إنسرق مفتاح سيارتي و أبي مساعدة

السلام عليكم
بتقدر تركب حبل حديد على الدركسيون مع الدعسة وبكون بقفل ...موجود بالسوق

شكرا لك على سرعة التجاوب .. بس وين بالسوق ( عند من بالضبط / في الرياض ) . ؟

لا هذي مايبيلها حبل لانك قد تتكاسل وتنساه او يتابعك حتى توقف عند بقاله او غيرها

انصحك غير البرمجه بمفتاح جديد وريموت جديد وريح بالك كذلك انصحك ركب بسيارتك جهاز تتبع

وحقيقه اللي مايركب بسيارته هذا الجهاز ماعنده سالفه هذا الجهاز يحدد لك مكان سيارتك وين وسهل التعامل معه وسعره مناسب

ركب سويتش مخفي يقطع الكهرباء عن طرمبة البنزين

وأتحدى الحرامي يقدر يشغلها

50 ريال عند الكهربائي

شكرا لتجاوبكم .. أبو هجير , و أبو حسام ...
بالنسبة للبرمجة ما مشي حالها لأن السويتش لازم يتغير كاملا , و أما السويتش المخفي فيمكن يكون حل مؤقت بس يبي له الواحد (( ما ينساه )) لمن ينزل من السيارة , حتى لا يطيرون فيها الحرامية ..... و الله المستعان .

بإنتظار حلول أخرى .....

أعود لتوضيح ما حصل لي بعد استشارتكم , و عمل بحث موسع عن الموضوع .
اتضح ان الوكالة طلبت شهرين لحين وصول السويتش الجديد من امريكا و بتكلفة 1400 ريال , فلا حل ابدا للموضوع الا بتغيير السويتش كاملا .
راسل ابني شركة خاصة بالسيارات الشفروليه , في امريكا و سدد لهم 600 ريال بالفيزا , و وصلني للبيت نفس السويتش اللي كانت حتجيبه الوكالة لأن له رقم خاص به , و ركبناه ب 200 ريال مع قص المفتاحين و البرمجة الجديدة للريموت , و خلال 16 يوما فقط . و الحمد لله على كل حال .
فقط للعلم .. مع الشكر و التقدير للجميع .

رح لمحل المفاتيح بالاستمارة ويقصون اك مفاتيح جديده ويبرمج لك السيارة على المفتاح ااجديد