ايش رايكم اشتري ديك

اقسم بالله بتعيش جو روحاني بوجود الديك. وبعدين يا اخي الديك ما يزعج احد والظاهر انه عندك قلب طيب وروحاني .. واشتاق لايام زمان ..

لاتاخذ ديك عربي يزعجك كل شوي مذن ماتدري وش جوه ..

أنا من عشاق الديك على خبرتي وتجربتي خلال 10 سنوات

شفت الأفضل الديك الكوشن يذن آذان بصوت خافت ولا يزعجك ..

أو النوع الثاني القطن بس صوته مرتفع شوي

خذ خذ ماحد سائل في صوته ازعج ولا ماازعج اذا اصوات الميكروفونات في اذان الفجر ماحد حوولك تبغي ديك يزعجك الناس اشتر الديك زين يكفي شكله في البيت يدخل البهجه وخذ له فرخه تونسه احسن

اشتريه بس خليه ع البايبريشن ..باوقات معينة هههههههه.. ربي يسعدك

مبروك مقدما

ولكن انتبه ترا فيه ديكه توقيتها غلط

تلاقيه يأذن الفجر الساعه 2 وبعضها الساعه 7

اهم شي تأكد من المذهب والتوقيت قبل الشراء

وان شاء الله نجتمع على سفره فيها كبسة للديك حقك هههههه

صراحه لي فترة افكر بالموضوع لكن مدري لو يتحمل الحراره بالحوش حوشنا مضرب شمس ما شاء الله تبارك الله ومدري لو يبيله مكيف ولا عادي شبك وخلاص الي عنده خلفيه يعلمنا

صدقني بتقتله والله اعلم ثاني اسبوع
المهم بيموت بيموت
قد سويت زيك وانا مقتنع اني خلاص بشتري ديك عشان احس اني من الطيبين
مادريت الا ثالث اسبوع قتلت هالديك
شريته بـ 200 ريال
عاد مدري وش نوعه
بس اذانه في اوقاته صراحه
لكنه ياخي مزعج
ازعجني وازعج الجيران
صار اي جار ماعاد يسلم علي بسبّته ههههههه
اذا تبي نصيحتي وبدون تحسبها سخرية؟؟
لأني اسويها اذا وقت العزوبية فقط
اشغل المنبه وقت العزوبية بصوت الديك ..

احياناً استهبل واحط اوقات غفوه بين كل 4 دقايق ينبهني الجوال بصوت ديك وانا اشتغل في البيت هههههههههههههه
يعني احس ان عندي ديك بدون مايزعج الجيران

موقف طريف ثاني قد سويته (مقتبس من فلم مصري لمحمد صبحي) خخخخخخخ
احط صوت جمهور واصوات حركات مرور السيارات اذا حسيت جو الحاره والشوارع حول البيت هاااادي
واتصفح الجريدة هههههههههههههههه

7. بقلم: فهد_التميمي

ههههههههههههههههههههه فديتك يا سمي وقسم بالله ضحكتني من قلب

شكلك اليوم رايق وفايق عسى دوم ان شاء الله

والله على طاري الديك ازعاج صح تحبه يوم يومين بعدها ودك تنزل وتشق حلقه خصوصا لو انت نايم متاخر او جاي من عزومه وتعبان تقول وش هالنشبه الى يصارخ

عموما اتفق مع السمي فهد اشترلك ساعه كبيره فيها منبه ديك او ساعه حقت الاولين

الى فيها عصفور صغير كل ما جاء الوقت يطلع العصفور من جوا الساعه يصفر ويزاعق ويدخل

عاد وقتها عادي لو تشيلك زنوبه وتصك الساعه ما فيها ندم لانك ما ازهقت روح هههههههه

الشي الثاني انصحك تشتري بلابل وكناري صوتهم بالصباح شي شي خرافي ولو مليت اعطيهم اي احد من اقاربك

موفق اخوي

واحد من جيراني اشترى له ديك
والله أني ادعي له ما شاء الله قبل الأذان بعشر دقائق يأذن غير انه خلانا نعيش جو القرية وننسى كآبة المدينة

اشد على يدك ولن تندم

اتوكل ع الله بس حطه بكراج لحاله عشان لا يطفش
وخبرنا وش يصير معك

انا من رايي تكلم جيرانك قلهم انا بشتري ديك ويأذن وذا سمعتوه اسالو الله من فضله
قلهم انا خايف يزعجكم وهم اتوقع يقبلونه ويدعون لك وهذا من حق الجار على الجار
والله اعلم

جزاك الله خير اخوي طبعا انا من سكان الجنوب وطبعا نسكن القرى وكنت اعشق تربية الدجاج كثير منذو طفولتي ثم جات فتره وذهبت للمدينه اي اني سافرت بحكم العمل لمده 11سنه مره وحده من الديره ثم رجعت للديره واتذكر اول ليله لي عند الاهل واللجماعه بل عند القبيله عندما انتصف الليل وسمعت الديك يصيح يؤذن على قولتنا سبحان الله ردني 11سنه للوراء اصواتها تتطرب والله اني اشتقت كثيرا لتلك الاصواتت سبحان الله العضيم سبحان الله وبحمده شكرا

يحليكم ياشباب وموضوعكم اسمحولي اشارك معكم
فيه واحد جته فكره انه يتاجر بديوك فجمع مايقارب 300 ديك وحطهم في شبك سياره ونيت بشكل قفص يقول اشتراهم من المنطقه الوسطى ماني محدد وذهب ليبيعهم بلكويت لانه ذكر له ان سوق الكويت جيد وبدئة الرحله وفي الساعه 1 بعد منتصف اليل وصل الى حفر الباطن فقال انام بعض الوقة هنا لارتاح وكان توقفه في برحه وسط حاره وفي الساعه الرابعه او عند دخول اذان الفجر اذنت الديوك بصوت واحد وصارت الديوك تردد الاذن مما اثار غضب اهل الحاره وكانو من البدو فا فزعو عليه بلعصي وقامو بضربه وتنكيل به وطرده شر طرده تمنا لكم التوفيق لاكن هل تعرفون شي اسمه الشرشح الشرشح كان زمان يوضع زنبيل من خوص النخيل ويربط فيه حبل من الطرفين ويربط الحبل في الجدران المتقابله في الحوش ويشد جيدا لتبات به الدجاج من اجل ان لاتستطيع القطط الوصول ايليه وذالك ايام بيوت الطين