زميلي عزمنا على ذبيجه طبختها زوجته رايكم

مو شي غريب بالنسبه لي الحمدالله
مو طبخ بس لا عندنا لبن وهذاا مو موال طويل ولدتي علمت بناتنا وحريمنا

هذا متزوج وحده من جيل الطيبين

ودي أقول لها أولا الله يعطيك العافيه

وثانيا بالله وش نفع التعب والكرف لأمهاتنا الا آلام الظهر والركب والضغط والسكر وووو

الحمد لله دام فيه مطابخ ومطاعم الله لايغير علينا

وثالثا المطاعم تفننوا في طبخ الذبايح وشولو القلق والكركبة والقدور ووووو

تذكرت واحد مره عزمنا في بيته وحضر العشاء وقال ان الذبيحة من طبخ زوجته يبينا ننبسط

أقسم بالله مالها طعم ضيعت أم اللحم والرز حب اللهم لك الحمد : الحمد لله على النعمه

الله يكثر جنسها ، التعب منسي ، علما انها ماهي غريبه .
الغريب ان فيه احد يستغرب ، الواحد يحرص على بنات التربيه الأصيلة .
انا أتكلم عن اهل الباديه وأهل الحاضره ، الدنيا لازم لها خشانه ولاننسى اصولنا ، الدنيا الله يكفينا شرها ماهي دايمه لحد ، وحتى طبخ المطابخ من يضمنه كله كراتين بندول عشان ينجح بسرعه.

حسستني اني عايش بكوكب ثاني ...

وش اللي غريب بالموضوع ؟؟

اذكرو الله يا جماعه
سوت خير ولقت حسد ههههههههه

الله يبارك فيها ويعطيها العافيه ..ترى فيه بنات هاليومين ع شكل عجايز بس والله يرفعون الراس

فيه بنات قياديات يعطون اوامر وفيه بنات بالمطبخ محد يدري عنهم طبخ ونفخ وكرف

والله انو فيه بنات براد شاي ماتعرف

ووين المشكله ؟؟؟ بدل ما تعطي المطبخ 200 عطها لزوجتك , يكفي أن تاكل شي نظيف لان المطابخ ماتدري عنهم ,
ياشيخ عندنا حريم ولله الحمد تطبخ ذبايح مو ذبيحه بس هنا بالخليج الرفاهيه الزايده هي اللي خربت الرجال قبل الحريم ,,,

قولوا ما شاء الله
واذكروا الله

انت صادز .. بس وين الصورة طيب .. يبان الطبخ المنزلي من الطبخ الملفق .

يكفيك ان المطابخ يطبخون الرز من مرق ذبائح الله العالم اللي كبيره بالسن واللي فيها خوارج ..الخ

ماشاء الله تبارك الرحمن الله يوفقهم جميع

هذي امه دعت له الله يسعده
وهذه من جيل الطيبات مو جيل الوتساب الله يوفقك

ماشاء الله..

مع وبقوة رد 2


وش جاب لامهاتنا التعب وهشاشة العظام والارهاق .

الله يقويها...امي الى الان تطبخ الذبيحة بالمطبخ او بالحوش ..وتحوفها حووف ونساعدها..صرنا اكثر شي نوديها طباخ معروف ..200 ريال ولا تعب امي...مافي شي يحرز هالكرف كله اكل وماحد ميت جووع...وغالبا المكروفه زوجها مبهدلها والرفلا لها قدرر هالزمن غريب والله..


هذا رايي بصدق.

اذكرو الله على الحرمه لاتجي نفس احد فيك بهاء وتجيبون فيها العيد

اعرف شخص جاء يزور اهله بعد شهر العسل في ديرتهم وصل بعد العصر وكان ابوه رجال كبير في السن وماعرف ان ولده جاي .

دق الشايب على العامل بالمزرعة وقال جهز لنا الخاروف الاسمر الجذع قال المصري نص ساعه ياعم واجيبه مسلوخ للبيت وهو يتقهوا مع ولده جاء الخروف بالكرتون
جات البنت وسلمت على عمها ابو زوجها قال يابنتي عمتك تزور اختها ويمكن تأخر واطبخي عشانا قامت البنت وشالت الذبيحه هي وزوجها وبعد صلاة العشاء وعمتها داخله البيت وهي بالمطبخ تذوق المرقه جاهزة اللحمه وغاسله الرز جاهزه
انحرجت من زوجة بنتها ولكن اصحبوا عائلة وحده من خلال موقف واحد

حنا ذبحتنا الرسمية الرسمية الامور سهله الرجال يذبح والحرمه تطبخ والجيران يساعدون ونرجع لشعور واحساس الحياه الاول بدون تكلف

جيل اليوم

تطبخ الأندومي فقط

حسيت انك بكوكب وحنا بكووكب
.لحد يسمعك . بس

راحت الحرمه فيها خلاص شلل نصفي الحين اذكرو الله يابشر

ماشاء الله تبااارك الله
وهذي مو شي غريب عندنا خصوصا
وانا اعرف شخص تحدووه زملائه وكسب الرهان بعد ليلة الدخله
على عشااء ذبيحه والرهان
حجز تذكره لشخصين وتحمل تكاليف السفر ويحدده الزوج طبعا
والحصيل احلى 12 يوم في اوربا وحجز فنادق خمس نجوم وتحمل تكاليف المواصلات طبعا
واهو بس يجيب حقائبه ويركب الطائره

والله ما هو غريب عندنا ... ولا تطبخ 2 اذا جاء عندنا تمايم للاولاد .

يا اخي امر الذبيجة وطبخها سهل .. اذا الزوج عود بيته واهله على هالامور .


لا نلوم الزوجات بقدر ما نلوم الازواج .. الي عودوا انفسهم واهلهم على طبخ اليماني والهندي في المطاعم ولا تعلم ماذا يعلمون هناك .