السيارات المصدومة اللي يبخص يدخل

صامولي وين احصل السيارات الامريكية اللي عليها تأمين

طيب وين مكان المزادات اللي داخل احوشه بالرياض اعتقد كل يوم ثلاثاء ياريت وصف المكان وطريقة الدخول للمزاد

حبيب قلبي الاباتشي بالنسبة للسيارات المصدومة أن كان تقصد الي تجي من أمريكا

وفر فلوسك ووفر وقتك لأن الحين صارت ممنوعة ويشيوكون عليها الجمارك بالحدود يعني

ماراح تدخل لان مسجل عليها سالفاج وهي سيارات التأمين الأمريكية وأي سيارة تكون

بالشكل هذا ممنوع الحين دخولها حسب نظام الجمارك الجديد ولكن بالشارقة فيه

سيارات مصدومة بيبان أو رفارف او وجهيه والشاص سليم وماجاه شيء ويعاد تصليحة

هناك بالشارقة بالصناعية وبعدها يتم بيعها على العملاء ولو تبي أي أستفسار بالناحية

هذي أنا مستعد أساعدك ( كل شيء بحقه ) أنا موجود بالرياض وجووالي 0567063461

وأنا كنت وسيط بمثل هالنوع من السيارات الي تكون مصدومه صدمات خفيفة مدة

خمس سنوات ولي خبره بهالمجال

لا ابغى اللي هنا بالسعودية

اخوي الكريم في صناعية بين مخرج 17 و 18 ثلاث مراكز بيع سيارات مصدومه فيها خير واذا ودك اساعد في شي اتصل علي افيدك اكثر 0505493690

عزيزوف
الله يعطيك العافيه يقلون ان الحاير فيه سيارات مصدومه

نصيحة لا تشتغل الا بالأمريكي
الياباني بعد الحادث يروح خيره
الا اذا خفيفة
والأسعار لازم تكون بعناية

الله يوفقك

سلام عليكم
انا عندي سوناتا مصدومه
2011
فل كامل بصمه
اللون فضي
يبغالها رفرف وباب امامي يمين
وباقي البدي وكاله
المحركات سليمه والسياره تمشي وباحسن حال
الارباقات طالعه وصلحتها
االلي له رغبه يرسل رقمه خاص
حدي فيها
50

يبغالها رفرف وباب لا غير
50

(Deleted by administration)

الله يعطيكم العافية

يقلون بالحاير

اخي الكريم فيه المزاد الدولي الي على طريق الفحص الدوري لسيارات يبيعون لشركات التامين كلها مثل تكافل الراجحي والبنك الاهلي وجميع الشركات الي تقسط هذا أنا اشتري منه واصلح وابيع بس لا تستعجل بشرى لن الأجانب يطيرون السعر وانت مرهم وسجل جوالك برقم الرسائل وكل مزاد تيجيك رساله وركز على سيارات معينه مرقوبه في في السوق واهم شي ابعد عن الصدمه الي في الوجه هاذي مكلفه وسياره ماتظبط وسولك استكر صغير وسجل رقم جوالك عليه واي سياره مصدومه حط لها ستكر بس حاول. ان يكون سريع الزاله بشان سيارة الرجال ما تتضرر والله يوفقك وراسلني على
إيميل بالخدمه اخي وشكرا

ما انصحك في هذه الشغلة الا لو انت عندك ورشة للتصليح خاصة بك من سمكرة وبوية وميكانيكا وكهرباء .
لانك غير هذه الطريقة ماراح تكسب .
ولاتنسى اكثر الناس ماتحب شراء المصدوم او المسمكر .
ولاتنسى الناس صارت واعية مو مثل اول يعني تفحص قبل لاتشتري والفاحص لاقال له مصدومة هون البيعة .

السلام عليكم جميعا

أخي الفاضل الاباتشي ,, عن أنس بن مالك رضي الله عنه خادم رسول الله صلى الله عليه وسلم أن النبي صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه )

الشغلة بإذن لله مربحه وفيها رزق !!!!! إذا توفرت شروط معينه

ومنها ... التوكل على لله أول شيء وطلب الحلال وحسن النية

1-الخبرة في شراء السيارات المصدومة لمعرفة الأضرار وتحديد التكلفة التقريبية للقطع وتصليح
2- إن كان عندك ورشة أو مجمع افظل لتوفير جميع الأعمال و الإصلاحات
من سمكرة ودهان وغيرها وهذا يوفر عليك شيء كثير

3-توفير القطع المطلوبة بنفسك خصوصا من التشليح بأقل سعر

مع هذا كله ...!!!
تأكد إذا أنت صاحب ورشة مراح تخسر بإذن لله وهذا الكلام من مجرب
وأي استشاره إنا جاهز

بعد السلام
المجال مزحوم جداً والحق ينقال المكسب الحقيقي يجي بالعلاقات فقط
يعني بين ناسك اصدقائك شوي شوي لحد ماتتمكن وحاول تكون صادق ولاتحاول تعوض اي خسارة بالكذب والحلوف والحيله لان انطباع الناس الان هو ان الشريطي مايقول الصدق وفعلاً الغالب منهم يبخس وقت الشرى ويمدح وقت البيع ويحسسك بعدم الرضى وانت بايع وانت شاري

طبعا اغلب مبيعات المصدوم في الشركات والتشليح والمزادات مبنية على المحسوبيات
والبزنس لابد من دراسة المواضيع بالنسبة لتكلفة الاصلاح و اخراج سعر تقريبي للتكاليف
والمقانة مع السو ق
وخليك في الدارج
هذا والله هو المقصود

عزيزي شرى ولدي سيارة هوندا مصدومة 2012 ب 000 50 ريال وصلحها وباعها ب 000 37 ريال بعد ان تم عرضها بجميع الطرق معارض السيارات ، مواقع حراج ، مواقع اخرى .........الخ واذا قلت للزبون انها مصدومة او مصلحه حتى لو كانت نظيفة ما احد يشتريها ، وخاصة الاشخاص الذين يعملون في معارض السيارات واذا أرادوا ان يشتروها بخسوك في قيمتها. ابعد عن هذا العمل افضل لك. جزاك الله خيراً.

مساء الخير اخي العزيز التايوتا المصدومه تجدها في كل من مزاد تايوتا مزاد التعمير مثل قول زميلك وقف في التشليح وزود بس العالم الان بدت تترك التشليح والمعارف والاعلانات والاستيكر ات اما اصحاب السطحات اغسل يدك ولكن النصيحه ارسلها لك على الخاص

اشتر نظيف وبيع نظيف لو تكسب قليل .
لا تضيع وقتك ولا توجع راسك مع الورش

من خبرتي الطويلة بالسيارات