شكرًا مطعم (( الشرفة )) على توعية الزبائن لحفظ النعمة

والله ما صرنا نعرفلهم

بعضهم صادق لوجه الله

و بعضهم يخليهم يتعاطفون على شان لا يخلصون البوفيه و يطلع عليهم بخساره بدل المكسب

مثل مطعم
باب الشام
بقايا الاكل يرجعونها للبوفيه داخل المطبخ يحاولون ما يخسرون
و حاطين مثل هاذي اللافتات في كل مكان حتى الطاوله حاطين عليها اوراق

اللي علينا نحسن الظن

لكن لو ان الكلام اللي تقوله عن مطعم باب الشام شفته بنفسك فالأولى انك تأصل بالبلدية وتسجل بلاغ

دعايه لمطعم فاشل

اجل ما لحقت على مطعم المزرعه ان وراء خريص موب قدام خريص وازعاج السيارات
الصراحه المطعم ما يشجع لوجوده عن محلات صيانه السيارات وقربه من مصانع كيف بيكون الطعم مثلا

هو لو كان من الخلف وحاط لوحه ممكن وزي ماهي في الصوره اغلبيتهم وافدين


ممكن يجيونه حقيين وكالات السيارات اما ان الواحد يفكر يجي مطعم قباله بواري سيارات انساااااااااااا

بالنسبه للصيغه المكتوبه في الاعلان خاطئه وغير احترافيه لازم تنساغ بلغه الشارع العام

يجب ان تكتب بلغه الرمزيه


شف الصوره رقم 5 مكتوب فيها
لاكن تذكر ان باقي صحنك يقلل من نصيب المحتاجين من باقي البوفيه فاحرص على الاجر

هل هذي صيغه اعلانيه تجاريه

انت تبي الزبون يجي ياكل ولا تبيه يشارك معك في الاجر ليس منطق تجاري للبيع

خله يشاركك الاجر بدون ما تكتبله كلمات نفسيه


f1f2
خبير في التاثير الاعلاني

لا أدرى لماذا الاساسيات يفقتدها البعض رغم انهم قطعوا شوطاً في النجاح
معروف عند الجميع إن أي فكرة يتم تكرارها بكثرة يتم تجاهلها رغم جمالها وتصبح مثار السخرية ..كما هي رسائل الاتصالات التى تحث على التبرع ةالتى اصبحنا مجبورين لاستقبالها بشكل يومي

أظن لوحة واحدة تصاغ بلغة جميلة تكفي لايصال الفكرة

شرفني مروركم

وكل عام وانتم بخير

بصراحة عجبتني الجلسات :)

وين مكان المطعم هذا .. وايش اكله .. ؟؟؟
والاسعار طبعاً :)

وهل قسم العوائل ايضاً كذا في الهواء الطلق ...... جميل بصراحة

اهلا بك عزيزي وسيط

مكان المطعم تحت كبري الخليج باتجاه الغرب قبل وكالة هيونداي

أكله عبارة عن قائمة طعام شرقي وغربي ومشاوي

وفي عطلة نهاية الأسبوع بوفيه مفتوح

الاسعار متوسطة

قسم العوائل بالهواء الطلق بالدور الثاني

وبالهناء والعافية مقدما ،

وياريت تشاركونا تجربتكم وتقييمكم

اخوان انا بغيت اروح له انا وزوجتي ولكن للاسف العوائل الدور الثاني مثل ماقال الاخ رخيص وكويس

88 ريال مستعد اوفر وجبه لعدد 8 اشخاص هذي ثمانين ريال وش اللعبه صارت خدمه ولا شوي طاولات الناس اكلهم مو اسهم ولا حراج

ال88 موب القضيه المكان فيه ازعاج لانه مقابل طريق خريص وادخنه السيارات

كان فيه مطعم اسمه المزرعه فيه حيوانات للاطفال وملاهي للبزارين وانت تاكل داخل بيت عريش من خوص منظر ينسيك موضوع الدفع لانك جالس في مكان ممتع وبزارينك في الملاهي الملاهي نطيطات واشياء ما تخاف على البزارين منها للاسف تقفل زيه زي المرابع الي يذكر المرابع اول قمه في الاستمتاع تاكل داخل خيمه يطرد فيها الخيل من كبرها وخدمات نفتقدها اليوم هذا المطعم ممكن ينجح اذا غير مكانه وصار خلف طريق خريص

شرفني مروركم