تكفووون ابي شوووركم ياهل القلابات؟؟؟

ياليت يفيدونا الاخوان

لاني اشوف المرسيدس اسعارها مبالغ فيها

خلك مع السوق اخوي
السوق يطلب المرسيدس
والانواع هذي صعب صيانتها وقطع غيارها بالسوق كان ما انت فاضي لعوار الراس والبحث عن فنين لها
عسى الله يربحك ويوفقك

عليك بـ LB من مرسيدس سيارة لكل الظروف عن تجربة

القلاب حمولاته ثقيلة ولا يبي لها غير سيارة قوية وتصبر

مستخدم فولفو لكن للقلاب لاتاخذ أقل من حجم 420 ومان ومرسيدس طيبة للقلاب لكن أحجام المكينة تكون كبيرة وتتحمل ولاتنسى الطرمبة وتكون سست والشاص لو قدرت تدبله لان هذي بتطلع معك مع الشغل وبتضطر توقف شغلك أي أستشارة رآسنلي خآص وراح أفيدك أن شاء الله

من واقع تجربه ابعد عنها وخلك مع المرسيدس شرط سست في الخلف او فلفو شرط سست في الخلف

البي يمدحونه بس وين النظيف كلها غاليه ومكوف وملعون جدفه

والكتروس على كلام واحد خبير تضحك اول سنة وثم يبكيك كل السنين

اما الفيكو لاعلم عنها شي ..

كيف عندكم الشغل في الشرقية افكر اخذ قلاب بس الخوف يبيت ولا القيله شغل

اشتري كانك تبيع
وودي اسالك فيه مقارنه بينك وبين جدك الله يحفظه وان كان ميت الله يرحمه من ناحية الشده والقوه والتحمل
والفلفو مثل ابوي وابوك الله يحفظهم
حبيبي بالترتيب مرسدس -- فلفلو -- مان غيرها حط رولك

حلو يابو فيصل 2 بارك الله فيك

دور النظيف ولو كان غالي
وعليك بالمرسيدس

وقبل كل السواق
إذا حصلت كفؤ توكل على الله
وإذا ما فيه ريح رأسك

الشغل بالقلابات غير مجدي عن تجربه
تشتغل للمكانيكي وصاحب القطع والبنشري والسواق
واخرها تطرد وراء سراب يمكن تدخل بالشهر 20 الف لكن راح تصرف على القلاب اكثر من ذلك
ترا احيان بقالة تدخل اكثر من دخل قلاب

فك نفسك من القلابيات ماوراها الا الخسائر نصيحة مجرب وانت حر

فك نفسك من القلاب وترتاح إلا إذا تبي تشتغل مقاولات لك لا تاجر خذ لك 2 قلاب و شيول وتدفن فقرك.

نصيحه لا تشتغل قلاب تشتغل الصبح و العصر في الورشة و الافيكو صعب تحصل قطع الغيار اخوي انا ابعطيك الترتيب اكتروس فولفو مان مع اني انا شخصيا يعجبني الفولفو و شكرا قناعات الله يوفقك

الترتيب
اكتروس
مان
فولفو
ثم تجي باقي الانواع
رينو افيكو سكانيا هينو ايسوزو
رينو وكيلها الزاهد نفس وكيل الفولفو حسب علمي وبتحصل القطع عند الوكيل اكيد
الايفيكو وكيلها على طريق الخرج ونفس الشي بتحصل القطع عند الوكيل
اهم شي النظافه لو رينو انظف من البي ولا اكتروس انا براي افضل
اسعار القطع لا اعلم
لكن انت مر على الوكيل واسئل عن بعض القطع مثل الفحمات الدينمو الكلتش زي كذا وقارن بينها وبين الوكالات الثانيه يعني تعطيك انطباع بسيط ممكن يفيدك
والصيانه اذا انك عندك خلفيه بالميكانيكا السيارات والشاحنات الفكره واحد بس فروقات بسيطه
ونصيحه اذا تقدر اشتر وكاااااااااااااااااااله وبس
القرمبعان ماعاد فيها نفس خلاص كدت بعضها فوق المليون كلم مصفر العداد وعاد من جديد وش عاد تبي من وراها الى متى تبيها تشتغل مدى الحياه
معروف عند صناع السيارات والشاحنات وكل الصناعات كل اله ولا مكينه لها عمر افتراضي وبعدين خلاص تبدا استهلاك بالقطع وزيارة الورش ولا عاد منها فايده وموال طويل من الصيانه وشغلك كله تنفع بس الورش وتجار قطع الغيار والبناشر والسواق وانت خسران هالشغله لازم لها واحد راس ماله كبير ولا يشوف له شي على قده احسن له

وفيه مثل اشتر تبيع
الرينو والايغيكو عند البيع تفشلك وتعبك
الافضل عند البيع الالبي ثم الاكتروس بعدين
المان و الفولفو يعني تعبك شوي لكن تلقى زباين لها وفيه ناس تقدرها