صدقتي ✔️👍✔️👍

صراحة صادقة هالبنت الكويتية ✅


✋
تفشي ظاهرة تصيب القلق و التوتر ..

( وحده تتكلم عن وضعها بعد ما حذفت الفاشينستات ) ..


تقول
بعد ما مسحت ( الفاشونيستات) ؛
صرت ؛
ذات تركيز عالي ... و صار مخي مجمع كل الأفكار الإيجابية ...
خف هوس الشراء او حاجة الاقتناء للي أحتاجه و للي ما احتاجه ...
خف هوس تجربة المطاعم ...
ردت القناعه و الراحة النفسيه و حسيت انهم مصدر قلق و استنزاف للمال و الوقت و الجهد ...
حسيت اني كنت في سبااااق مااادي ماله نهايه ... مرهق للتفكير .. 💰💸💵

حسيت اني اذا ما شفتهم انا مو updated .. و اني مادري مادري شنو بالديره ... و اهما اللي يعرفون كل شي و يعلمونا كل يديد و احنا بدونهم ضايعين ...

حتى لو حزتها ما ابي اجرب او ما ابي اشتري ... still ... يتخزن في مخي أن لازم أمر هالمكان او لازم اجرب هالمطعم ... او لازم اشتري من هالمحل او الميك اب ... !!

بالنسبه لي ؛ ⬇
هالشي متعب ..... حييييييل متعب ❕❕❕
الحياة مو كلها بلعه و مطاعم ... و لا كلها شنو تشترين و على شنو تصرفين ...
ضفت بدالهم ناس اثروني و الهموني ... تنمية بشريه ... تطوير ذات .. تطوير اسره .. و تطوير مشاريع ... مناظر حلوه ... دول جميلة ... قيم راسخة ... معلومات قيمة .. و تصوير ممتع للعين و النفس ...💜
لان اغلب البنات صاروا يظنون ان الحياة هي اللبس و الجناط و الجواتي و الميك اب والعطور و الفراره بالمطاعم فقط ... الكل يتابع عشان يتشبع من هالمعلومات ... افتقدوا القناعه و افتقدوا حس المصادقيه و افتقدوا القيم و المباديء ... و صار الهم الاكبر قشور ماديه ...❌

و نصيحة للي تحس بقلق ... تجرّب .. لان صج عقبهم راحة نفسيه و قناعه داخليه ... و بااااااال مرتاح 👍
و في علم الانسان .. اي شي تشوفه قبل النوم يتخزن بالمخ لليوم اللي عقبه ... و تصحين عليه و تفكرين فيه .. و اذا ما فكرتي فيه ... يتخزن في عقلج الباطن و تردين تسترجعينه ...

لا تخلون سناباتهم قبل النوم ... لان لها تأثير سلبي عليج و على فلوسج 😌
قبل النوم شوفي سنابات بعيده عن البلعة و المطاعم و التشري راح ترتاحين ... بعيده عن الماديات و القشور
شوفي سنابات تثري الجوهر و المضمون و تنور العقل و تطور الشخصيه ... 💌


هذي نصيحتي ... ♥
( و وجدك ضالاً فهدى )