عندك مشكلة في الفورد ؟ تبي حل للعديد من المشاكل ؟ تعال هنا

أول شيء الله لايحرمك الأجر على هالموضوع ومساعدتك لاخوانك..
ثانيا .أنا مطلع كراون فكتوريا2011 وكالة دوبه الآن مشى 1000كم )خليجي وباقي تحت الضمان بس ودي أستفسر منك بخصوص بعض المشاكل عندي في السيارة
1-الموتر يطلع فيه صوت تشويش مزعج(زي صوت التماس )من عند القزاز الخلفي ويزيد كلما زدت السسرعه وفصلت الأسلاك المشبوكة في القزاز وما فيه فايده بس ماأدري لايكون السبب انهم لما ركبو التضليل جرحو الأسلاك اللي في القزاز فوش رايك
2-لما أصك الباب أو آخذ مطب يطلع صوت من العارض اللي بين باب السواق والراكب الخلفي (جهة الحزام) صوت ززززززز
3-في صوت قربعة وطقطقة واضحة وقويية(كأنه صوت حديد يضرب فبعض) أحسه من جهة االسايق مع المطبات والحفر وااسسيارة وكالة!!!!كأني في ددسن 73:(
4-السيارة بدون مبالغة فيها قساوة عالمطبات والحفر كأنك في شاص يعني شيء غريب جدا مع اني اذكر الفوردات القديمة كانت راحتها مثل ال يخت !!
5-عندي تشويش في الرادي
ملاحظة..كل شيء في السيارة ذي مشوش ويقربع ويطقطق مدري وش السالفة؛( خخخ
وأنا ناوي أوديها الوكالة بس ماودي يضحكون علي ويطلعونها زي مادخلت
ولك جزيل الشكر والدعاء والشهر عليك مبارك

السلام عليكم
هذا سؤالي لك قبل شهر

299. بقلم: إسماعيل

قبل شهر


السلام عليكم
لو سمحت اخي العزيز لدي مشكله في التحكم بالمكيف
السيارة فورد فكتوريا مواصفات امريكي 2008 اصبحت التهويه تتغير بين وقت واخر
وفي الاخير اصبحت التهويه فقط من عند الدعاسات والتهويه العلويه بشكل دايم ولا يقبل التغيير ابداً
هل عندك خلفية في هذا الامر ؟
علماً اني لم اعرضها على احدى الورش
ودمت بخير

وهذا جوابك لي

318. بقلم: xpoldx

قبل أسبوع ويومين


299. بقلم: إسماعيل


300. بقلم: aazooz20 قبل أسبوعين و5 أيام


قسام التهوية مايكلفك 20 ريال

ولكن المشكله
ابي اغير قسام التهويه ومالقيته في محلات قطع الغيار والكهربائي يقول قسام التهويه اركبه لك ب150 ويكون القسام خلف التحكم بالمكيف

السؤال
هل كلامه بخصوص موقع القسام صحيح؟
وهل تنصح بالقطعه من التشليح ؟
لأني لا افضل استخدام القطع الكهربائيه المستعمله

وأخيراً
قريت في احدى المنتديات طريقة توصيل وتعديل بحيث ان يكون خروج الهواء بشكل دايم من الامام وينصحون بها بشدة وينصحون بعدم تغير القسام حيث انه غالباً يتعطل بفترة بسيطه

هل هذا صحيح ؟ ومارأيك بالطريقه ؟

السلام عليكم ورحمة الله
مشكلة في فورد اكسبدشن 2008
من فترة المكيف الافي عندي يشتغل من تحت اما من فوق مافي هوا
ايش الحل ياغالي؟؟؟؟

اخي عندي جيب 2008 تويوتا فكيت مروحة المكيف الامامي وركبت واحدة من التشليح فصل الكهرباء عنها وفصل الكهرباء عن لمبة الغمارة الداخليه اخي وش المشكله

عندي تويوتا صالون 2008 جي اكس ابغي احول البرمجه بحيث اذا فتجت الباب والريموت غير موجود تطفي السيار من يصلح البرمجة هاذي

السلام عليكم
اخوي انا عندي لينكون 2002 اموره زينه ولله الحمد ولكن فجأه في بداية رمضان صار عندي لخبطه في السياره مثلا تولع لمبات الاي بي اس والتشيك تراك والاوفر درايف واذا طفيت السياره وشغلتها تروح اللمبات وتصير طبيعيه المهم فصلت البطاريه ورجعتها وبرظو نفس الحكايه لازم اطفي واشغل السياره الله يحفظك قولي وش اسوي علما بانه السياره صارت احسن من اول يعني في الاسبوع تولع اللمبات مرتين او ثلاثه وخفت بعد ماجاني احد الاصدقاء وقاعد يلعب بالسويشت يطفي ويشغل ويسوي حركات وخفت بنسبه كبيره جدا
السياره نظيفه مافيها مشاكل كهربا او تعديلات كان اول تصير لي نفس الحركه ادا كنت مسافر بس بمجرد ماطفيها خلاص انساها لين السفريه اللي بعدها ,,,, اتمنى وصلت المعلومه
وجزاك الله الف خير والله استفدنا كثير من موضوعك هذا الاكثر من رائع والمفيد

السلام عليكم و رحمة الله و بركاته
عندي فورد فيكتوريا ستاندر 2007
اشتكي من صوت صرير متواصل في القير
خفيف جداً يبان مع دعس البانزين
التبديل ممتاز. وتم تغيير الفلتر والزيت
والصوت باقي
واحد قالي صوف عمود غيرتها وما زال الصوت
واحد قال لي يمكن طنجرة ! و الصوت يشبه
صوت صرير كيبل ساعة السرعة ( القيج ) في سيارات أخرى
زرت تراي ستار وساقها المهندس وقال القير
اوكي
بينما انا رفعت السيارا في ورشه وعشقتها
يبتدي الصوت في سرعة 60 مع الدعس
ويختفي في حال رفع القدم عن دواسة البنزين

أرجو الإفادة
وجزاكم الله خير الجزاء
أخوك
ابو عبداللطيف

السلام عليكم ورحمة الله وبركاته

اخوي عندي لينكون تاون كار 2002 دايما اذا كنت في سفر وماسك خط بعد ميتين ثلاثمائة كيلو تبدأ روائح بنزين قوية من المكيف حاولت اعالج المشكلة كم@مرة وقفلت فتحات التهوية لكن نفس المشكلة مستمرة

أسأل الله ان يوفقك لايجاد الحل
وجزاكم الله خيرا وعلما

السلام عليكم
أخوي ابو فيصل
بالنسبة لللخبطة الي تصير معك بالكهرب اذا زي ما تقول كل ما طفيت السيارة تروح وبعدين ترجع
أنا انصحك أولا تتأكد إذا انت مركب شي كهربائي جديد بالسيارة مثلا شاحن جوال سيارة تستخدمة أو لمبات قوية أنور امامية أو خلفية لأن الي يصير معك من شي انت كل ما استخدمتة يلخبط السيارة عليك بالكهرب والفورد واللنكن عموما حساس من ناحية الكهرب جداً أدنى شي يأثر عليه
فإذا كان عندك شاحن سيارة لا تستخدمة وغيرة وجب أصلي ولو كان غالي عشان ما يلخبط عليك بالسيارة وبعدها افصل اصبع البطارية ساعة أو أكثر من ساعه بعدين جرب وشغل السيارة وشف وش يصير معك .......

أخوي maskman
عادة اذا كانت تدخل عليك ريحة بنزين بالسياره اذا عبيت السيارة فل أو كنت ماسك خط الريحة تدخل من الديكور مالها علاقة بفتحات التهوية هذا إذا كان صفاي البنزين متسدد ( الفلتر ) وتراه ما يضر الريحة زينة فقدة بدون ذنب :)

أتأسف من الأخ xpoldx
لكن شفت الشباب يتساءلون وما لقوا رد شكلك مشغول
وبحكم معلوماتي وخبرتي بالفورد البسيطة جداً حبيت أساعدهم ببعض النصائح وسلامتكم

اخوي khasang

جزاك الله خير

والله الريحة قوية جدا تسطل من جد

يعني المشكلة في صفاية البنزين؟ تنصحني اغيرها؟

تسلملي يالغالي والله بالنسبه للشاحن مركب ابو ثلاثه
وابو كلب بعد وبفصله ونشوف

انا عندي مشكله في الاكسبدشن2012 مايشتغل على طول يعطيني طقطقه اول اسوي له اشتراك يشتغل بسرعه البطاريه فل فحصتها قالوا ممتازه وش المشكله تكفون اخاف اروح الوكاله ياخذو دبل

ياشبابا ارجو مساعدة
انا عندي اكسبلور
القير كل مالي انقد عليه بين فتره وفتره التبديلات مثلا من الثالث الى الرابع كانه فوت وارفع رجلي عند دعسه من الخوف اني ارص على القير
يرجع مثل قبل زين
والبارح اذا عشقت دي يطلع صوت مستمر فقط وانا واقف
صوت قرقره قر قر قر قر صوت خفيف مع هزات بسيطه
واذا قمت ابي اتاكد ارجعه N ثم R ثم D تطفي
هالمشكله بس وانا معشق دي وواقف اسمع هالصوت احسن كأن العامود اللي يركب بالمكينه اول ماتعشق
يتحرك كانه ما سقط زين

الاكسبلور 2010 دبل قير

ونسيت اقول بعد
طلعت لنبة المفك بالشاشه وانا امشي وطفت المفك = مفتاح عشره = اصبانه

اليوم العصر رحت للورشه ركب المهندس ماصار فيها شي
بس بالشاشه طالعه رسمة المفك يقول غير زيت وفلتر اذا ماعمرك غيرت
السياره ماشيه 90 توني شاريها اعتقد ماعمره غير زيت القير يقول عادي غير تسعين الف مو واجد
المهم وانا راجع للبيت الموتر تغير ادوس بانزين ثقيل الموتر ويهز ذبذبات كانه جوال حاطه على الصامت وهزاز
وكل ما ادعس عليها يطلع صوت ذكرني بصوت مقود الكابرس اذا مافيه زيت نفس الصوت
كل ماله يرتدي حاله
انا اخبر لو زيت ناقص حق القير كان يتاخر التعشيق
بس هذا تعشيقه سريع

صوت مقود الكابرس اقصد علبة دركسون الكابرس اذا نقص زيت له صوت مميز

المهم القير ماعاد يبدل نمرات ويفضي
خرب توضيب