوم ويوصل السجل لعندك
الرسوم اول مره تطلع سجل 200 ريال لكل سنه ويعتبر هذا السجل رئيسي واي سجل يطلع بعده يسمى فرع ورسوم الفرع على كل سنه 100 ريال
طبعا اعلى شي 5 سنوات واقل شي سنه
بالنسبه للغرفه التجاريه 900 ريال للرئيسي اذا كان مقاولات او تجاره او عقارات اما غيره مغسله او مطعم اوووو بيكون 330 على حد خبري
بالنسبه للفرع على كل سنه 330 + مسك دفاتر 115 المجموع 445 ريال
طبعا الغرفه تشترك سنه واحده فقط وبعدها تجدد
باقي الاستفسارات نتمنى من احد الاعضاء اذا كان فيه احد من مكتب العمل يدخل ويفيدنا
تحياتي لك يالغالي
ايش اختار عشان يكون رئيسي
للتجاره
للخدمات التجاريه
التجاريه
وايش الفرق بين ال3 اسما هذي
يعني اول ارخص للمشغل من البلديه ولا اول اطلع السجل
wizard_2012
حياك الله
بالنسبه للشطب يالغالي اسحب برنت من الجوازات ان ماعندك عمال لان اهم شي مايكون عندك عمال في المؤسسه وبعدها ياطويل العمر والسلامه خذ السجل وبطاقتتك ورح للوزاره ويشطبونه وانت واقف
اذا كان عندك عمال انسا تشطبه الا انك تتنازل عنهم او تخرج لهم نهائي وبعدها تروح لهم
تحياتي لك
وهذا حسابي بتويتر وابشرو بالردود السريعه
@fhfsh
name مختص سجلات تجارية
متواجد دائما \
بالنسبه لموقع مستعمل متواجد من الصباح لحتى الظهر ماعدا الخميس والجمعه
تويتر اي وقت \
تحياتي للجميع
السلام عليكم
عندي استفسار بسيط بخصوص اصدار السجل التجاري
اللي يبي يطلع اكثر من سجل لكل سجل نشاط مختلف
مثلا السجل الاول للمقاولات والثاني للتجاري والثالث للنقليات
سؤالي عن الاسم التجاري
عادي يكون اسم ثابت بس النشاط يختلف لكل السجلات يعني مثلا الاسم مؤسسة الرياض
السجل الاول مؤسسة الرياض للمقاولات والثاني مؤسسة الرياض للتجارة والثالث مؤسسة الرياض للنقليات
هل تصح هذه العملية ام انه لازم لكل سجل اسم مختلف ؟
وشكرا
Golden-Co-Ltd
حياك اخي الكريم
نعم الاسم ملك لك اي سجل تبي تستخرجه تحط الاسم نفسه مثل ماقلت
الرياض للنقليات
الرياض للمقاولات
الرياض للتجاره
الرياض للعقارات
مادام ان الاسم سجل لك باسمك خلاص تحط اي مؤسسه بنفس الاسم ولو حبيت تنوع بالاسماء ماعندك مشكله والله يعينك تحجز الاسماء
تحياتي لك
السلام عليكم اخي الفاضل وجزاك الله خير على الموقع عموما انا ارغب بفتح مشغل هل يحتاج استخراج سجل تجاري
وعليكم السلام تحياتي لك
بالنسبه للمشغل لابد استخراج الرخصه من البلديه اولا
وبعد استخراج الرخصه تستخرج السجل اذا حبيت تستقدم عماله مكتب العمل يشترط سجل اما البلديه لاتشترط سجل
تحياتي لك